Фестивал-озмуни «Парасту-2017» ба 100-солагии Тӯҳфа Фозилова бахшида мешавад

Апрел 17, 2017 16:15

Хабарҳои мавзӯъ

Парасту 2017

ДУШАНБЕ, 17.04.2017 /АМИТ «Ховар»/. Пагоҳ, 18 апрел дар Театри давлатии академии драмавии ба номи А. Лоҳутӣ Фестивал-озмуни ҷумҳуриявии театрҳои касбӣ «Парасту-2017» ифтитоҳ мегардад.
Ба иттилои маркази матбуоти Вазорати фарҳанги Ҷумҳурии Тоҷикистон, фестивал-озмун ба 20-солагии Рӯзи Ваҳдати миллӣ ва 100- солагии Ҳунарпешаи халқии СССР Тӯҳфа Фозилова бахшида шуда, он то 24 апрели соли равон идома меёбад.
Фестивал-озмун соати 09:00 оғоз ёфта, баъд аз маросими ифтитоҳӣ аввалин спектаклро ҳунарпешагони Театри давлатии академии драмавии ба номи А. Лоҳутӣ пешниҳоди иштирокчиён мекунанд. Мазҳака «Пизишки паррон» ном дошта, ба қалами Ж. Б. Молйер тааллуқ дорад ва онро Қурбони Собир таҳия намудааст.
Спектакли дуюми озмун соати 14:00 дар Театри давлатии ҷавонон ба номи Маҳмудҷон Воҳидов баргузор мегардад. Ҳунармандони театри мазкур спектакли «Дирафши ковиёнӣ»-ро аз рӯи достони «Шоҳнома»-и Абулқосим Фирдавсӣ дар таҳияи коргардон Низом Меликов манзури тамошобинон мегардонанд.
Ҳамчунин соати 18:00 ҳунармандони «Аҳорун»- Театри таҷрибавии тамошобини ҷавон ба номи Муҳаммадҷон Қосимов спектакли манзуми «Ҷуз сухани ганҷ магӯ»-ро дар таҳияи Сабоҳат Қосимова пешкаши ҳаводорони театр мегардонанд.
Фестивал-озмуни ҷумҳуриявии театрҳои касбӣ «Парасту-2017» бо мақсади рушди драматургияи миллӣ, санъати театрии мамлакат, таҳияи асарҳои баландмазмуни ватанӣ, баланд бардоштани сатҳи маҳорати касбии коргардонҳо, ҳунармандон, рассомон, бастакорон, ҳисси ифтихори ватандӯстию ватанпарастӣ ва анъанаҳои хуби таърихию фарҳангӣ доир карда мешавад.

Апрел 17, 2017 16:15

Хабарҳои дигари ин бахш

хоби хамдуна«Хоби ҳамдуна»- и Румӣ Шоазимов дар Кинофестивали 23-юми Россия «Адабиёт ва синамо» соҳиби мукофот гардид
тф -1Фарҳанг ҳастии миллат аст. Аз солрӯзи ҳунарманди мумтози тоҷик Туҳфа Фозилова сад сол сипарӣ гардид
????????????????????????????????????Нашри китоби нав ба ифтихори 100-солагии нобиғаи санъати тоҷик Туҳфа Фозилова
Фехристи номхоБа Феҳристи номҳои миллии тоҷикӣ беҳтарин номҳо ворид шудаанд
Конфронси Тухфа Фозилова (8)Ҳамоиши байналмилалӣ ба ифтихори 100-солагии Ҳунарманди халқии Иттиҳоди Шӯравӣ Туҳфа Фозилова
17952024_1953005378254076_5078309082709608086_nДар шаҳри Берлин шоми фарҳанги тоҷик доир гардид
v farhangШамсиддин Орумбекзода: «Дари Тоҷикистон барои муносибатҳои фарҳангӣ бо дигар кишварҳо ҳамеша боз аст»
Дар Париж бахшида ба 20-солагии Вахдати милли намоишгохи тасвирхо баргузор гардидДар Париж бахшида ба 20-солагии Ваҳдати миллӣ намоиши тасвирҳо баргузор гардид
мучассамаи абармардони миллати точикДар саҳни бинои СММ дар Вена муҷассамаи донишмандони бузурги тоҷик гузошта шуд
DSC_0232+Маҳфили адабӣ ва рӯнамоии китобҳои нави Абдураҳмони Абдуманнон дар Хонаи адибон
Волос АндрейТоҷикистон ба харитаи адабии ҷаҳон шомил шуд
Китоби «Варзиш - соҳаи мавриди назари Пешвои миллат Эмомалӣ Раҳмон» аз чоп баромадКитоби «Варзиш-соҳаи мавриди назари Пешвои миллат Эмомалӣ Раҳмон» ба нашр расид