Туркия ният дорад, ки дар наздиктарин фурсат дар Тоҷикистон бонки муштарак таъсис диҳад

Февраль 17, 2017 14:55, 199 хонанда

Хабарҳои мавзӯъ

туркия

ДУШАНБЕ, 17.02.2017. /АМИТ «Ховар»/. Ҷумҳурии Туркия ният дорад, ки дар наздиктарин фурсат дар Ҷумҳурии Тоҷикистон Бонки муштарак таъсис диҳад. Ин ҳавасмандиро муовини Сарвазири Ҷумҳурии Туркия Юлдирим Туғрул Туркеш баъди мулоқот бо Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки имрӯз дар шаҳри Душанбе доир гардид, ба хабарнигорон изҳор намудааст.
Тавре ки хабарнигори АМИТ «Ховар» иттилоъ медиҳад, муовини Сарвазири Ҷумҳурии Туркия мулоқоти баргузоргардидаро самаранок арзёбӣ карда, зикр намудааст, ки иқтидор ва имконияти бузурги рушди ҳамкории тиҷоратию иқтисодии Туркия ва Тоҷикистон бояд ба пуррагӣ истифода шаванд.
Муовини Сарвазири Ҷумҳурии Туркия Юлдирим Туғрул Туркеш сабаби сафарашро ба Ҷумҳурии Тоҷикистон беҳтар намудани муносибатҳои иқтисодӣ ва вусъат бахшидани ҳамкории иқтисодии ҳарду кишвар маънидод намуда, иброз намуд, ки зимни мулоқот бо Президенти Ҷумҳурии Тоҷикистон муҳтарам Эмомалӣ Раҳмон ба истиснои муносибатҳои тиҷоратӣ, инчунин ба масъалаҳои амниятии ҳарду кишвар низ дахл намудаанд.
Бояд зикр намуд, ки Туркия дар даҳ соли охир дар самти ислоҳоти иқтисодиёт ва рушди саноат ба натиҷаҳои назаррас ноил гардида, ба содиркунандаи азими молу маҳсулот табдил ёфтааст. Муносибатҳои Тоҷикистону Туркия ба принсипҳои шарикии ҳамаҷониба ва мутақобилан судманд асос ёфтааст. Имрӯз дар ҳудуди Ҷумҳурии Тоҷикистон зиёда аз 60 ширкати туркӣ фаъолият дошта, ҳарду ҷониб ҳамкориро дар соҳаҳои сармоягузорӣ, саноат, энергетика, кишоварзӣ, нақлиёт, хизматрасонии фармоишӣ, бонкдорӣ, фарҳанг ва сайёҳӣ, танзими техникӣ, стандартизатсия, меҳнат, тандурустӣ ва маориф хуб ба роҳ мондаанд.

Февраль 17, 2017 14:55, 199 хонанда

Хабарҳои дигари ин бахш

БМТ мулокот _2017_3Баррасии рушди соҳибкории хурду миёна тавассути ҷалби сармоягузорӣ
ОстонаҶаласаи 13-уми Комиссияи байниҳукуматӣ оид ба ҳамкории иқтисодии байни Тоҷикистон ва Қазоқистон дар Остона
Форуми тиҷоратии «Тоҷикистон-Туркия»-ҷонибдори густариши ҳамкории иқтисодию тиҷоратӣ, илмӣ ва техникии Тоҷикистону Туркия
Сарвазир1Ҳамкории байниҳукуматии Тоҷикистону Туркия дар мулоқоти Қоҳир Расулзода бо Йилдирим Туғрул Туркеш баррасӣ гардид
ВСва Савдо (1)Дар Душанбе ҷаласаи шашуми Шӯро оид ба шарикии давлат ва бахши хусусӣ баргузор гардид
Шукурҷон Зуҳуров хостори таъсиси Шӯрои сармоягузории Тоҷикистону Чехия гардид
Nuraliev_prezent_3Тоҷикистон — Қатар: Фарохтар аз тиҷорат
1Рӯзномаи «Gulf Times»: «Тоҷикистон сармоягузории Қатарро ба бахшҳои сайёҳӣ ва гидроэнергетика ҷалб менамояд»
Агентии омор.jpg3ДАР БОРАИ ВАЗЪИ ИҶТИМОИЮ ИҚТИСОДИИ ҶУМҲУРИИ ТОҶИКИСТОН ДАР СОЛИ 2016
12Ширкати «Салини Импреҷило» боварӣ дорад, ки эътимоди Президенти Ҷумҳурии Тоҷикистонро сазовор мегардад
32451744212_4ecaf70be6_zДар Ҷаласаи XVII Шӯрои машваратӣ рушди соҳибкорӣ дар соҳаҳои энергетика ва сайёҳӣ мавриди баррасӣ қарор дода шуд
Копия IMG_0831Натиҷаҳои ҷаласаи 14-уми Комиссияи байниҳукуматии Тоҷикистону Россия оид ба ҳамкориҳои иқтисодӣ