НИШАСТИ МАТБУОТӢ. Табибон дар оянда бо истифода аз технологияҳои муосир ва зеҳни сунъӣ таълим мегиранд
ДУШАНБЕ, 26.01.2026 /АМИТ «Ховар»/. Дар Донишгоҳи давлатии тиббии Тоҷикистон ба номи Абуалӣ ибни Сино ду ихтисоси нав таъсис ёфта, дар ҷараёни таълим технологияҳои муосир, симуляторҳои тиббӣ ва унсурҳои зеҳни сунъӣ бештар истифода мегарданд. Ин матлабро имрӯз зимни нишасти матбуотӣ ректори Донишгоҳи давлатии тиббии Тоҷикистон ба номи Абуалӣ ибни Сино Муҳиддин Нуриддин баён намуд.
Гуфта шуд, ки ду ихтисоси нав «Биохимияи клиникӣ» ва «Психологияи тиббӣ» мебошанд. Ин ихтисосҳо ба баланд бардоштани сифати ташхисҳои озмоишгоҳӣ, рушди хизматрасониҳои тиббию иҷтимоӣ ва омода намудани мутахассисони ҷавобгӯ ба стандартҳои байналмилалӣ мусоидат менамоянд.
Таъкид гардид, ки симуляторҳои тиббӣ дастгоҳҳо ё барномаҳои компютерие мебошанд, ки вазъияти воқеии клиникиро барои таълими табибон ва донишҷӯён пешниҳод мекунанд. Онҳо имкон медиҳанд, ки амалиёт ва идоракунии мушкилот дар муҳити бехатар барои беморон гузаронида шаванд. Ин технологияҳо ба таври назаррас бехатарии беморонро дар амалияи воқеии тиббӣ баланд мебардоранд. Симуляторҳо инчунин барои донишҷӯён муҳити бехатар фароҳам оварда, қобилияти хато кардан ва ислоҳи онҳоро инкишоф медиҳанд.
Иттилоъ дода шуд, ки шуруъ аз соли хониши 2026-2027 омодасозии мутахассисон аз рӯи ихтисоси нав- табибони ҳарбӣ ба роҳ монда мешавад.
Таъкид шуд, ки донишгоҳ бо 101 муассисаи таълимию илмӣ ва табобатии давлатҳои хориҷӣ ҳамкорӣ дорад.
Соли 2025 бо муассисаҳои илмӣ ва таълимию табобатии давлатҳои хориҷӣ 15 созишномаи нави ҳамкорӣ ва ёддошти тафоҳум ба имзо расонида шуд.
Ҳадаф аз он таҳкими ҳамкорӣ бо муассисаҳои таълимӣ, илмӣ ва табобатии хориҷи мамлакат ва амалисозии лоиҳаҳои илмии муштарак мебошад. Дар доираи созишномаҳои ҳамкорӣ ва ёддошти тафоҳум лоиҳаҳо омода гардида, такмили ихтисоси омӯзгорон, мубодилаи академии донишҷӯёну омӯзгорон ва таҳқиқоти илмӣ ба роҳ монда шуд. Ин иқдоми нав дар ташаккули иқтидори кадрию илмии донишгоҳ ва боз ҳам баланд бардоштани сатҳи тайёр кардани мутахассисони соҳаи тандурустӣ саҳми назаррас мегузорад.
Фирӯза ДАВЛАТЗОДА,
АМИТ «Ховар»
АКС: АМИТ «Ховар»
Дар Академияи идоракунии давлатӣ даври муассисавии Озмуни ҷумҳуриявии «Шоҳномахонӣ» оғоз гардид
Қабули ҳуҷҷатсупории довталабон барои иштирок дар бурсияи Ҳукумати Ҷумҳурии Индонезия оғоз шуд
Ректори Донишгоҳи давлатии омӯзгории Тоҷикистон бо рафти таҳсилоти олӣ дар вилояти Панҷоби Ҳиндустон шинос гардид
Арзиши хизматрасонӣ дар ИМД-2026 чӣ қадар аст ва барои киҳо имтиёз муқаррар карда шудааст?
Дар Академияи идоракунии давлатӣ оид ба саҳми матбуот дар рушди давлатдории миллӣ ҳамоиши илмӣ-фарҳангӣ доир шуд
Доир ба шароити нигоҳдории солимии психологӣ дар муҳити муассисаҳои таълимӣ ҳамоиш баргузор шуд
Дурнамои ҳамкории Донишгоҳи байналмилалии сайёҳӣ ва соҳибкории Тоҷикистон бо ширкати нидерландии EISIVIER баррасӣ гардид
Дар Донишгоҳи байналмилалии забонҳои хориҷии Тоҷикистон ашъори Робиаи Балхиро бо 9 забони хориҷӣ қироат карданд
Дар Донишгоҳи технологии Тоҷикистон Рӯзи Модар бошукуҳ таҷлил гардид
Модар сарчашмаи меҳру муҳаббат ва неруи бузурги маънавии ҷомеа мебошад
МОДАР — ЧАРОҒИ РОҲНАМОИ ФАРЗАНД. Дар Донишгоҳи давлатии ҳуқуқ, бизнес ва сиёсати Тоҷикистон Рӯзи Модар бошукуҳ таҷлил гардид
Дастовардҳои соҳаи мошинсозӣ ва технологияҳои истеҳсолӣ дар конференсияи байналмилалӣ баррасӣ гардиданд
