Дар Токио Форуми тиҷоратии «Тоҷикистон – Ҷопон» баргузор шуд
ДУШАНБЕ, 19.12.2025 /АМИТ «Ховар»/. 19 декабр дар доираи сафари расмии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар шаҳри Токио Форуми тиҷоратии «Тоҷикистон – Ҷопон» баргузор гардид, хабар медиҳад АМИТ «Ховар».
Дар кори форум зиёда аз 70 намояндаи мақомоти давлатӣ, доираҳои соҳибкорӣ, ниҳодҳои сармоягузорӣ ва молиявии Тоҷикистону Ҷопон иштирок намуданд.
Дар маросими ифтитоҳи расмии форум Вазири рушди иқтисод ва савдои Ҷумҳурии Тоҷикистон Абдураҳмон Абдураҳмонзода, Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Султон Раҳимзода ва муовини иҷроияи Президенти ширкати ҷопонии Ҷетро (JETRO) Такафуми Судзуки сухан намуданд.
Барои доираҳои васеи соҳибкорию сармоягузории Ҷопон имкониятҳои сармоягузории Ҷумҳурии Тоҷикистон муаррифӣ карда шуд. Аз ҷумла, Директори генералии Корхонаи воҳиди давлатии «Тоҷинвест» Дилшод Ҷӯразода бо рӯнамоӣ дар мавзуи муҳити сармоягузорӣ ва механизмҳои амалии пешбурди соҳибкорӣ дар Тоҷикистон сухан гуфт.
Зимни муаррифӣ ба масъалаҳои ҷалби сармояи мустақими хориҷӣ, рақамисозии иқтисод, рушди энергетикаи “сабз” ва дурнамои шарикии давлат ва бахши хусусӣ таваҷҷуҳи хос зоҳир карда шуд.
Таъкид гардид, ки бо вуҷуди тамоюли мусбати рушди муносибатҳои Тоҷикистону Ҷопон байни ду кишвар ҳанӯз ҳам иқтидори истифоданашудаи назаррас, бахусус дар соҳаҳои савдо, иқтисод ва ҷалби сармоя мавҷуд аст.
Дар ин замина, густариши минбаъдаи ҳамкорӣ ба манфиати ҳарду ҷониб арзёбӣ гардид.
Гуфта шуд, ки Ҷумҳурии Тоҷикистон барои сармоягузорони хориҷӣ шароити мусоиди иқтисодӣ фароҳам оварда, ба рушди ҳамкории мутақобилан судманд ва шарикии созанда бо ширкатҳои ҷопонӣ манфиатдор мебошад.
Инчунин дар форум иштирокдорон имкон доштанд, ки табодули афкор анҷом дода, самтҳои мушаххаси ҳамкории минбаъдаро баррасӣ намоянд.
Форум ба як минбари муҳими муҳокимаи дурнамо ва имконияти густариши ҳамкории иқтисодии дуҷониба байни Ҷумҳурии Тоҷикистон ва Ҷопон, инчунин таҳкими робитаҳои корӣ миёни намояндагони сохторҳои давлатӣ ва бахши хусусии ҳарду кишвар табдил ёфт.
Дар фароварди кори Форуми тиҷоратӣ байни намояндагони бахши хусусӣ ва ниҳодҳои соҳавии Тоҷикистону Ҷопон якчанд санади ҳамкорӣ ба имзо расид.
АКС: АМИТ «Ховар»
Байни соҳибкорони вилояти Суғд ва Қазоқистон санадҳои нави ҳамкорӣ ба имзо расиданд
Дар Душанбе самтҳои ҳамкорӣ бо ҳайати Палатаи савдои хориҷии Олмон баррасӣ гардид
Дар Остона дурнамои рушди ҳамкории Тоҷикистону Қазоқистон дар соҳаҳои электроэнергетика ва нафту газ баррасӣ гардид
Тоҷикистон дар доираи татбиқи Консепсияи рушди соҳаи ангишт ҳаҷми истихроҷи ангиштро ба 15 миллион тонна мерасонад
Дар Остона Форуми соҳибкории Тоҷикистону Қазоқистон баргузор шуд
Дар оянда байни Тоҷикистон ва Амрико парвозҳои мустақими ҳавоӣ ба роҳ монда мешаванд
Ҳамкории Кумитаи рушди маҳали Тоҷикистон ва Бонки ҷаҳонӣ оид ба такмили низоми худидоракунӣ баррасӣ гардид
Таҳкими ҳамкории иқтисодию сармоягузории Тоҷикистону Ветнам баррасӣ карда шуд
Масъалаҳои тақвияти ҳамкорӣ дар самти бехатарии озуқаворӣ бо намояндагони Бонки ҷаҳонӣ баррасӣ шуданд
Байни Тоҷикистон ва Лаос масоили таҳкими ҳамкории сармоягузорӣ ва иқтисодӣ баррасӣ гардид
Ҳамкории Тоҷикистон ва Қирғизистон дар самтҳои тиҷорат, нақлиёт, сармоягузорӣ ва логистика густариш меёбад
Таҳкими ҳамкории Тоҷикистон бо ширкати «Smart Villages» -и Миср дар соҳаи инноватсия баррасӣ гардид
