Вохӯрии Сироҷиддин Аслов бо Рита Тиотиа
Душанбе, 15.01.2016 (АМИТ «Ховар»).- 14 январи соли 2016 вазири корҳои хориҷии Ҷумҳурии Тоҷикистон Сироҷидин Аслов муовини якуми вазири тиҷорат ва саноати Ҷумҳурии Ҳиндустон, ҳамраиси Комиссияи байниҳукуматии Тоҷикистон ва Ҳиндустон оид ба ҳамкории тиҷоратӣ, иқтисодӣ, илмӣ, техникӣ ва фарҳангӣ хонум Рита Тиотиаро ба ҳузур пазируфт.
Дар ҷараёни суҳбат масъалаҳои татбиқи амалии мувофиқаҳое, ки дар натиҷаи музокироти сатҳи олӣ моҳи июли соли 2015 дар Душанбе ҳосил шуданд ва роҳҳои густариши ҳамкории мутақобилан судманди тиҷоратию иқтисодӣ дар арсаҳои мухталиф мавриди баррасӣ қарор гирифтанд. Фаъолияти Комиссияи байниҳукуматӣ барои тавсеаи муносибатҳои дуҷониба ва таҳкими робитаҳо миёни вазоратҳои соҳавӣ ва доираҳои соҳибкории ду кишвар баланд арзёбӣ шуд.
Ҳамчунин дар атрофи дигар мавзӯъҳои мавриди таваҷҷуҳи тарафайн табодули назар сурат гирифт.