Шарҳи Вазорати корҳои хориҷии Ҷумҳурии Тоҷикистон оид ба изҳороти мансабдорони афғон

Январ 12, 2017 11:21

Хабарҳои мавзӯъ

МИД

ДУШАНБЕ, 12.01.2017 /АМИТ «Ховар»/. Вазорати корҳои хориҷии Ҷумҳурии Тоҷикистон бо мусоҳибаи Сафири Фавқулода ва Мухтори Ҷумҳурии Афғонистон дар Федератсияи Россия Абдулқаюми Кучай, ки дар он ӯ аз ҷумла, вазъи минтақаи Осиёи Марказиро арзёбӣ карда, дар ҳаққи Ҷумҳурии Тоҷикистон суханони ғайри қобили қабул гуфтааст, шинос гардид. Дар робита ба ин 31 декабри соли 2016 Сафири Ҷумҳурии Исломии Афғонистон дар Ҷумҳурии Тоҷикистон ба Вазорати корҳои хориҷии Ҷумҳурии Тоҷикистон даъват шуд. Ба ӯ ёддошти эътирозӣ, ки дар он нигаронии шадид ва тааҷҷуби ҷониби Тоҷикистон дар иртибот ба гузориши таҳқиромези Сафири Афғонистон дар Россия нисбат ба мардуми тоҷик ва Тоҷикистон баён гардидааст, супурда шуд.
Ҷониби Тоҷикистон ба ҷониби Афғонистон қотеъона тавсия дод, то суханони номатлуб, ки аз ҷониби шахси расмии Ҷумҳурии Исломии Афғонистон садо додаанд, ҳамаҷониба таҳлил гарданд ва тадбирҳои муассир андешида шаванд. Ҳамчунин тавзеҳоти мушаххас талаб карда шуд.
Вокуниши Ҳукумати Афғонистон, ки гӯё суханони таҳқиромези Сафири Ҷумҳурии Исломии Афғонистон дар Федератсияи Россия андешаи шахсии ӯ мебошад ва ба мавқеи Кобул дахл надоранд, низ боиси таассуф аст.
Ҳамчунин ба таври ҷудогона вазорат суханони волии собиқи музофоти Қундуз Умари Сӯфиро шарҳ додааст, ки гуфта буд: «Танк ва дигар техникаи ҳарбии ҳаракати радикалии «Толибон» дар қаламрави Тоҷикистон тармим мешаванд».
Боиси нигаронӣ аст, ки собиқ мансабдори Ҷумҳурии Исломии Афғонистон чунин фикри беасосро изҳор доштааст. Метавон андешид, ки волии собиқ дар мавриди силоҳҳои вазнин, аз ҷумла танкҳо, ки ба Тоҷикистон овардани онҳо аз назар дур намемонд, тасаввурот надорад. Вале худи Умари Суфӣ хуб огоҳ аст, ки чунин амал ғайриимкон аст. Аз ин лиҳоз гузориши бемантиқи ҷаноби Сӯфиро метавон ҳамчун дасисае барои тасвири манфии Тоҷикистон дар ҷомеаи Афғонистон унвон кард.

Ба ҷои таҳлили амиқи мушкилоте, ки Афғонистон аз сари худ мегузаронад, омилҳои таъсиромез ба вазъият дар ин кишвар ва пайдо намудани роҳҳои ҳалли ин мушкилот, намояндагони расмии Кобул масири номуайянеро пеша кардаанд. Чунин изҳороти кӯтоҳбинонаи баъзе аз намояндагони Афғонистон, ки аз надоштани саводи кофӣ сар мезанад, боиси таассуф буда, садди роҳи корҳои созанда ва дар амал татбиқ намудани мувофиқаҳои қаблии ҳосилшуда гардида, ҳамчунин муносиботи дуҷонибаро, ки дар асоси муқаррароти дӯстӣ ва ҳамҷавории нек ба бор омадаанд, халалдор мекунад.

Январ 12, 2017 11:21

Хабарҳои дигари ин бахш

МИД (1)Сироҷидин Аслов ва Шайх Абдулло бин Зойид Оли Наҳён масоили тавсеаи ҳамкории Тоҷикистон ва Аморотро баррасӣ карданд
DSC02711Дар Котиботи Созмони ҳамкории Шанхай дар шаҳри Пекин Стратегияи миллии рушд барои давраи то соли 2030 муаррифӣ гардид
Машваратҳои сиёсӣ байни Вазорати корҳои хориҷии Ҷумҳурии Тоҷикистон ва Вазорати корҳои хориҷӣ ва савдои АвстралияМашваратҳои сиёсӣ байни Вазорати корҳои хориҷии Ҷумҳурии Тоҷикистон ва Вазорати корҳои хориҷӣ ва савдои Австралия
Баррасии ҳамкориҳои Тоҷикистону Ҷумҳурии СловакияБаррасии ҳамкории Тоҷикистону Словакия дар Брюссел
Jean Asselborn avec le ministre des Affaires étrangères de la République du Tadjikistan, Sirodjidin AslovМулоқоти вазирони корҳои хориҷии Тоҷикистон ва Люксембург
Вохӯрӣ бо Ноиби президенти Бонки сармоягузории АврупоС.Аслов ва В. Худак ҳамкории самараноки Тоҷикистон бо Бонки сармоягузории Аврупоро баррасӣ карданд
Мулоқоти С.Аслов бо Дабири кулли Хадамоти аврупоии амалиёти хориҷии Иттиҳоди АврупоМулоқоти С.Аслов бо Дабири кулли Хадамоти аврупоии амалиёти хориҷии Иттиҳоди Аврупо
IMG_0184Баррасии масъалаҳои мубрами ҳамкории Тоҷикистон бо Паймони Неру дар Брюссел
зардолу_2Намояндаи доимии Тоҷикистон дар СММ дар Конфронс бахшида ба Идораи масоили бехатарӣ дар Осиёи Марказӣ сухан гуфт
Мулоқоти Вазири корҳои хориҷии Тоҷикистон бо Вазири корҳои хориҷии Шоҳигарии БелгияМулоқоти Вазири корҳои хориҷии Тоҷикистон бо Вазири корҳои хориҷии Шоҳигарии Белгия
IMG_0015Шӯрои ҳамкорӣ миёни Ҷумҳурии Тоҷикистон ва Иттиҳоди Аврупо
18452739_1296752180402493_259540465_oМулоқоти вазирони корҳои хориҷии Тоҷикистону Қатар дар Давҳа