Дар шаҳри Кӯлоб кишти пунбадона оғоз гардид

ДУШАНБЕ, 31.03.2026. /АМИТ «Ховар»/. Дар Ҷамоати деҳоти Зарбдори шаҳри Кӯлоб кишти пунбадона оғоз гардид.

Тавре аз Мақомоти иҷроияи ҳокимияти давлатии шаҳри Кӯлоб иттилоъ доданд,  бо мақсади ба даст овардани ҳосили фаровон ва саҳмгузорӣ дар рушди иқтисоди миллӣ дар тамоми хоҷагиҳои деҳқонӣ маъракаи кишти пунбадона оғоз гардид.

Пахтакорӣ на танҳо ба таъмини соҳаи саноати мамлакат бо ашёи хом мусоидат менамояд, балки дар таъмини аҳолӣ бо ҷойи кор ва истеҳсоли маҳсулоти тайёр нақши калидӣ мебозад.

Кишоварзон дар кишти пунбадона тухмиҳои босифатро бо ҷалби техникаҳои муосир ба роҳ монда монданд. Инчунин тухмиҳои ба шароити иқлими минтақа мутобиқ ва серҳосил истифода карда мешаванд.

Пахта маҳсулоти асосии содиротии давлат ба шумор меравад, ки сол то сол арзиши аслии он дар бозори ҷаҳонӣ тамоюли болоравӣ дорад. Аз ин рӯ пахтакорони мамлакат талош доранд, ки дар баланд шудани иқтидори истеҳсолӣ, афзоиши даромади иқтисодӣ ва беҳтар намудани сатҳи зиндагии аҳолӣ таъсир гузоранд.

АКС: Мақомоти иҷроияи ҳокимияти давлатии шаҳри Кӯлоб