ФУТБОЛ: дастаи мунтахаби Тоҷикистон бар дастаи Непал ғалаба кард!

Октябрь 11, 2017 08:57

ДУШАНБЕ, 11.10.2017 /АМИТ «Ховар»/. Дирӯз  дар Варзишгоҳи марказии шаҳри Ҳисор дастаи мунтахаби футболи Тоҷикистон дар даври чоруми бозиҳои интихобии Ҷоми Осиё- 2019 бар дастаи мунтахаби Непал  бо натиҷаи 3:0 ғалаба карда,  дар гурӯҳи F шумораи холҳояшро бо дастаи мунтахаби Яман баробар кард.

Бозӣ бо бартарии футболбозони тоҷик гузашт. Дар натиҷа муҳофизатгарони дастаи мунтахаби Непал ба фишори дастаи мунтахаби Тоҷикистон тоб оварда натавониста, се маротиба дар майдони назди дарвозаашон  қоидаи бозиро дар муқобили ҳамлагарони мо вайрон карданд ва довари вохӯрӣ Моъуд Бунёдифард  се зарбаи 11-метра таъйин кард. Нуриддин Давронов (дақиқаи 20-ум, 1:0), Парвизҷон Умарбоев (60, 2:0) ва Манучеҳр Ҷалилов (87, 3:0) тӯбҳоро ба нишон расониданд. Дар бозии дуюми гурӯҳи F дастаи мунтахаби Яман бо Филиппин қувва озмуда, вохӯриро бо натиҷаи мусовии 1:1 анҷом дод. Ин натиҷаи баробар ба дастаи мунтахаби Тоҷикистон имкон дод, ки фарқи холҳояшро бо яманиҳо баробар намояд.

Ба ҳамин тартиб, бозии байни дастаҳои мунтахаби Тоҷикистон ва Яман, ки 14 ноябр дар Тоҷикистон мегузарад, масъалаи ба бозиҳои финалӣ рафтани яке аз ин дастаҳоро маълум мекунад.

Дар таърихи футболи Тоҷикистон бори аввал дастаи мунтахаби мо дар як вохӯрӣ ба задани се зарбаи пеналтӣ сазовор шудааст.

Гурӯҳи F

ТОҶИКИСТОН– Непал – 3:0

Голҳо: Нуриддин Давронов, 20 – аз пеналтӣ (1:0). Парвизҷон Умарбоев, 60 – аз пеналтӣ (2:0). Манучеҳр Ҷалилов, 87 – аз пеналтӣ (3:0).

Дастаи мунтахаби Тоҷикистон: Абдуазиз Маҳкамов, Сиёвуш Асроров, Давронҷон Эргашев, Аҳтам Назаров, Ромиш Ҷалилов, Нуриддин Давронов, Фатҳулло Фатҳуллоев, Ҷаҳонгир Алиев (Искандар Ҷалилов, 46), Парвизҷон Умарбоев (Шериддин Бобоев, 80), Дилшод Восиев (Эҳсони Панҷшанбе, 46), Манучеҳр Ҷалилов.

Довар дар майдон: Моъуд Бунёдифард (Эрон).

Гурӯҳи F

Дастаи мунтахаби Яман – Филиппин 1:1

Голҳо: Тавфиқ Алӣ (63,1:0) , Майк Отт (89, 1:1).

Гурӯҳи  F

Дастаҳо Б Ғ М Б Т/т И
ФИЛИППИН 4 2 2 0 11-4 8
ЯМАН * 4 1 3 0 5-4 6
ТОҶИКИСТОН * 4 2 0 2 9-7 6
НЕПАЛ 4 0 1 3 2-9 1

 

* Бо сабаби он ки дастаи мунтахаби Яман дар бозии аввал дастаи мунтахаби Тоҷикистонро бо натиҷаи 2:1 мағлуб кардааст, дар ҷадвали раддабандии гурӯҳ ин натиҷа таъсиргузор аст.

tajikistan-nepal5 tajikistan-nepal9

Октябрь 11, 2017 08:57

Хабарҳои дигари ин бахш

ЧЕМПИОНАТИ ҶАҲОН-2024. Шоми имрӯз дастаҳои мунтахаби Тоҷикистон ва Португалия оид ба футзал бозӣ мекунанд
ЛИГАИ ДУЮМИ ЧЕМПИОНҲОИ ОСИЁ. «Равшан» бозии якумро бо дастаи футболи «Моҳун Баган» доир намуд
ФУТБОЛ. Имрӯз дастаи «Равшан» дар Лигаи дуюми чемпионҳои Осиё бозии якумашро анҷом медиҳад
Дар Минск мусобиқаи футбол ба муносибати ҷашни Рӯзи истиқлолияти Ҷумҳурии Тоҷикистон баргузор гардид
«Истиқлол» дар доираи даври аввали Лигаи чемпионҳои Конфедератсияи футболи Осиё-2 бо «Шарҷа» бозӣ мекунад
ЧЕМПИОНАТИ ҶАҲОН-2024. Дастаи мунтахаби Тоҷикистон оид ба футзал нахустин бозиро анҷом дод
Дар шаҳри Хоруғ мусобиқаи ҷумҳуриявӣ аз намуди таэквондо баргузор гардид
ЧЕМПИОНАТИ ҶАҲОН-2024. Дастаи мунтахаби Тоҷикистон оид ба футзал бо тими миллии Марокаш бозӣ мекунад
Дар Душанбе мусобиқаи футбол байни кормандони намояндагиҳои дипломатии муқими Тоҷикистон оғоз ёфт
Дар Чемпионати ҷаҳон оид ба ҷудо байни ҷавонон аз Тоҷикистон 17 варзишгар иштирок менамояд
Шоҳмотбозони тоҷик дар Олимпиадаи 45-уми ҷаҳонӣ дар Будапешт сабқат доранд
Дар Ниммарафони байналмилалии кӯҳии Эко дар Ҳафткӯли Тоҷикистон варзишгарони 12 давлати ҷаҳон ҷамъ омаданд