ИМА ба Қӯшунҳои сарҳадии Тоҷикистон 15 мошин ва дигар таҷҳизоти техникӣ кумак намуд

Май 11, 2017 16:31

Хабарҳои мавзӯъ

DSC_5780

ДУШАНБЕ, 11.05.2017. /АМИТ «Ховар»/. Имрӯз дар яке аз қисмҳои ҳарбии Қӯшунҳои сарҳадии КДАМ Ҷумҳурии Тоҷикистон маросими супоридани кумак ба маблағи 6 млн. доллари ИМА дар шакли воситаҳои нақлиёт (15 мошин), таҷҳизоти алоқаи  «моторола» ва камераҳои гармидиҳӣ (тепловизионӣ) аз ҷониби Ҳукумати Иёлоти Муттаҳидаи Амрико доир гардид.

Тавре хабарнигори АМИТ «Ховар» иттилоъ дод, дар маросими супоридани кумак Раиси КДАМ ҶТ Саймумин Ятимов, муовини якуми Раиси КДАМ,  сардори Саррёсати Қӯшунҳои сарҳадӣ Раҷабалӣ Раҳмоналӣ ва Сафири ИМА дар Тоҷикистон Элизабет Миллард ширкат варзиданд.

Раиси КДАМ ҶТ Саймумин Ятимов таъкид намуд, ки Ҳукумати ИМА дар давраҳои ҳассос, хусусан дар даҳ соли охир ба сарҳадчиёни тоҷик кумакҳои зиёд  пешкаш намуданд. Ин кумакҳо на танҳо барои Ҷумҳурии Тоҷикистон, балки барои минтақа хеле муҳим ҳастанд ва онҳо барои баланд бардоштани қобилияти Қӯшунҳои сарҳадӣ дар ошкор ва қатъ намудани қочоқи маводи мухаддир дар марзҳои Тоҷикистон истифода бурда мешавад.

Элизабет Миллард иброз дошт, ки ҳамкории байни Иёлоти Муттаҳидаи  Амрико ва Ҷумҳурии Тоҷикистон дар роҳи ҳифзи марзҳои Тоҷикистон аз таҳдидҳои фаромиллӣ, ки метавонанд ба субот ва амният дар Осиёи Марказӣ таъсир расонанд, мусоидат менамояд. Ӯ ҳамчунин зикр намуд, ки қочоқи маводи мухаддир боиси ташвиш аст, зеро маблағҳои аз ҳисоби фурӯши маводи мухаддир бадастовардашуда аксар вақт барои маблағгузории созмонҳои террористӣ дар саросари ҷаҳон истифода бурда мешаванд.

Ёдовар мешавем, ки аз соли 2006 инҷониб «Барномаи оид ба мубориза бо қочоқи маводи мухаддири Фармондеҳии марказии ИМА» зиёда аз 155 млн. доллари амрикоиро барои таҷҳизот, омӯзиш ва инфрасохтор, ки ба таҳкими худкифоӣ, қудрат ва самаранокии фаъолияти мақомоти соҳаи мубориза бар зидди маводи мухаддир дар Тоҷикистон мусоидат менамояд, ҷудо намудааст.

DSC_5756

 

 

Май 11, 2017 16:31

Хабарҳои дигари ин бахш

нашъаНеруҳои амниятии кишвар кӯшиши қочоқбаронро дар марзи Тоҷикистону Афғонистон барбод доданд
055Чӣ тавр компютер ва дигар таҷҳизоти иттилоотию кооммуникатсиониро дар Тоҷикистон аз ҳамлаҳои хакерӣ эмин бояд нигоҳ дошт?
Боздошти шахрванди киргизистонБоздошти шаҳрванди Ҷумҳурии Қирғизистон бо гумони ба муомилот баровардани 44 кг симоби металлӣ
Саидшариф Суд-3Собиқ сардори Раёсати сохтмони асосии шаҳри Душанбе барои азхудкунии маблағҳои калони буҷетӣ зимни сохтмони Беморхонаи «Истиқлол» аз озодӣ маҳрум гардид
вохурии намояндагони ВКДНамояндагони Вазорати корҳои дохилии Тоҷикистон ва Вазорати бехатарии ҷамъиятии Хитой масоили амнияти минтақавиро баррасӣ карданд
WEF-3ФОРУМИ УМУМИҶАҲОНИИ ИҚТИСОДӢ ТОҶИКИСТОНРО КИШВАРИ БЕХАВФТАРИНИ ОСИЁИ МАРКАЗӢ НОМИД!
Сархад 4Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
СархадДар Қӯшунҳои сарҳадӣ ҷаласаи ҳисоботӣ баргузор гардид
01Қочоқчиёни маводи нашъаовар маҳкум гардиданд
совбез5Котибони Шӯрои амнияти давлатҳои СҲШ масъалаҳои мубрами байналмилалӣ ва минтақавиро баррасӣ намуданд
Машқҳои муштараки баталионӣ-тактикии зидди террористӣ дар машқгоҳи «Чоруқ-Дарон»-и гарнизони СуғдМашқҳои муштараки баталйонӣ-тактикии зиддитеррористӣ дар «Чоруқ-Дарон»-и гарнизони Суғд
каллобиОқибати қаллобию сохтакорӣ кунҷи маҳбас аст