Конфронси панҷум оид ба ҳамкории байниминтақавии Русия ва Тоҷикистон ба кори худ оғоз намуд

Декабр 1, 2016 14:24

Хабарҳои мавзӯъ

dsc_0840

Душанбе, 01.12.2016. /АМИТ «Ховар»/. Имрӯз дар шаҳри Душанбе Конфронси панҷум оид ба ҳамкории байниминтақавии Русия ва Тоҷикистон ба кори худ оғоз намуд.
Дар қисмати расмии конфронс Сафири Фавқулода ва Мухтори Федератсияи Русия дар Ҷумҳурии Тоҷикистон, Сафири Фавқулода ва Мухтори Ҷумҳурии Тоҷикистон дар Федератсияи Русия, муовини якуми вазири рушди иқтисод ва савдои ҶТ, муовини вазири рушди иқтисод ва савдои ФР, муовини раиси Кумитаи сармоягузорӣ ва идораи амволи давлатии Ҷумҳурии Тоҷикистон ва дигар намояндагони воломақом сухан гуфтанд.
Сафири Фавқулода ва Мухтори Федератсияи Русия дар Ҷумҳурии Тоҷикистон Игор Лякин-Фролов мактуби Президенти Федератсияи Русия Владимир Путинро ба ҳозирин ироа намуд: «Боиси хушнудист, ки баргузор намудани чунин ҳамоишҳои бонуфуз бо иштироки мақомоти давлатӣ, сохторҳои ғайриҳукуматӣ, доираи соҳибкорон ва коршиносон ба ҳукми анъана даромадааст. Дар онҳо масъалаҳои калидии муносибатҳои дуҷониба муҳокима шуда, гуфтушунидҳои пурмуҳтаво оид ба масъалаҳои мубрами минтақавию ҷаҳонӣ доир мегарданд. Русия ва Тоҷикистонро робитаи мустаҳками ҳамкории стратегӣ пайваст мекунад, ки мо онро самимона қадр мекунем. Ташкилкунандаи муҳими муносибатҳои дуҷонибаи мо ба таври анъанавӣ ҳамкории байниминтақавӣ, ки дар он зиёда аз 80 субъекти ФР ҷалб шудаанд, мебошад. Бо қаноатмандӣ зикр менамоям, ки маъмурияти минтақавӣ байни ташкилоти ҷамъиятӣ ва тиҷоратӣ муколамаи босамарро ба роҳ мондааст. Боварӣ дорам, ки ҷаласаи навбатии шумо барои беҳтар гардидани заминаи меъёрии ҳуқуқӣ, бунёди механизми ҳамкории байниминтақавӣ ва дарёфти ҳамкории нави минтақаҳои Русия ва Тоҷикистон мусоидат хоҳад кард».
Баъд аз фарҷоми қисмати расмӣ корҳо дар суҳбатҳои «мизи мудаввар» оғоз гардида, мавзӯъҳои мубрами ҳамкорӣ байни ду кишвар мавриди баррасӣ қарор дода шуданд.
Мавзӯи суҳбати «мизи мудаввар»-и якум ба «Рушди ҳамкории Федератсияи Русия ва Ҷумҳурии Тоҷикистон дар соҳаи кишоварзӣ» бахшида шуда, дар кори он масъалаҳои таъмин намудани маҳсулоти кишоварзӣ дар доираи барномаи воридотивазкунанда, муаммоҳо ва дурнамо, тавсеаи ҳамкории дуҷониба дар соҳаи кишоварзӣ ва бо техникаи кишоварзии истеҳсоли Федератсияи Русия таъмин намудани кишоварзон матраҳ гардиданд.
Дар суҳбати «мизи мудаввар»-и дуюм мавзӯи «Вазъ ва батартибандозии ҳуқуқии раванди муҳоҷирати меҳнати байни Федератсияи Русия ва Ҷумҳурии Тоҷикистон» баррасӣ гардида, мукаммалсозии роҳҳои ҳамкорӣ дар соҳаи муҳоҷирати меҳнатӣ мавриди муҳокима қарор гирифт.
Дар суҳбати «мизи мудаввар»-и сеюм масъалаҳои вобаста ба рушди муносибатҳои кумакрасонӣ ва робитаҳои бародарии байнимунисипалии Федератсияи Русия ва Ҷумҳурии Тоҷикистон мавриди баррасӣ қарор гирифтанд.
«Дурнамо ва рушди ҳамкорӣ дар соҳаи саноат ва инфрасохтори саноатӣ-нақлиётӣ» мавзӯи чоруми суҳбати «мизи мудаввар» ба ҳисоб рафта, масъалаҳои дурнамои таҳвили техникаҳои автомобилӣ, ҳамкории тарафайн ҷиҳати аз нав муҷаҳаз гардонидани таҷҳизоти барқии корхонаҳои саноатӣ ва энергетикии Ҷумҳурии Тоҷикистон, баланд бардоштани самаранокии энергетикии корхонаҳои саноатӣ, бунёди роҳу кӯпрукҳо ва иқтидори сармоягузорӣ дар соҳаи сохтмон дар Ҷумҳурии Тоҷикистон мавриди баррасии ҳамаҷониба қарор дода шуданд.
Дар кори конфронс намояндагони баландпояи ду кишвари дӯст ва шарик, ташкилоти бонуфузи байналмилалӣ, олимону коршиносон ва соҳибкорону сармоягузорон иштирок намуда, аз намоишгоҳи имкониятҳои сармоягузории Ҷумҳурии Тоҷикистон дидан намуданд.

Декабр 1, 2016 14:24

Хабарҳои дигари ин бахш

МИД (1)Сироҷидин Аслов ва Шайх Абдулло бин Зойид Оли Наҳён масоили тавсеаи ҳамкории Тоҷикистон ва Аморотро баррасӣ карданд
DSC02711Дар Котиботи Созмони ҳамкории Шанхай дар шаҳри Пекин Стратегияи миллии рушд барои давраи то соли 2030 муаррифӣ гардид
Машваратҳои сиёсӣ байни Вазорати корҳои хориҷии Ҷумҳурии Тоҷикистон ва Вазорати корҳои хориҷӣ ва савдои АвстралияМашваратҳои сиёсӣ байни Вазорати корҳои хориҷии Ҷумҳурии Тоҷикистон ва Вазорати корҳои хориҷӣ ва савдои Австралия
Баррасии ҳамкориҳои Тоҷикистону Ҷумҳурии СловакияБаррасии ҳамкории Тоҷикистону Словакия дар Брюссел
Jean Asselborn avec le ministre des Affaires étrangères de la République du Tadjikistan, Sirodjidin AslovМулоқоти вазирони корҳои хориҷии Тоҷикистон ва Люксембург
Вохӯрӣ бо Ноиби президенти Бонки сармоягузории АврупоС.Аслов ва В. Худак ҳамкории самараноки Тоҷикистон бо Бонки сармоягузории Аврупоро баррасӣ карданд
Мулоқоти С.Аслов бо Дабири кулли Хадамоти аврупоии амалиёти хориҷии Иттиҳоди АврупоМулоқоти С.Аслов бо Дабири кулли Хадамоти аврупоии амалиёти хориҷии Иттиҳоди Аврупо
IMG_0184Баррасии масъалаҳои мубрами ҳамкории Тоҷикистон бо Паймони Неру дар Брюссел
зардолу_2Намояндаи доимии Тоҷикистон дар СММ дар Конфронс бахшида ба Идораи масоили бехатарӣ дар Осиёи Марказӣ сухан гуфт
Мулоқоти Вазири корҳои хориҷии Тоҷикистон бо Вазири корҳои хориҷии Шоҳигарии БелгияМулоқоти Вазири корҳои хориҷии Тоҷикистон бо Вазири корҳои хориҷии Шоҳигарии Белгия
IMG_0015Шӯрои ҳамкорӣ миёни Ҷумҳурии Тоҷикистон ва Иттиҳоди Аврупо
18452739_1296752180402493_259540465_oМулоқоти вазирони корҳои хориҷии Тоҷикистону Қатар дар Давҳа