Дар Испания шумораи рекордии фавт аз гармӣ ба қайд гирифта шуд
ДУШАНБЕ, 07.06.2026 /АМИТ «Ховар»/. Аз гармии шадиди моҳи май дар Испания 101 нафар ба ҳалокат расидаанд, иттилоъ медиҳад АМИТ «Ховар» бо истинод ба АЗЕРТАДЖ.
Тибқи иттилои Вазорати тандурустии Испания, аз замони оғози мушоҳидаҳо дар соли 2015 ин рақам рекордӣ аст.
«Ин нишондод аз шумораи миёнаи фавтҳои марбут ба гармӣ дар моҳи май дар даҳсолаи охир 3,6 маротиба зиёдтар аст», — омадааст дар изҳороти матбуотии вазорат.
Ҳукумат аз таъсири ҷиддии гармои шадиди барвақтӣ ба саломатӣ, «ҳатто пеш аз оғози тобистон», ҳушдор медиҳад. Маълумот аз низоми «MoMo» гирифта шудааст, ки ҳолатҳои фавтҳои ҳаррӯзаро дар Испания сабт мекунад. Ин низом шумораи воқеии фавтҳоро бо пешгӯиҳои оморӣ, ки бар асоси маълумоти таърихӣ асос ёфтаанд, муқоиса мекунад.
Дар чанд рӯзи охир дар шаҳрҳои гуногуни Испания, бахусус дар шимоли кишвар гармии зиёд нишондодҳои рекордиро барҳам зад. Тибқи иттилои хадамоти миллии обуҳавошиносӣ «Aemet», сухан дар бораи «гармии ғайримуқаррарии ҳаво барои моҳи май» меравад, ки ба ғайри ин муддати тӯлонӣ идома ёфт.
Дар маҷмуъ, дар натиҷаи гармии шадид дар Испания аз соли 2015 то тобистони соли 2025 27,564 нафар ҷони худро аз даст додаанд. Соли рекордӣ соли 2022 бо 4,789 фавт ва баъд аз он соли 2025 бо 3,832 фавти марбут ба гармӣ боқӣ мемонад.
Бояд гуфт, ки имрӯз масъалаи тағйирёбии иқлим воқеан на танҳо экологҳо, балки тамоми мардуми оламро ба ташвиш овардааст. Гармшавии бесобиқаи ҳаво, афзудани таркиби озони атмосфера, ба амал омадани офатҳои гуногуни табиӣ ва дар натиҷа ворид гардидани хисороти зиёд ба соҳаҳои иқтисодию иҷтимоии давлатҳо- ин ҳама нишонаҳои тағйир ёфтани иқлими сайёра мебошанд. Ҳоло ин мушкилӣ ба яке аз масоили мубрами глобалии сайёра мубаддал гардидааст.
Ёдовар мешавем, ки 17 августи соли 2024 Президенти Ҷумҳурии Тоҷикистон муҳтарам Эмомалӣ Раҳмон зимни суханронӣ дар ҳамоиши сеюми Садои ҷаҳони Ҷануб таҳти унвони «Тақвияти ҷаҳони Ҷануб барои ояндаи устувор» иброз намуда буданд, ки «раванди тағйирёбии иқлим имрӯз нишони он аст, ки эҳтимол дар чанд соли оянда вобаста ба баландшавии ҳарорати ҳаво мо шоҳиди боз дигар рақамҳои рекордӣ гардем».
АКС аз манбаъҳои боз
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
Имрӯз дар филиалҳои Донишгоҳи давлатии Москва, Донишгоҳи миллии таҳқиқотии технологӣ «МИСИС» ва Мақомоти иҷроияи ҳокимияти давлатии шаҳри Ҳисор нишасти матбуотӣ доир мегардад
НИШАСТИ МАТБУОТӢ. Аз ноҳияи Тоҷикобод 20 ҳазору 600 тонна маҳсулоти кишоварзӣ содирот гардид
НИШАСТИ МАТБУОТӢ. Дар Донишкадаи тиббии иҷтимоии Тоҷикистон Маркази таҳсилоти баъдидипломӣ таъсис дода шуд
НИШАСТИ МАТБУОТӢ. Дар ноҳияи Рӯдакӣ дар шаш моҳ ба маблағи беш аз 487 миллион сомонӣ маҳсулоти саноатӣ истеҳсол карда шуд
Имрӯз дар доманакӯҳҳои Тоҷикистон ҳаво то 36 дараҷа гарм мешавад
