Ёде аз думбрадасти моҳири тоҷик
Душанбе, 4 май. (АМИТ «Ховар», Афшини Муқим). — Ба ифтихори таҷлили 74-умин солгарди Лауреати фестивали умуиттифоқии эҷодиёти халқ Рустами Абдураҳим имрӯз дар толори бузурги Консерваторияи миллии Тоҷикистон ёдбуди устод баргузор гардид.Дар ин консерт ҳунармандону донишҷӯён, аҳли адабу шогирдони марҳум Рустами Абдураҳим иштирок намуданд. Аз ҷониби ҳунармандон ва донишҷӯён аз эҷодиёти Рустами Абдураҳим оҳангҳои марғубу ҷаззоб пешкаши аҳли толор гардонида шуд.Қобили зикр аст, Рустами Абдураҳим борҳо ба хориҷи кишвар, аз ҷумла шаҳрҳои Маскав, Санкт-Петебург, Алма-Ато, кишварҳои Афғонистон, Муғулистон, Олмон сафар карда, мусиқии сунатии тоҷикро ба ҷаҳониён муаррифӣ намудааст.Қасри маданияти шаҳри Кўлоб, ки он ҷо солҳои охири ҳаёти устод сипарӣ гардидааст, бо Қарори Ҳукумати ҷумҳурӣ ба номи ӯ номгузорӣ шуда, лавҳаи ёдгорӣ ва нимпайкарааш дар он ҷо гузошта шудааст.Аз ӯ то ба имрўз фарзандон, шогирдон, мухлисон ва билохира оҳангҳои нотакрор ва дутораш боқӣ мондааст.