Кормандони САҲШ одоби муоширати расмӣ омӯхтанд

Апрель 21, 2017 11:50

ДУШАНБЕ, 21.04.2017. /АМИТ «Ховар»/. Дар Мақомоти иҷроияи ҳокимияти давлатии вилояти Хатлон дар мавзӯи «Риояи қоидаҳои одоби муоширати расмӣ дар хизмати давлатӣ» курси сайёри такмили ихтисос барои сармутахассисон (шуъба ва бахшҳои сабти асноди ҳолати шаҳрвандӣ)-и шаҳру ноҳияҳои вилояти Хатлон гузаронида шуд.
Тавре ки аз шуъбаи иттилоотию таҳлилии дастгоҳи раиси вилояти Хатлон хабар доданд, ин иқдом дар Хатлон аз ҷониби Донишкадаи идоракунии давлатии назди Президенти Ҷумҳурии Тоҷикистон амалӣ мешавад. Омӯзгорони донишкада дар мавзӯъҳои «Заминаҳои ҳуқуқии хизмати давлатӣ дар Ҷумҳурии Тоҷикистон», «Кодекси одоби хизмати давлатии Ҷумҳурии Тоҷикистон», «Этикети дипломатӣ ва қоидаҳои ташрифоти расмӣ», «Ҳамкории мақомоти давлатӣ бо сохторҳои ҷомеаи шаҳрвандӣ», «Риояи қоидаҳои имлои забони тоҷикӣ дар коргузории мақомоти давлатӣ», «Одоби муоширати расмӣ», «Этика ва поквиҷдонӣ — фарҳанги пешгирии зуҳуроти коррупсионӣ дар хизмати давлатӣ» ба кормандони САҲШ маърӯза хонданд.
Одоби хизматӣ ё одоби корӣ (давлатӣ, касбӣ, иҷтимоӣ) маҷмӯи меъёрҳо, қоидаҳо ва талаботест, ки ҳадафи он танзими томи фаъолияти серсоҳаи инсон аст. Риоя накардани талаботи он, дар маҷмӯъ, боиси коҳиш ёфтани самара ва поин омадани эътибори фаъолият мегардад. Низоми нави ҷомеа ба сатҳи баланд ва возеҳи одоби сиёсӣ ва расмӣ ниёзманд аст.
Ҳадафи аслии курси мазкур ба роҳ мондани муносибати хуб бо мардум аст.
Шарифҷон Шарипов, мудири кафедраи забонҳо, номзади илмҳои филологӣ, дар масъалаи «Нақши фарҳанги суханварӣ дар фаъолияти касбии хизматчии давлатӣ» сухан кард. «Сарвар, роҳбар бояд воқеан нафари шоиста, соҳибтаҷриба, муаддабу кордон будани хешро тавассути рафтору риояи одоби сиёсӣ ва расмӣ нишон диҳад, ба забони адабии тоҷикӣ эҳтиром гузорад. Фаъолияти корӣ ва муносибати роҳбарон ба кормандону шаҳрвандон баёнгари сатҳи фарҳанг, маърифат, масъулият ва одоби онҳост. Бо арзишҳо, қоидаҳо ва талаботи одоби расмӣ ва сиёсӣ беҳтар ошно будан ва онҳоро зебо риоя кардан шарти муҳим аст, чун ба ин васила обрӯи мақомоти давлатӣ дар назди шаҳрвандон ва ҷомеаи байналмилалӣ меафзояд», — зикр кард ӯ.
Дар ҳақиқат ҳам, беэътиноӣ, бепарвоӣ ва хунукназарӣ нисбат ба меъёр, арзиш ва талаботи эътирофшудаи одоби сиёсӣ ва назокати сухан ба обрӯю нуфузи роҳбар ва имиҷи сиёсии кишвар таъсири ногувор ва манфии дарозмуддат гузошта метавонад.

Апрель 21, 2017 11:50

Хабарҳои дигари ин бахш

Имрӯз дар шаҳри Душанбе ҳаво то 34 дараҷа гарм мешавад
«ТАРАННУМИ ВАТАН». 60 нафар иштирокчии фаъоли озмун қадрдонӣ гардиданд
Ба ҷазираҳои Идзу ва Огасавараи Ҷопон сунами таҳдид менамояд
Дар Хуросон вобаста ба пешгирии хурофот ва ифротгароӣ бо ходимони дин вохӯрӣ доир гардид
Дар Фаронса мониторинги тавсияҳои Шабакаи зиддикоррупсионии Созмони ҳамкории иқтисодӣ ва рушд доир гардид
Дар Кушониён масъалаи хобонидани биокомпост дар шароити водии Вахш баррасӣ гардид
Имрӯз дар баъзе ноҳияҳои Тоҷикистон чангу ғубор ба амал меояд
Имсол кишоварзони шаҳри Панҷакент дар 2705 гектар шолӣ кишт намуданд
Сохтмон, хизматрасонӣ, зеҳни сунъӣ: муштариёни Хатлон аз ҷузъиёти алоқаи мобилӣ огоҳ гардиданд
Дар корхонаи «Солиев С.К»-и Хуҷанд ба маблағи 3,2 миллион сомонӣ маҳсулоти қаннодӣ истеҳсол гардидааст
Дар Эрон теъдоди ҳалокшудагони таркиш дар кони ангишт ба 50 нафар расид
Намояндагони Тоҷикистон дар конференсияи байналмилалӣ дар Чин иштирок намуданд