Нишасти матбуотии сармураббиёни дастаҳои «Ҳосилот» ва «Шоҳин Асмоӣ» пеш аз бозии ҷавобӣ

Февраль 6, 2017 14:40

ДУШАНБЕ, 06.02.2017/АМИТ «Ховар»/. Имрӯз дар меҳмонхонаи «Атлас»-и шаҳри Душанбе нишасти матбуотии сармураббиёни дастаҳои «Ҳосилот»-и Фархор ва «Шоҳин Асмоӣ»-и Афғонистон баргузор шуд. 7 феврал бозии ҷавобии «Ҳосилот» ва Шоҳин Асмоӣ» дар идомаи вохӯрии интихобии Ҷоми Конфедератсияи футболи Осиё (КФО) дар Варзишгоҳи марказии пойтахт соати 17:00 оғоз меёбад.
Аввалан сармураббии тими меҳмонон Боир Эгамбердиев ба саволҳои хабарнигорон ҷавоб гуфта, аз лат бардоштани дарвозабони асосии «Шоҳин Асмоӣ» сухан ронд. Ӯ иттилоъ дод, ки имрӯз аз Афғонистон дарвозабони нав ба Душанбе мерасад ва дар бозӣ иштирок хоҳад кард.
«Мақсади асосии мо ба даври дигар роҳхат гирифтан аст. Аз ин рӯ нисбат ба бозии аввал тактикаи мо тағйир меёбад ва умед аст, ки он самараи хуб хоҳад дод»,-гуфт Боир Эгамбердиев.
Капитани дастаи «Шоҳин Асмоӣ» Самиъулло Муҳаммадӣ аз сабаби дигар кардани тарҳи бозӣ дар вохӯрии дуюм ин вазифаро ба Амир Шарифӣ супорид. Аз ҷавобҳои капитани нав баръало ба мушоҳида расид, ки футболбозони Афғонистон аз мағлубият бо натиҷаи 1:0 дар бозии аввал рӯҳафтода нестанд ва ба муборизаи сахту сангин омодаанд.
Хосилот ва Шохин осмои (2)Сармураббии дастаи «Ҳосилот»-и Фархор Муҳаммадҷон Ҳабибуллоев аз ҳамкориаш бо ширкати русиягии «маълумотрасон оид ба футбол» ҳарф зада, аз таҳлили амиқи бозии аввали дастаҳо ва камбудиҳои ҷойдошта сухан ронд.
«Мо имрӯз бори дигар бозии аввалро таҳлил мекунем ва дар бозии бачаҳо тағйирот ворид хоҳем кард. Мақсади асосии дастаи мо аз аввал роҳхат гирифтан ба бозиҳои гурӯҳӣ буд ва он бетағйир боқӣ мемонад. Ҳолатҳои зиёди голзаниро истифода набурдани ҳамлагарон мавзӯи доғи роҳбарияти даста ба шумор меравад. Кӯшиш мекунем, ки аз камбудиҳои бозии пешина хулоса барорем»,-афзуд ӯ.
Ойбек Абдуғаффоров, муҳофизатгари дастаи «Ҳосилот», ки дар нишаст ширкат дошт, аз мухлисон хоҳиш кард, ки пагоҳ барои дастгирии «Ҳосилот» ба Варзишгоҳи марказӣ оянд.
Ёдрас мешавем, ки дар бозии авввали ин дастаҳо «Ҳосилот» бо натиҷаи 1:0 бар «Шоҳин Асмоӣ» ғолиб омад. Ягона голро Иброҳим Рабимов дар дақиқаи 35-ум ба нишон расонд.

Февраль 6, 2017 14:40

Хабарҳои дигари ин бахш

ФУТБОЛ. Имрӯз дастаи «Равшан» дар Лигаи дуюми чемпионҳои Осиё бозии якумашро анҷом медиҳад
Дар Минск мусобиқаи футбол ба муносибати ҷашни Рӯзи истиқлолияти Ҷумҳурии Тоҷикистон баргузор гардид
«Истиқлол» дар доираи даври аввали Лигаи чемпионҳои Конфедератсияи футболи Осиё-2 бо «Шарҷа» бозӣ мекунад
ЧЕМПИОНАТИ ҶАҲОН-2024. Дастаи мунтахаби Тоҷикистон оид ба футзал нахустин бозиро анҷом дод
Дар шаҳри Хоруғ мусобиқаи ҷумҳуриявӣ аз намуди таэквондо баргузор гардид
ЧЕМПИОНАТИ ҶАҲОН-2024. Дастаи мунтахаби Тоҷикистон оид ба футзал бо тими миллии Марокаш бозӣ мекунад
Дар Душанбе мусобиқаи футбол байни кормандони намояндагиҳои дипломатии муқими Тоҷикистон оғоз ёфт
Дар Чемпионати ҷаҳон оид ба ҷудо байни ҷавонон аз Тоҷикистон 17 варзишгар иштирок менамояд
Шоҳмотбозони тоҷик дар Олимпиадаи 45-уми ҷаҳонӣ дар Будапешт сабқат доранд
Дар Ниммарафони байналмилалии кӯҳии Эко дар Ҳафткӯли Тоҷикистон варзишгарони 12 давлати ҷаҳон ҷамъ омаданд
ЧЕМПИОНАТИ ҶАҲОН-2024. Ҳайати дастаи мунтахаби Тоҷикистон оид ба футзал муайян гардид
ЧЕМПИОНАТИ ҶАҲОН-2024. Дастаи мунтахаби Тоҷикистон оид ба футзал вориди Тошканд гардид