То соли 2030 ҳаҷми маҷмӯи маҳсулоти дохилӣ ба 325 миллиард сомонӣ расонида мешавад
ДУШАНБЕ, 15.02.2026 /АМИТ «Ховар»/. Соли 2025 лоиҳаи «Барномаи миёнамуҳлати рушди Ҷумҳурии Тоҷикистон барои солҳои 2026–2030» таҳия гардид, ки татбиқи он ба таъмини рушди устувори иқтисодӣ ва баланд бардоштани сатҳи некуаҳволии аҳолӣ равона шудааст. Татбиқи ин барнома имкон медиҳад, ки то соли 2030 ҳаҷми маҷмӯи маҳсулоти дохилӣ 1,8 маротиба афзоиш ёфта, ба 325 миллиард сомонӣ баробар гардад. Дар ин хусус 11 феврал Вазири рушди иқтисод ва савдои Тоҷикистон Абдураҳмон Абдураҳмонзода зимни нишасти матбуотӣ ба хабарнигорон иттилоъ дод.
Абдураҳмон Абдураҳмонзода баён дошт, ки дар доираи татбиқи барномаи қаблӣ барои солҳои 2021–2025 рушди иқтисоди миллӣ бо ҳисоби миёна 8,5 фоиз таъмин карда шуд. Дар ин замина, соли 2025 ҳаҷми маҷмӯи маҳсулоти дохилӣ ба 176,9 миллиард сомонӣ расид, ки нисбат ба соли 2020 (83,9 миллиард сомонӣ) 93 миллиард сомонӣ зиёд мебошад.
Иттилоъ дода шуд, ки соли 2025 аз ҷониби Вазорати рушди иқтисод ва савдои Ҷумҳурии Тоҷикистон 40 лоиҳаи санади меъёрии ҳуқуқӣ, аз ҷумла 4 ҳуҷҷати муҳими банақшагирии стратегӣ таҳия гардид.
Таъкид гардид, ки таҳия ва қабули санадҳои меъёрии ҳуқуқӣ ва ҳуҷҷатҳои стратегӣ ба таъмини суботи макроиқтисодӣ, ҷалби сармоягузорӣ, рушди соҳибкорӣ ва густариши иқтидори истеҳсолии мамлакат мусоидат менамояд.
«Вазорати рушди иқтисод ва савдои Тоҷикистон минбаъд низ барои татбиқи самараноки барномаҳои давлатӣ ва расидан ба ҳадафҳои стратегии рушди миллӣ тадбирҳои заруриро амалӣ менамояд», -гуфта шуд дар нишаст.
Моҳинави НАВРӮЗ,
АМИТ «Ховар»
АКС: АМИТ «Ховар»
Соли 2025 нақшаи андозҳо ва дигар пардохтҳои ҳатмӣ ба андозаи 115,7 фоиз иҷро гардид
ПЕШГИРИИ ОҚИБАТҲОИ ТАҒЙИРЁБИИ ИҚЛИМ. Дар Тоҷикистон майдони дарахтони саксавул ва павловния васеъ мегардад
Дар Тоҷикистон шумораи истифодабарандагони интернет 5,2 миллион нафарро ташкил медиҳад
Байни Тоҷикистон ва Қирғизистон оид ба ҳамкории тиҷоратӣ Ёддошти тафоҳум ба имзо расид
НИШАСТИ МАТБУОТӢ. Соли 2025 ба соҳаҳои иқтисодии Тоҷикистон 57,1 миллиард сомонӣ равона карда шуд
Агентии «Тоҷикстандарт»: «Аз марҳилаи муайяни тамғаи «Нутрилон» ва «Малютка» истифода набаред!»
Тсзоу Ҷиайи: «Бонки Осиёии Сармоягузориҳои Инфрасохторӣ барномаҳои миллӣ ва минтақавии рушди Тоҷикистонро дастгирӣ менамояд»
Дурнамои ҳамкории Тоҷикистон ва Иттиҳоди Аврупо дар соҳаҳои сармоягузорӣ ва иқтисод баррасӣ гардид
Татбиқи лоиҳаи «Азнавпайвастшавӣ ба низоми ягонаи энергетикии Осиёи Марказӣ» баррасӣ гардид
Ҷаласаи якуми Шурои байниҳукуматии Ҷумҳурии Тоҷикистон ва Ҷумҳурии Қирғизистон баргузор шуд
Дар ҷаласаи Шуро оид ба шарикии давлат ва бахши хусусӣ чор лоиҳаи нав ба маблағи 82,5 миллион сомонӣ баррасӣ шуд
Дар Тоҷикистон хизматрасонии интернети моҳворавии Starlink расман оғоз гардид
