Дар Вазорати рушди иқтисод ва савдо оид ба иҷрои супоришҳои Президенти Тоҷикистон дар Паём ба Маҷлиси Олӣ ҷаласа доир шуд
ДУШАНБЕ, 07.01.2026 /АМИТ «Ховар»/. 7 январ дар Вазорати рушди иқтисод ва савдо доир ба шарҳу тавзеҳи нуктаҳои Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ ҷаласа баргузор гардид. Дар ин хусус ба АМИТ «Ховар» аз ин вазорат хабар доданд.
Вазири рушди иқтисод ва савдо Абдураҳмон Абдураҳмонзода иброз намуд, ки Паёми Президенти Тоҷикистон ба Маҷлиси Олӣ санади муҳими стратегӣ буда, самтҳои асосии рушди устувори иқтисодию иҷтимоии мамлакат, таҳкими сиёсати хориҷӣ ва баланд бардоштани сатҳу сифати зиндагии аҳолиро муайян менамояд.
Иброз шуд, ки дар даҳ соли охир бо шарофати татбиқи барномаҳои давлатӣ нишондиҳандаҳои макроиқтисодӣ устувор ва рушди босуръати иқтисоди миллӣ таъмин гардид.
Дар ин давра ҳаҷми маҷмуи маҳсулоти дохилӣ 3,4 баробар афзоиш ёфта, суръати миёнасолонаи рушди иқтисоди миллӣ 7,6 фоизро ташкил намуд. Бо мақсади таъмин намудани рушди устувори иҷтимоию иқтисодии мамлакат аз ҳисоби ҳама сарчашмаҳои маблағгузорӣ беш аз 670 миллиард сомонӣ, аз ҷумла 159 миллиард сомонӣ сармояи хориҷӣ равона карда шуд. Ҳамзамон нишондиҳандаи маҷмуи маҳсулоти дохилӣ ба ҳар сари аҳолӣ 2,7 баробар афзоиш ёфта, аз 6 ҳазор сомонӣ дар соли 2015 ба 16,4 ҳазор сомонӣ дар соли 2025 расонида шуд.
Дар ин муддат шумораи аҳолии мамлакат 26 фоиз зиёд гардида, ба 10,7 миллион нафар расид, нишондиҳандаи дарозумрии аҳолӣ аз 70 ба 77 сол баланд шуд ва сатҳи камбизоатӣ то 19 фоиз коҳиш ёфт. Инчунин даромади пулии аҳолӣ беш аз шаш баробар афзоиш ёфта, соли 2025 ба 165 миллиард сомонӣ баробар гардид. Соли 2025 ҳаҷми маҷмуи маҳсулоти дохилии мамлакат ба 173 миллиард сомонӣ расида, суръати рушди воқеии иқтисоди миллӣ 8,4 фоизро ташкил дод.
Таъкид шуд, ки дар Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ ба вазорату идораҳо ва мақомоти иҷроияи ҳокимияти давлатӣ супориш дода шуд, ки дар соли 2026 суръати рушди иқтисодии мамлакат на кам аз 8 фоиз таъмин гардида, солҳои минбаъда устувории нишондиҳандаҳои асосии макроиқтисодӣ нигоҳ дошта шавад.
Ба масъулин барои иҷрои саривақтӣ ва босифати нақшаи чорабиниҳо вобаста ба татбиқи дастуру супоришҳои Президенти Ҷумҳурии Тоҷикистон дар Паём ба Маҷлиси Олӣ вазифаҳои мушаххас дода шуд.
АКС: Вазорати рушди иқтисод ва савдои Ҷумҳурии Тоҷикистон
Ҷаласаи сеюми Гурӯҳи кории муштараки Тоҷикистону Покистон оид ба савдо, сармоягузорӣ ва нақлиёт баргузор шуд
Бонки миллии Тоҷикистон ба Эъломияи Кейптаун ҳамроҳ шуд
35-СОЛАГИИ ИСТИҚЛОЛИ ДАВЛАТӢ. Дар ноҳияи Восеъ сохтмони иншооти таъйиноти гуногун идома дорад
Дар Душанбе натиҷаҳои COP30 ва раванди такмилсозии NDC 3.0-и Тоҷикистон баррасӣ гардид
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
Дар Вашингтон дурнамои ҳамкории Тоҷикистон бо Бонки ҷаҳонӣ дар самти рушди инфрасохтори роҳу нақлиёт баррасӣ шуд
Тоҷикистон ҳамкориро бо Барномаи ҷаҳонии озуқаворӣ дар самти устувории иқлимӣ тақвият медиҳад
