Аз Паём то Паём: Дар Паёми Пешвои миллат таъкиди асосӣ ба масъалаи забономӯзӣ буд

Декабрь 21, 2016 15:10, 900 хонанда

nazarzoda-sДУШАНБЕ, 21.12.2016. /АМИТ «Ховар»/. Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни ироаи Паём ба Маҷлиси Олии Ҷумҳурии Тоҷикистон 20 январи соли 2016 таъкид доштанд, ки «бо назардошти вазъи имрӯзаи бозори меҳнати дохиливу хориҷӣ ва бо ҷойи кор таъмин кардани шумораи ҳарчи бештари шаҳрвандон Вазорати меҳнат, муҳоҷират ва шуғли аҳолӣ ва дигар вазорату идораҳо, роҳбарони ташкилоту корхонаҳо, сарфи назар аз шакли моликияти онҳо, инчунин соҳибкорон, масъулони муассисаҳои таҳсилоти ибтидоӣ ва миёнаи касбиро зарур аст, ки бо истифода аз тамоми захираву имкониятҳо барои фароҳам овардани ҷойҳои нави корӣ чораҷӯӣ намуда, ҷиҳати таъсиси курсҳои таълими касбу ҳунар ва забономӯзии шаҳрвандон тадбирҳои иловагӣ андешанд». Дар робита ба ин ва аҳамияти Паёми Президенти Ҷумҳурии Тоҷикистон муҳтарам Эмомалӣ Раҳмон бо Сайфиддин Назарзода, Директори Китобхонаи миллии Тоҷикистон ҳамсуҳбат шудем.
Бино ба гуфтаи мусоҳиб, Паёми Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон ҳамасола як рӯйдоди муҳим дар ҳаёти сиёсию иҷтимоӣ ва иқтисодии Тоҷикистон аст. «Дар Паёмҳо ҳамасола самтҳои асосии рушди иқтисоду ҷомеаи Тоҷикистон барои соли оянда тарҳрезӣ мешаванд. Болотар аз ҳама, самтҳои муҳими сиёсати дохиливу хориҷии Ҷумҳурии Тоҷикистон дар Паёми Пешвои миллат муайян мегарданд. Албатта, Паём дар ҳақиқат баёнгари рушди бесобиқаи Ҷумҳурии Тоҷикистон дар солҳои осоиштагӣ аст. Ва махсусан дар риштаи илму маориф, ки имрӯз Президенти кишвар бисёр ба он таваҷҷуҳи махсус зоҳир мекунанд, як силсила вазифаҳо гузошта шуд, ки онҳо барои рушди илми Тоҷикистон бисёр муҳиманд».
Ба андешаи Сайфиддин Назарзода, бахши бештари маблағҳои Буҷаи ҷумҳурӣ, ки хусусияти иҷтимоӣ дорад, ба рушди соҳаи маориф сарф мешавад. Роҳбари давлат дар Паём зикр карданд, ки «танҳо миллати босавод метавонад насли соҳибмаърифату донишманд ва кадрҳои арзандаи давронро ба воя расонад, пеш равад ва дар ҷомеаи мутамаддин мақоми арзандаи худро пайдо намояд».
«Дар Паём ба рушди маориф ва соҳибмаърифатии ҷавонон, махсусан дар бахши забономӯзӣ ва андӯхтани донишҳои муосир таваҷҷуҳи хеле зиёд зоҳир гардид. Тавре маълум аст, Китобхонаи миллии Тоҷикистон боргоҳи илму маърифати кишвар маҳсуб шуда, дар тарбияи ҷавонон нақши муҳим дорад. Имсол Китобхонаи миллӣ дар бахши бозомӯзии кадрҳо, тарбияи ҷавонон, омӯзиши забонҳои хориҷӣ ва ҷалби бештари хонандагон ба Китобхона корҳои зиёдро ба сомон расонид. Аз ҷумла, дар ҳамкорӣ бо Вазорати маориф ва илми кишвар донишҷӯёну толибилмони мактабҳои олӣ ва миёнаи кишварро ба ин боргоҳи илму маърифат ҷалб намуд. Ва ин иқдом бисёр натиҷаи хуб дод. Ҳудудан 22 ҳазор хонанда имсол ба узвияти Китобхонаи миллӣ пазируфта шуданд. То ҳол дар минтақаҳои ҷумҳурӣ курсҳои бозомӯзии кадрҳои китобдорӣ вуҷуд надоштанд. Мо онҳоро ба таври сайёр аз ҳисоби кормандони ботаҷрибаи Китобхонаи миллӣ ташкил намудем, ки ба минтақаҳои гуногуни ҷумҳурӣ рафта курсҳои кӯтоҳмуддати такмили ихтисосро дар маҳалҳо ҷорӣ намуданд. Курсҳои мазкурро бештар аз 150 нафар кормандони китобхонаҳои маҳалии ҷумҳурӣ хатм намуда, соҳиби сертификат гардиданд»,-иброз дошт С. Назарзода.
Ба гуфтаи ҳамсуҳбати мо, яке аз навовариҳое, ки дар Китобхонаи миллии Тоҷикистон ҷорӣ гардид, кушодани курсҳои омӯзиши забонҳои хориҷӣ мебошад . «Дар Паёми Пешвои миллат низ масъалаи забономӯзӣ яке аз супоришҳои муҳим буд. Мо тавонистем дар муддати кӯтоҳ омӯзиши чанд забони хориҷӣ, аз ҷумла забонҳои англисӣ, арабӣ, русӣ, олмонӣ, кореягӣ ва чиниро ба роҳ монем. Ва ин иқдом натиҷаи хеле хуб ба бор овард. То ин дам 1481 нафар аз ин курсҳои бозомӯзӣ гузашта, соҳиби сертификат гардиданд. Мо ният дорем дар солҳои минбаъда дар Китобхонаи миллии Тоҷикистон омӯзиши забонҳои хориҷиро ба таври васеъ ба роҳ монем»,- илова намуд Сайфиддин Назарзода, Директори Китобхонаи миллии Тоҷикистон.

Декабрь 21, 2016 15:10, 900 хонанда

Хабарҳои дигари ин бахш

назарзодаС. Назарзода: «Дар раванди ҷаҳонигароӣ забонҳои давлатӣ зери нуфуз ва таъсири забонҳои пурқудраттарини ҷаҳон қарор мегиранд»
Чура Хошими-2Ҷӯра Ҳошимӣ, дорандаи Ҷоизаи давлатии ба номи Рӯдакӣ: «Адабиёти бачагонаи Тоҷикистон ба сатҳи ҷаҳонӣ баромадааст!»
Айни С.-0Устод Айнӣ: «Агар дар имло талаффуз асос гирифта шавад, дар забон анархия пайдо мешавад …»
Эмомали Рахмон ва Речеп Тайиб ЭрдоганДар Туркия маҷаллаи «Тоҷикистон» ба табъ расид
Чехрахои мондагорИштироки зиёда аз 2000 нафар дар ҳафтаи муаррифии асарҳои тозанашри Пешвои миллат
kitobКитоби Эмомалӣ Раҳмон «Имоми Аъзам. Рӯзгор, осор ва афкор» дар Афғонистон бори дуюм нашр гардид
Гавҳар Шарофзода аз номҳои бегона ва ғайримиллӣ изҳори нигаронӣ кард
Руми ВахшАДИБИ АМРИКОӢ БРЕД ГУЧ: «ЗОДГОҲИ РУМӢ ВОДИИ ВАХШ АСТ»
фарханг мулокотАлӣ Рифат: «Аз Сафир таъйин гардидан дар Ҷумҳурии Тоҷикистон, ки бо Туркия фарҳанги шабеҳ дорад, хеле мамнунам»
Забони миллат-хастии миллат«Забони миллат-ҳастии миллат» арзиши баланди илмиву маънавӣ дорад
Фарханг (1)Ш. Орумбекзода: «Феҳристи миллии мероси фарҳангии ғайримоддии халқи тоҷик тартиб дода шуд»
КИНОхоби хамдуна«Хоби ҳамдуна»-аввалин филми коргардони ҷавони тоҷик Румӣ Шоазимов