Дурнамои ҳамкории Тоҷикистон ва Иттиҳоди Аврупо дар соҳаҳои сармоягузорӣ ва иқтисод баррасӣ гардид

ДУШАНБЕ, 13.02.2026 /АМИТ «Ховар»/. Вазъи кунунӣ ва дурнамои ҳамкории Ҷумҳурии Тоҷикистон ва Иттиҳоди Аврупо дар соҳаҳои сармоягузорӣ ва иқтисод дар меҳвари мулоқоти Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Султон Раҳимзода бо Сафири Иттиҳоди  Аврупо дар Ҷумҳурии Тоҷикистон Радослав Дарски дар шаҳри Душанбе қарор гирифт.

АМИТ «Ховар» бо истинод ба  Кумитаи давлатии сармоягузорӣ ва идораи амволи давлатии Ҷумҳурии Тоҷикистон иттилоъ медиҳад, ки таваҷҷуҳи махсус ба масъалаҳои беҳтар намудани фазои сармоягузорӣ, ҷалби сармояи аврупоӣ, татбиқи лоиҳаҳои муштарак ва рушди иқтисоди устувору «сабз» равона гардид.

Ҷонибҳо барои таҳкими ҳамкории минбаъда ва густариши ҳамкории амалӣ дар самтҳои афзалиятнок изҳори омодагӣ карданд.

 АКС: Кумитаи давлатии сармоягузорӣ ва идораи амволи давлатии Ҷумҳурии Тоҷикистон