Дар назди Донишкадаи тиббӣ-иҷтимоии Тоҷикистон клиника ба фаъолият оғоз менамояд
ДУШАНБЕ, 28.07.2022. /АМИТ «Ховар»/. Аввалин маротиба дар таҷрибаи донишгоҳу донишкадаҳои олии мамлакат моҳи сентябри соли 2022 дар назди Донишкадаи тиббӣ-иҷтимоии Тоҷикистон клиникаи наздидонишкадавӣ (Маркази клиникӣ, илмӣ, таълимӣ) ба фаъолият оғоз менамояд. Дар ин клиника баробари корҳои табобати беморон, ҳамзамон донишҷӯён дарсҳои амалӣ ва клиникии худро тибқи талаботи нақша ва барномаҳои таълимӣ ба роҳ мемонанд, иттилоъ доданд роҳбарияти донишкадаи мазкур ба хабарнигорон зимни нишасти матбуотӣ.
Ба зикри Ректори донишкада Зарина Ибодова, клиникаи мазкур аз шаш ошёна ва шаш шуъба иборат буда, дар он беҳтарин мутахассисон ва донандагони риштаи тиб ҷарроҳии пластикии кӯдакона гузаронида, бемориҳои дандонпизишкӣ ва ғайраро табобат менамоянд.
Донишкада дар 5 факултет аз рӯи 5 самт: психологияи тиббӣ, кори иҷтимоӣ, кори табобатӣ, фармасевтӣ ва стоматологӣ мутахассисони соҳаи тиб ва иҷтимоӣ омода менамояд.
Тазаккур дода шуд, ки бо мақсади омода намудани мутахассисони ба талаботи меҳнат ҷавобгӯ донишкада бо якчанд муассисаҳои олии мамлакат созишномаҳои ҳамкорӣ ба имзо расонида, дар асоси он табодули таҷриба менамояд. Аз ҷумла, бо Донишгоҳи давлатии тиббии Тоҷикистон ба номи Абӯалӣ ибни Сино, Академияи тиббии техникии Русия, Донишгоҳи Хансаи Малайзия (Maxca University) ва ширкати Гэатару Медиа дар самти таҳсил, корҳои илмӣ-тадқиқотӣ, табодули таҷрибаи донишҷӯён, ҳайати профессорону омӯзгорони донишкада ва дигар самтҳои соҳаи тиб ҳамкории дуҷониба ба роҳ мондааст.
Зарангези ЛАТИФ,
АМИТ «Ховар»
АКС: АМИТ «Ховар»
Муовини Сарвазири Тоҷикистон Дилрабо Мансурӣ ба иштирокчиёни ҷанги солҳои 1941-1945 дар вилояти Суғд кумакҳои Пешвои миллатро тақдим намуд
Дар Хуҷанд оид ба нақши Пешвои миллат дар ташаккули худшиносии миллии ҷавонон конференсия доир шуд
Сарвазири Ҷумҳурии Тоҷикистон Қоҳир Расулзода ба ифтихори 79-солагии Рӯзи Ғалаба дар назди «Оташи ҷовидон» гулчанбар гузошт
«ОИЛАИ НАМУНАВӢ». Дар ноҳияи Ҷалолиддини Балхӣ даври вилоятии озмун баргузор шуд
«ДӮСТИ ПАЙВАНДИ ҶОНРО ГУМ МАКУН». Як гурӯҳ ҷавонони фаъоли Тоҷикистон тавассути «Қатораи ҷавонӣ» аз Душанбе ба шаҳри Турсунзода рафтанд
Ба иштирокчии ҷанг ва собиқадори меҳнати 104-сола Зайнулло Алиев кумакпулии яквақта расонида шуд
Корҳо барои рафъи оқибатҳои сел аз ҷониби комиссияҳои ҳолатҳои фавқулодаи шаҳру ноҳияҳои Тоҷикистон анҷом дода шуданд
СОЛИ МАЪРИФАТИ ҲУҚУҚӢ. Шуурнокии ҳуқуқии миллат муайянкунандаи дараҷаи рушди давлат ва таъмингари нуфузи он дар ҷаҳони муосир аст
Дар Душанбе ҷаласаи Шурои роҳбарони мақомоти муҳоҷирати давлатҳои иштирокдори ИДМ доир мешавад
ҲУШДОР! 10-12 май тағйирёбии вазъи ҳаво ва офатҳои табиии эҳтимолӣ дар назар аст
Ба иштирокчиён ва маъюбони ҷанги солҳои 1941-1945 кумакпулии яквақта расонида шуд
Дар минтақаи Кӯлоб оид ба ҳифзи арзишҳои миллӣ ва пешгирии хурофотпарастӣ ҷаласа доир гардид
