Ҳайати Академияи таҳқиқотии Малайзия бо ёдгориҳои таърихию фарҳангӣ ва бостонии Тоҷикистон шинос мешавад
ДУШАНБЕ, 26.12.2025 /АМИТ «Ховар»/. Масъалаҳои ҳамкории илмӣ, омӯзиш ва ҳифзи ёдгориҳои таърихию фарҳангӣ, баргузории чорабиниҳои муштарак дар самти ҳифзи мероси таърихию фарҳангии Ҷумҳурии Тоҷикистон ва Малайзия зимни вохӯрии роҳбарияти Агентии ҳифзи мероси таърихию фарҳангии назди Ҳукумати Ҷумҳурии Тоҷикистон бо олимону коршиносони Малайзия баррасӣ гардиданд. Дар ин хусус ба АМИТ «Ховар» аз Агентии ҳифзи мероси таърихию фарҳангии назди Ҳукумати Ҷумҳурии Тоҷикистон хабар доданд.
Зимни вохӯрӣ эҳё ва муаррифии арзишҳои таърихию фарҳангии миллӣ, табодули таҷриба байни кишварҳо дар ин самт, инчунин масълаҳо оид ба рушди ҳамкорӣ дар самти муаррифии сазовори таъриху фарҳанги миллати тоҷик дар Малайзия баррасӣ карда шуданд.
Иброз гардид, ки шахсиятҳои маъруфи илму таърихи ҷаҳонӣ Абуалӣ ибни Сино, Абурайҳони Берунӣ, Имом Бухорӣ ва ғайра, ки ба миллати тоҷик мансубанд, дар доираҳои илмии Малайзия дорои эҳтироми васеъ мебошанд.
Ҷонибҳо ҷалби муштараки олимони соҳавиро дар самти ҳифзи мероси таърихию фарҳангӣ ва мероси хаттӣ дар чорабиниҳои муштарак ва байналмилалӣ иброз намуданд.
Тибқи барнома, ҳайати Академияи таҳқиқотии Малайзия бо ёдгориҳои таърихию фарҳангӣ ва бостонии Тоҷикистон шинос мешавад.
АКС: Агентии ҳифзи мероси таърихию фарҳангии назди Ҳукумати Ҷумҳурии Тоҷикистон
ИҚДОМИ «ТОҶИКОНА МЕПӮШЕМ!». Ба либоси миллӣ – мероси аҷдодонамон арҷ мегузорем
Дар Хуҷанд масъалаи эҳё ва рушди ҳунарҳои бадеии халқӣ баррасӣ гардид
«ДИРӮЗ, ИМРӮЗ ВА ФАРДОИ ФАРҲАНГИ ТОҶИК». Таҳти чунин унвон дар Душанбе конференсияи ҷумҳуриявӣ доир гардид
Дар Тоҷикистон Озмуни ҷумҳуриявии «Роҳнамои беҳтарин» баргузор мешавад
Дар Давҳа намоиши ҳунарҳои мардумӣ ва барномаи консертии Рӯзҳои фарҳанги Ҷумҳурии Тоҷикистон доир гардид
Дар Давлати Қатар Рӯзҳои фарҳанги Ҷумҳурии Тоҷикистон идома доранд
Таҳти унвони «Робиаи Балхӣ — нахустбонуи соҳибдевони адабиёти тоҷику форс» конференсияи байналмилалӣ баргузор мешавад
Фаъолияти инноватсионӣ-методии китобхонаҳоро қонунгузории Ҷумҳурии Тоҷикистон чӣ гуна муқаррар намудааст?
«ҶАВОНОН — ЗИДДИ ТЕРРОРИЗМ». Таҳти ин унвон дар Осорхонаи миллӣ намоиши асарҳои рассомони ҷавон оғоз шуд
ПАЁМЕ, КИ НАВИДИ ПИРӮЗИҲОСТ. Иҷрои дастурҳои он роҳнамои миллати тоҷик барои фатҳи қуллаҳои нави армонҳои миллӣ аст
Донишҷӯёни Донишкадаи давлатии санъати тасвирӣ ва дизайни Тоҷикистон дар озмуни «Тоҷикистон-Ватани азизи ман» соҳиби се Шоҳҷоиза шуданд
Чойхонаи тоҷикии «Шоми Ваҳдат» фарҳанги миллати тоҷикро дар шаҳри Краснодар муаррифӣ менамояд
