Дар Эрон Фестивали байналмилалии «Фаҷр» баргузор гардид
ДУШАНБЕ, 04.12.2025 /АМИТ «Ховар»/. Аз 30 ноябр то 4 декабр дар шаҳри Шерози Ҷумҳурии Исломии Эрон Фестивали 43-юми байналмилалии «Фаҷр» баргузор гардид. Дар ин хусус АМИТ «Ховар» бо истинод ба Вазорати фарҳанги Ҷумҳурии Тоҷикистон иттилоъ медиҳад.
Дар ин фестивал аз Ҷумҳурии Тоҷикистон филми «Зиндагӣ зебост»-и коргардон Далер Раҳматов ва «Моҳӣ дар шаст»-и коргардон Муҳиддини Музаффар намоиш дода шуд.
Дар доираи ин фестивали бонуфуз инчунин Форуми байналмилалии синамогарон оид ба рушди соҳаи кино баргузор гардид.
Фестивали байналмилалии филмҳо таҳти унвони «Фаҷр» аз соли 1982 таъсис ёфтааст. Он яке аз бузургтарин ҷашнвораи солонаи соҳаи синамо дониста мешавад.
Ҳадафи баргузории фестивал табодули таҷриба, муаррифии дастовардҳои эҷодии синамогарон ва шиносоӣ бо фаъолияти эҷодкорон мебошад.
Ёдовар мешавем, ки соли 2024 ҳунармандони Театри вилоятии мусиқӣ-мазҳакавии ба номи Ато Муҳаммадҷонови шаҳри Бохтар дар Фестивали 42-юми байналмилалии «Фаҷр» барои намоиши «Зол ва Рудоба» бо Сипоснома ва дипломи махсус қадрдонӣ карда шуданд.
АКС: Вазорати фарҳанги Ҷумҳурии Тоҷикистон
ҶАШНИ САДА. Он чун унсури барҷастаи мероси фарҳангии башарият сазовори ҳифз ва таблиғ дар саросари ҷаҳон аст
Ҳамкории «Тоҷикфилм» бо Институти миллии аудиовизуалии Фаронса тақвият меёбад
«ТОҶИКИСТОН — ВАТАНИ АЗИЗИ МАН». Ғолибони озмун дар баробари мукофотпулӣ аз кадом имтиёзҳо бархӯрдор мешаванд?
26 январ дар вазорату идораҳои Тоҷикистон нишастҳои матбуотӣ оғоз мегарданд
ТАМАДДУНИ ОРИЁӢ. Дар Душанбе дар ин мавзуъ Симпозиуми байналмилалии сатҳи баланд баргузор мегардад
СОЛИ ОБОДОНИЮ СОЗАНДАГӢ. Дар ҳудуди Қасри бостонии Ҳулбук корҳои ободкорию сабзгардонӣ идома доранд
Эҳёи хотираи таърихӣ ва таҳкими ҳувияти миллӣ вазифаи муқаддаси ҳар сокини ҷумҳурӣ аст
Дар Маркази минтақавии бехатарӣ, амният ва кафолати химиявӣ, биологӣ, радиатсионӣ ва ядроӣ давраи омузишӣ баргузор шуд
ТОҶИКОН — МЕРОСБАРИ ТАМАДДУНИ ОРИЁӢ. Иқдоми Тоҷикистон дар самти ҳифзу арҷгузорӣ ба тамаддуни ориёӣ саривақтӣ ва муҳим аст
Сокинони шаҳри Исфара соҳиби туҳфаи Пешвои миллат- «Шоҳнома»-и безавол мегарданд
Дар Коллеҷи муҳандисию омӯзгории шаҳри Душанбе маркази омӯзиши забони чинӣ таъсис дода мешавад
БОРБАД — АСОСГУЗОРИ МУСИҚИИ ШАРҚ. Хунёгаре, ки назирашро таърихи башар ёд надорад
