Ҳайати Тоҷикистон дар Форуми сатҳи баланд оид ба фарогирии ҷаҳонии тандурустӣ дар Токио иштирок намуд
ДУШАНБЕ, 08.12.2025 /АМИТ «Ховар»/. 6 декабр дар шаҳри Токиои Ҷопон Форуми сатҳи баланд оид ба фарогирии ҷаҳонии тандурустӣ-2025 баргузор гардид, ки дар он ҳайати Ҷумҳурии Тоҷикистон таҳти роҳбарии муовини Вазири молияи Ҷумҳурии Тоҷикистон Сарвар Қурбониён иштирок намуд.
Дар кори форум намояндагони сохторҳои давлатии кишварҳои гуногун, созмонҳои байналмилалӣ, аз ҷумла Бонки ҷаҳонӣ, Созмони ҷаҳонии тандурустӣ ва Бонки Осиёии рушд иштирок намуданд.
Муовини Вазири молияи Ҷумҳурии Тоҷикистон Сарвар Қурбониён оид ба дастовардҳо ва ислоҳоти соҳа дар ҷумҳурӣ маъруза намуд.
Иброз гардид, ки соҳаи тандурустӣ яке аз самтҳои аввалиндараҷаи сиёсати иҷтимоии Ҳукумати Ҷумҳурии Тоҷикистон ба шумор рафта, хароҷот барои ҳифзи солимии аҳолӣ сармоягузории рушди ҷумҳурӣ ҳисобида мешавад. Бо ин мақсад маблағгузории он ҳамасола зиёд мегардад.
Дар интиҳои форум байни иштирокчиён оид ба баррасии роҳҳои таҳкими низоми устувории тандурустӣ ва дастгирии ислоҳоти миллӣ дар соҳаи тандурустӣ мубодилаи афкори судманд доир шуд.
АКС: Вазорати молияи Ҷумҳурии Тоҷикистон
Дар Тоҷикистон беш аз 29 ҳазор тонна равғани растанӣ истеҳсол шудааст
Вазири саноат ва технологияҳои нав бо муовини Сарвазир – Вазири зеҳни сунъӣ ва рушди рақамии Қазоқистон вохӯрӣ намуд
Тоҷикистон ҳамкориро бо Италия барои воридоти технологияҳои истеҳсолӣ тақвият медиҳад
Байни Хадамоти гумрук ва ширкати ҷопонии «Yachiyo Engineering Co., LTD» оид ба хизматрасонии машваратӣ шартнома ба имзо расид
Тоҷикистон ҳамкориро бо «Google DeepMind» дар соҳаи рушди зеҳни сунъӣ густариш медиҳад
Бо мақсади иҷрои «Барномаи давлатии таъмини оби нӯшокӣ ва рафъи обҳои партов барои солҳои 2025-2029» ҳамоиш доир шуд
Дар Саммити байналмилалии «AI Impact Summit» татбиқи зеҳни сунъӣ дар идоракунии давлатии Тоҷикистон муаррифӣ шуд
Роҳбарияти Корпоратсияи «Microsoft» барои густариши ҳамкорӣ бо Тоҷикистон дар самти рушди зеҳни сунъӣ изҳори омодагӣ намуд
Бо мақсади рушди устувори соҳаи захираҳои об Ёддошти тафоҳуми ҳамкорӣ ба имзо расид
Масоили маблағгузории идомаи сохтмони НБО –и «Роғун» баррасӣ гардид
Блогерони тоҷик ба маблағи беш аз 5 миллион сомонӣ андоз супориданд
Зимни баргузории амалиёти назоратӣ дар Рашт 60 кабк ва як яроқи шикорӣ мусодира карда шуд
