Ҷаласаи кории ҳайати комиссияи ҷумҳуриявии озмуни «Шоҳномахонӣ» баргузор шуд
ДУШАНБЕ, 20.02.2026 /АМИТ «Ховар»/. Дар Вазорати маориф ва илми Ҷумҳурии Тоҷикистон таҳти раёсати муовини Сарвазири Ҷумҳурии Тоҷикистон Дилрабо Мансурӣ ҷаласаи кории ҳайати комиссияи ҷумҳуриявии Озмуни ҷумҳуриявии «Шоҳномахонӣ» баргузор гардид. Дар ин хусус ба АМИТ «Ховар» аз маркази матбуоти Вазорати маориф ва илм хабар доданд.
Зимни ҷаласа муовини Сарвазири Тоҷикистон иброз намуд, ки Озмуни ҷумҳуриявии «Шоҳномахонӣ» дар доираи иҷрои Амри Президенти Ҷумҳурии Тоҷикистон баргузор мегардад. Ҳадафи он арҷгузорӣ ба мероси безаволи адабии миллат ва омӯзиши амиқи «Шоҳнома»-и Абулқосим Фирдавсӣ мебошад.
Вазири маориф ва илм иброз дошт, ки бо мақсади сари вақт иҷро намудани Амри Президенти Тоҷикистон ситоди кории Вазорати маориф ва илм таъсис дода шуда, якчанд тадбири ташкиливу методӣ амалӣ гардид. Аз ҷумла, нусхаи Низомномаи озмун ба мақомоти иҷроияи ҳокимияти давлатӣ дар маҳалҳо, раёсату шуъбаҳои маориф, муассисаҳои таҳсилоти умумӣ, ибтидоӣ, миёна ва олии касбӣ ирсол гардида, барои ташкили босифати даврҳои озмун дастуру тавсияҳои методӣ пешниҳод шуд. Ҳамзамон дар вилоятҳо ва шаҳру ноҳияҳои ҷумҳурӣ семинарҳои машваратӣ барои масъулон ва аъзои комиссия баргузор гардиданд.
Таъкид шуд, ки ҳангоми омодасозии иштирокчиён ба дарки амиқи муҳтавои «Шоҳнома» ба фарҳанги баланди қироат, риояи меъёрҳои забони адабӣ ва таҳкими ҷаҳонбинии миллӣ таваҷҷуҳи махсус зоҳир карда мешавад. Инчунин лоиҳаи рамзи озмун ва ролики таблиғотӣ таҳия гардида, барои мувофиқа ба комиссия пешниҳод шудааст.
Дар идомаи ҷаласа ҷадвали баргузории чор даври озмун барои соли 2026 мавриди баррасӣ қарор гирифт. Ҳамин тартиб, даври якум моҳи март, даври дуюм моҳи апрел, даври сеюм нимаи дуюми моҳи сентябр ва даври чорум нимаи якуми моҳи декабр баргузор мегардад.
Дар ҷаласа гуфта шуд, ки озмуни «Шоҳномахонӣ» идомаи мантиқии сиёсати фарҳангпарваронаи Президенти Ҷумҳурии Тоҷикистон муҳтарам Эмомалӣ Раҳмон мебошад. Дар ин замина нашр ва тақдими беш аз 1,7 миллион нусха «Шоҳнома» ба ҳар хонаводаи тоҷик иқдоми муҳими фарҳангӣ арзёбӣ гардид, ки он ба таҳкими худшиносии миллӣ ва густариши фарҳанги мутолиа мусоидат менамояд.
Озмун на танҳо воситаи кашфи истеъдодҳои нав дар бахши қироат ва суханварист, балки омили муҳимми баланд бардоштани сатҳи маънавиёт, ифтихори ватандӯстӣ ва эҳсоси худогоҳии миллӣ дар ҷомеа ба шумор меравад.
АКС: маркази матбуоти Вазорати маориф ва илми Ҷумҳурии Тоҷикистон
Дар Хатлон барои баргузории даври вилоятии озмунҳои ҷумҳуриявӣ беш аз 2 миллион сомонӣ ҷудо гардид
Зиракии сиёсӣ ва худшиносии миллӣ-омили муқовимат ба таҳдидҳои замони муосир
«КИТОБ — БЕҲТАРИН АРМУҒОН». Ба китобхонаи Донишгоҳи давлатии ҳуқуқ, бизнес ва сиёсати Тоҷикистон беш аз 200 китоб тақдим гардид
«ФУРӮҒИ СУБҲИ ДОНОӢ КИТОБ АСТ». Дар Коллеҷи омӯзгории ба номи Хосият Махсумова даври муассисавии озмун оғоз гардид
Дар Донишгоҳи давлатии ҳуқуқ, бизнес ва сиёсати Тоҷикистон оид ба рушди илму маориф ҳамоиш баргузор шуд
Дар назди Донишгоҳи байналмилалии забонҳои хориҷии Тоҷикистон ду шурои нави диссертатсионӣ таъсис ёфт
Дар Донишгоҳи давлатии Бохтар даври муассисавии Озмуни ҷумҳуриявии «Фурӯғи субҳи доноӣ китоб аст» баргузор гардид
ИЛМУ МАОРИФ БА ОЯНДАИ БОСАОДАТИ ДАВЛАТУ МИЛЛАТ ТАВЪАМ АСТ. Андешаҳо дар ҳошияи Паёми Президенти Тоҷикистон ба Маҷлиси Олӣ
Ҷаласаи гурӯҳи кории Озмуни ҷумҳуриявии «Илм – фурӯғи маърифат» баргузор шуд
Дар Душанбе дар нуҳ сол беш аз 54 мактаб ва 42 муассисаи томактабӣ сохта шудааст
Оид ба тамоюлҳои рушди психологияи муосир ва татбиқи он дар низоми таҳсилоти рақамӣ конференсияи байналмилалӣ доир шуд
«ИЛМ – ФУРӮҒИ МАЪРИФАТ». Барои баргузории ин озмуни ҷумҳуриявӣ зиёда аз 9 миллион сомонӣ ҷудо гардид
