«MADE IN IRAN». Дар Душанбе Намоишгоҳи миллии Ҷумҳурии Исломии Эрон баргузор мегардад
ДУШАНБЕ, 15.02.2026. /АМИТ «Ховар»/. Моҳи май дар шаҳри Душанбе Намоишгоҳи миллии Ҷумҳурии Исломии Эрон баргузор мегардад. Дар ин хусус ба АМИТ «Ховар» аз Палатаи савдо ва саноати Ҷумҳурии Тоҷикистон хабар доданд.
Намоишгоҳ бо дастгирии Ҳукумати Ҷумҳурии Тоҷикистон ва бо ташаббуси Палатаи савдо ва саноати Ҷумҳурии Тоҷикистон ва Эрон баргузор мегардад. Ҳадаф аз ташкили он муаррифии имкониятҳои иқтисодиву тиҷоратии Ҷумҳурии Исломии Эрон, дастовардҳои илмию фаннӣ ва маҳсулоти рақобатпазири ширкатҳои эронӣ дар бахшҳои энергетика, сохтмон, саноати сабук, кишоварзӣ, саноати хӯрокворӣ ва дорусозӣ мебошад.
Дар доираи намоишгоҳ ширкатҳои пешсафи эронӣ маҳсулот ва хизматрасониҳои худро пешниҳод намуда, имкониятҳои ҳамкориро бо доираҳои соҳибкории Тоҷикистон баррасӣ менамоянд. Баргузории мулоқотҳои дуҷонибаи соҳибкорон (B2B), муаррифии лоиҳаҳои сармоягузорӣ ва баррасии ташкили корхонаҳои муштарак аз ҷумлаи чорабиниҳои муҳими он хоҳад буд.
Интизор меравад, ки соҳибкорони тоҷик бо намояндагони ширкатҳои эронӣ робитаҳои нави тиҷоратӣ барқарор намуда, барои воридоти технологияҳои муосир ва ҷалби сармоя заминаи мусоид фароҳам оваранд. Ҳамзамон сокинон ва меҳмонони пойтахт метавонанд бо навгониҳои истеҳсолкунандагони эронӣ шинос шуда, молу маҳсулотро бо нархи дастрас харидорӣ намоянд.
Баргузории Намоишгоҳи миллии Ҷумҳурии Исломии Эрон дар Душанбе ба густариши робитаҳои тиҷоративу иқтисодӣ, афзоиши гардиши мол байни ду давлат ва таҳкими ҳамкории мутақобилан судманд мусоидат хоҳад кард.
АКС: АМИТ «Ховар»
Беҳтарнамоии сифат ва бехатарии ғизо бо коршиносони Созмони озуқаворӣ ва кишоварзии СММ баррасӣ гардид
ИСТИФОДАИ САМАРАНОКИ ЗАМИН. Сокини нoҳияи Вахш дар замини наздиҳавлигияш гармхона ташкил намуд
Дар Санкт-Петербург нахустин Форуми байналмилалии нақлиётӣ-логистикӣ доир гардид
Дурнамои рушди соҳаҳои маориф, тандурустӣ, меҳнат, муҳоҷират ва шуғли аҳолӣ муаррифӣ карда шуд
Дар шаҳри Москва ҷаласаи 109-уми Шурои иқтисодии ИДМ баргузор гардид
Ҳайати Тоҷикистон дар Тотористон бо фаъолияти корхонаҳои истеҳсолии парки технологии «ИСКРА-ВОЛГА» шинос шуд
Байни «Шабакаҳои интиқоли барқ»-и Тоҷикистон ва «Маркази илмӣ-техникии системаи ягонаи энергетикӣ»-и Русия Созишномаи ҳамкорӣ ба имзо расид
Рустам Минниханов: «Барои рушди ҳамкории бисёрҷониба байни Тоҷикистон ва Тотористон имконоти фаровон мавҷуданд»
Дар Қазон ҷаласаи 68-уми Шурои электроэнергетикии кишварҳои аъзои ИДМ баргузор шуд
«GEOSCIENCE & EXPLORATION CENTRAL ASIA». Ҳайати Тоҷикистон дар Форуми байналмилалии геологӣ иштирок намуд
Сармоягузорони Чин бо фаъолияти корхонаҳои истеҳсолии МОИ «Данғара» шинос шуданд
Вазири энергетика ва захираҳои оби Тоҷикистон дар Форуми байналмилалии электроэнергетикии Қазон – «ЭНЕРГОПРОМ» иштирок намуд
