Ширкати «ACWA Power» дар доираи татбиқи тарҳи энергетикӣ дар Тоҷикистон неругоҳи офтобӣ месозад
ДУШАНБЕ, 22.01.2026 /АМИТ «Ховар»/. Ширкати «ACWA Power» дар Тоҷикистон дар асоси татбиқи тарҳи энергетикӣ неругоҳҳои офтобӣ бо иқтидори умумии 1250 МВт бунёд менамояд, иттилоъ медиҳад АМИТ «Ховар» бо истинод ба Вазорати энергетика ва захираҳои оби Ҷумҳурии Тоҷикистон.
Татбиқи ин лоиҳаи энергетикӣ дар мулоқоти Вазири энергетика ва захираҳои оби Ҷумҳурии Тоҷикистон Далер Ҷумъа бо Президенти ширкати «ACWA Power» дар Осиёи Марказӣ Абид Малик дар Душанбе баррасӣ гардид.
Ҷонибҳо масъалаҳои муҳими густариши ҳамкории дуҷониба дар соҳаи энергетикаро муҳокима намуданд. Таваҷҷуҳи асосӣ хусусан ба татбиқи лоиҳаҳои сохтмони неругоҳҳои офтобӣ бо иқтидори умумии 1250 МВт дар қаламрави Ҷумҳурии Тоҷикистон равона гардид. Ин метавонад дар гуногунсозии манбаъҳои тавлиди неруи барқ ва рушди энергетикаи барқароршаванда саҳми назаррас гузорад.
Ҳамзамон барои таҳкими устувории низоми энергетикии Тоҷикистон, баланд бардоштани эътимоднокии таъминоти барқ ва афзоиши иқтидори интиқоли неруи барқ ҷонибҳо аҳамияти татбиқи лоиҳаи хати интиқоли барқи баландшиддати 500 кВ «Роғун–Сайҳун», инчунин идомаи он аз мавзеи Сайҳун то зеристгоҳи барқии «Суғд-500»-ро таъкид намуданд.
Бунёди неругоҳҳои офтобӣ дар Тоҷикистон ба он рабт дорад, ки воридот ва таҳвили минбаъдаи панелҳои офтобӣ ва қисмҳои эҳтиётиву маҳсулоти такмилии он то соли 2031 дар ҷумҳурӣ аз пардохти андоз аз арзиши иловашуда озод карда шуданд. Ҳамчунин объектҳои ғайриманқуле, ки дар онҳо панелҳои офтобӣ насб мешавад, аз пардохти андоз аз арзиши иловашуда озод карда шуданд.
Ин тадбир дар асоси ворид намудани тағйирот ба Кодекси андози Ҷумҳурии Тоҷикистон, ки моҳи декабри соли 2025 Парлумони Тоҷикистон онро қабул намуд, андешида шудааст. Имтиёз бо ҳадафи ҳавасмандсозӣ ва фароҳам овардани шароити мусоид барои истифода аз панелҳои офтобӣ ва қисмҳои эҳтиётии он пешниҳод гардидааст.
АКС: Вазорати энергетика ва захираҳои оби Ҷумҳурии Тоҷикистон
22 ЯНВАР — РӮЗИ КОРМАНДОНИ МАҚОМОТИ ГУМРУК. Таъмини амнияти иқтисодии Тоҷикистон рисолати асосии ин мақомот аст
Дар Форуми иқтисодии СПЕКА нишондиҳандаҳои гардиши савдои хориҷии Тоҷикистон муаррифӣ карда шуд
Ҳамкории Тоҷикистон ва Бонки аврупоии сармоягузорӣ дар соҳаи гидроэнергетика тақвият меёбад
Дар «Тоҷикаэронавигатсия» масъалаи муқовимат ба коррупсия баррасӣ карда шуд
Барои татбиқи лоиҳа оид ба ҷорӣ намудани нақлиёти ҷамъиятии барқӣ дар Хатлон созишномаҳои қарзӣ ва грантӣ ба имзо расиданд
Дурнамои ҳамкории иқтисодӣ ва афзоиши гардиши савдои Тоҷикистон ва Британияи Кабир баррасӣ гардид
Дар Минтақаи озоди иқтисодии «Данғара» татбиқи лоиҳаҳои нави сармоягузорӣ бо сармоягузорони Чин баррасӣ гардид
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
ФЕСТИВАЛИ АНОРПАРВАРОН. Чӣ бояд кард, то дар бозорҳо анори тоҷикӣ фаровон гардад?
Фурудгоҳҳои байналмилалии Душанбе, Бохтар ва Кӯлоб навсозӣ мешаванд
Ҳамкории Тоҷикистон ва Покистон дар соҳаҳои иқтисоду тиҷорат густариш меёбад
Данғара – Гулистон — аввалин роҳи мошингарди Тоҷикистон, ки бо тарҳи «роҳҳои сабз» навсозӣ мешавад
