Байни Кумитаи ҳифзи муҳити зист ва UNDP оид ба коҳиш додани истифодаи гидрофторкарбонҳо созишнома ба имзо расид
ДУШАНБЕ, 13.2026 /АМИТ «Ховар»/. Байни Кумитаи ҳифзи муҳити зисти назди Ҳукумати Ҷумҳурии Тоҷикистон ва Барномаи рушди Созмони Милали Муттаҳид (UNDP) оид ба татбиқи лоиҳаи «Барномаи интегратсионӣ оид ба коҳиш додани истифодаи гидрофторкарбонҳо ва хунуккунии устувор дар Тоҷикистон» созишнома ба имзо расид.
АМИТ «Ховар» бо истинод ба Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ медиҳад, ки татбиқи лоиҳаи «Барномаи интегратсионӣ оид ба коҳиш додани истифодаи гидрофторкарбонҳо ва хунуккунии устувор дар Тоҷикистон» аз ҷониби Фонди глобалии экологӣ маблағгузорӣ мешавад.
Лоиҳа ба дастгирии Ҳукумати Ҷумҳурии Тоҷикистон дар иҷрои уҳдадориҳои байналмилалии иқлимӣ дар доираи Ислоҳоти кигалӣ ба Протоколи Монреал, аз ҷумла коҳиш додани истифодаи гидрофторкарбонҳо то 70 фоиз то соли 2029 равона гардидааст.
Гидрофторкарбонҳо аз ҷумлаи газҳои пуриқтидори гулхонаӣ буда, асосан дар низомҳои хунуккунӣ ва кондитсионерӣ истифода мешаванд. Коҳиш додани онҳо дар талошҳои ҷаҳонии мубориза бо тағйирёбии иқлим нақши муҳим дорад.
Дар доираи лоиҳа ҷорӣ намудани назорати марҳилавии воридоти гидрофторкарбонҳо ва таҷҳизоти дорои он, коҳиши партовҳо ва такмили идоракунии хладагентҳо дар тамоми давраи ҳаётии онҳо тавассути татбиқи принсипҳои идоракунии давраи ҳаётии хладагентҳо (LRM) ва ҷорӣ кардани усулҳои мониторинг барои оптимизатсияи кори таҷҳизот, суръат бахшидан ба гузариш ба технологияҳои муосир, каммасраф ва аз ҷиҳати иқлим бехатари хунуккунӣ ва мусоидат ба татбиқи механизмҳои инноватсионии молиявӣ барои ҳавасмандгардонии сармоягузории бахши хусусӣ ва истифодабарандагони ниҳоӣ бобати ҳалли устувори хунуккунӣ амалӣ карда мешавад.
Татбиқи лоиҳа ба коҳиши партовҳои газҳои гулхонаӣ, баланд бардоштани самаранокии энергетикӣ, рушди технологияҳои «сабз» ва таҳкими устувории иқлимии мамлакат равона гардидааст. Ин ташаббус ба авлавияти «Стратегияи миллии рушди Ҷумҳурии Тоҷикистон барои давраи то соли 2030» мутобиқат дошта, дар татбиқи ҳадафҳои рушди устувор мусоидат менамояд.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Дар Душанбе истифода ва ҳифзи захираҳои обии мамлакат дар шароити тағйирёбии иқлим баррасӣ гардид
Ҷаласаи сеюми Гурӯҳи кории муштараки Тоҷикистону Покистон оид ба савдо, сармоягузорӣ ва нақлиёт баргузор шуд
Бонки миллии Тоҷикистон ба Эъломияи Кейптаун ҳамроҳ шуд
35-СОЛАГИИ ИСТИҚЛОЛИ ДАВЛАТӢ. Дар ноҳияи Восеъ сохтмони иншооти таъйиноти гуногун идома дорад
Дар Душанбе натиҷаҳои COP30 ва раванди такмилсозии NDC 3.0-и Тоҷикистон баррасӣ гардид
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
Дар Вашингтон дурнамои ҳамкории Тоҷикистон бо Бонки ҷаҳонӣ дар самти рушди инфрасохтори роҳу нақлиёт баррасӣ шуд
