Дар Ҷамоати деҳоти ба номи Садриддин Айнии ноҳияи Хуросон чоҳи амудӣ ба истифода дода шуд
ДУШАНБЕ, 11.02.2026 /АМИТ «Ховар»/. Дар Ҷамоати деҳоти ба номи Садриддин Айнии ноҳияи Хуросон чоҳи амудӣ ба истифода дода шуд. Бо фаъол гардидани чоҳи амудӣ, ки бо технологияҳои муосир сохта шудааст, беш аз 4 ҳазор аҳолии деҳот бо оби тозаи нӯшокӣ таъмин гардид. Дар ин хусус ба АМИТ «Ховар» аз хадамоти матбуоти вилояти Хатлон хабар доданд.
Раиси вилояти Хатлон Давлаталӣ Саид иброз дошт, ки ин иқдом дар доираи сиёсати хирадмандонаи Пешвои миллат ва бо ҳамкории мақомоти иҷроияи ҳокимияти маҳаллӣ бо шарикони рушд амалӣ гардид.
Барои фаъолияти доимии чоҳ ва таъмини истифодабарандагон бо об 30 панели офтобӣ бо иқтидори 16 киловатт-соат барқ насб карда шуд, ки ин самаранокии энергетикӣ ва истифодаи захираҳои табииро таъмин мекунад. Чоҳи амудӣ дар муддати 3 моҳ бо саҳми мақомоти маҳаллӣ ва шарикони рушд бунёд ва ба истифода супорида шуд.
Раиси вилоят зимни суҳбат бо сокинон гуфт, ки иқдом на танҳо сатҳи дастрасии аҳолӣ ба оби нӯшокиро баланд мебарад, балки дар рушду ободонии маҳал ва беҳдошти сифати зиндагии мардум нақши муҳим дорад.
АКС: Хадамоти матбуоти Раиси вилояти Хатлон
Ба дарахтони ҳамешасабзи шафати роҳи байналмилалии Бохтар, Хуросон ва Душанбе об доданд
«КИШВАРИ САБЗ». Дар Тоҷикистон дар 78 гектар плантатсияҳои павловния бунёд гардидаанд
Дар остонаи ҷаласаи 45-уми Шурои Фонди иқлими сабз дар Душанбе ниҳоли дарахтони ҳамешасабз шинонида шуд
Дар ноҳияи Дӯстӣ бунёди 5 гектар боғи павловния ба нақша гирифта шудааст
Дар ниҳолхонаи шуъбаи ҳифзи муҳити зист дар шаҳри Турсунзода беш аз 12 ҳазор бех ниҳоли гуногун парвариш меёбад
Дар Тоҷикистон 556,5 гектар боғҳои нав бунёд карда шуданд
Дар Тоҷикистон то соли 2040 беш аз 2 миллиард дарахт шинонида мешавад
Эмомалӣ Раҳмон: «Дар Тоҷикистон дар доираи Барномаи давлатии сабзкорӣ то соли 2040 беш аз 1 миллиард бех дарахт шинонида мешавад»
ДАРАХТИ ДӮСТӢ БИНШОН. Ректорони донишгоҳҳои «сабз» беш аз 50 бех ниҳоли дарахти ҳамешасабз шинониданд
БАРНОМАИ КАБУДИЗОРКУНӢ. Дар мавзеи баландкӯҳи Вору зиёда аз 12 ҳазор бех ниҳол шинонида шуд
«КИШВАРИ САБЗ». Дар Мурғоб беш аз 3 ҳазор бех ниҳоли дарахтони сояафкан шинонида шуд
СОЛИ ОБОДОНИЮ СОЗАНДАГӢ. Дар ҳудуди ёдгориҳои таърихии Тоҷикистон беш аз 7 ҳазор бех ниҳол шинонида шуд
