Муҳлати бозиҳои Ҷоми Конфедератсияи футболи Осиё-2020 ба таъхир гузошта шуд

Апрель 17, 2020 14:28

ДУШАНБЕ, 17.04.2020. /АМИТ «Ховар»/. Бо сабаби авҷ гирифтани  бемории коронавирус дар ҷаҳон Конфедератсияи футболи Осиё  ҳамаи бозиҳои мусобиқаҳоеро, ки мебоист моҳҳои май ва июн баргузор мешуданд, ба муҳлати номуайян ба таъхир андохт. Дар ин бора мухбири АМИТ «Ховар» бо истинод ба Федератсияи футболи Тоҷикистон иттилоъ медиҳад.

Пас аз андешидани тадбирҳои пешгирикунанда ва маҳдудиятҳои сафар дар якчанд кишвар Конфедератсияи футболи Осиё  тасмим гирифт, ки ҳамаи бозиҳо ва мусобиқаҳои моҳҳои май ва июн таъйиншударо то огоҳии минбаъда мавқуф гузорад.

Конфедератсияи футболи Осиё  пандемияи COVID-19-ро бодиққат пайгирӣ карда, қаблан дар як қатор ҷаласаҳои фавқулода дар Деҳлӣ, Давҳа, Дубай ва Куала-Лумпур бозиҳои худро дар моҳҳои март ва апрел ба таъхир гузошта буд.

Конфедератсия ҳамкориро бо созмонҳои иштироккунандаи мусобиқаҳои Конфедератсияи  футболи Осиё  идома медиҳад ва тамоми имконоти анҷом додани марҳилаи гурӯҳии Лигаи қаҳрамонҳои Конфедератсияи футболи Осиё -2020 ва Ҷоми АFC-ро меомӯзад. Конфедератсияи мазкур  пеш аз пешниҳоди санаҳои нав барои бозиҳои таъхиршуда вазъро бодиққат арзёбӣ ва назорат мекунад.

Ёдовар мешавем, ки ду дастаи  Тоҷикистон – «Истиқлол»-и Душанбе ва «Хуҷанд»-и Хуҷанд — дар марҳилаи гурӯҳии Ҷоми Конфедератсияи футболи Осиё  -2020 ба гурӯҳи «D» шомиланд. Бозии нахустин даври мусобиқа дар ин гурӯҳ миёни  дастаҳои  футболи  «Истиқлол»-и Душанбе  ва «Хуҷанд»-и Хуҷанд, ки 11  марти соли равон дар Варзишгоҳи марказии шаҳри Душанбе бе ҳузури тамошобинон доир гардида буд, бо пирӯзии чемпиони  Тоҷикистон-  «Истиқлол»-и Душанбе  бо ҳисоби 2:0 ба поён расида буд.

Бо тасмими Конфедератсияи футболи Осиё бозӣ миёни дастаҳои футболи  «Дордой»-и Қирғизистон ва «Алтин Асир»-и Туркманистон, ки мебоист 11 март дар шаҳри  Бишкек доир мегашт, ба муҳлати дертар ба таъхир гузошта шуд. Ҳамин тариқ,  дастаи  футболи «Истиқлол»-и Душанбе  бо се имтиёз дар гурӯҳи «D»  мақоми аввалро касб намуд.

Ҷоми AFC-2020

Минтақаи марказӣ. Гурӯҳи «D»

Даври 1-ум

11-уми март (чоршанбе)

«Истиқлол» (Тоҷикистон) – «Хуҷанд» (Тоҷикистон) – 2:0

Голҳо: Манучеҳр Ҷалилов, 21 (1:0), Манучеҳр Ҷалилов, 29 – аз пеналтӣ (2:0)

«Дордой» (Қирғизистон) — «Алтин Асир» (Туркманистон)ба таъхир андохта шуд

Даври 2-юм

15 апрел (чоршанбе)

«Хуҷанд» (Тоҷикистон) – «Дордой» (Қирғизистон) — ба таъхир андохта шуд

«Алтин Асир» (Туркманистон) – «Истиқлол» (Тоҷикистон) — ба таъхир андохта шуд

Даври 3-юм

29 апрел (чоршанбе)

«Хуҷанд» (Тоҷикистон) – «Алтин Асир» (Туркманистон) — ба таъхир андохта шуд

«Истиқлол» (Тоҷикистон) – «Дордой» (Қирғизистон) — ба таъхир андохта шуд

Даври 4-ум

13 май (чоршанбе)

«Алтин Асир» (Туркманистон) – «Хуҷанд» (Тоҷикистон) — ба таъхир андохта шуд

«Дордой» (Қирғизистон) – «Истиқлол» (Тоҷикистон) — ба таъхир андохта шуд

Даври 5-ум

27 май (чоршанбе)

«Хуҷанд» (Тоҷикистон) – «Истиқлол» (Тоҷикистон) — ба таъхир андохта шуд

«Алтин Асир» (Туркманистон) – «Дордой» (Қирғизистон) — ба таъхир андохта шуд

Даври 6-ум

17 июн (чоршанбе)

«Истиқлол» (Тоҷикистон) – «Алтин Асир» (Туркманистон) — ба таъхир андохта шуд

«Дордой» (Қирғизистон) – «Хуҷанд» (Тоҷикистон) — ба таъхир андохта шуд.

Апрель 17, 2020 14:28

Хабарҳои дигари ин бахш

ЧЕМПИОНАТИ ҶАҲОН-2024. Шоми имрӯз дастаҳои мунтахаби Тоҷикистон ва Португалия оид ба футзал бозӣ мекунанд
ЛИГАИ ДУЮМИ ЧЕМПИОНҲОИ ОСИЁ. «Равшан» бозии якумро бо дастаи футболи «Моҳун Баган» доир намуд
ФУТБОЛ. Имрӯз дастаи «Равшан» дар Лигаи дуюми чемпионҳои Осиё бозии якумашро анҷом медиҳад
Дар Минск мусобиқаи футбол ба муносибати ҷашни Рӯзи истиқлолияти Ҷумҳурии Тоҷикистон баргузор гардид
«Истиқлол» дар доираи даври аввали Лигаи чемпионҳои Конфедератсияи футболи Осиё-2 бо «Шарҷа» бозӣ мекунад
ЧЕМПИОНАТИ ҶАҲОН-2024. Дастаи мунтахаби Тоҷикистон оид ба футзал нахустин бозиро анҷом дод
Дар шаҳри Хоруғ мусобиқаи ҷумҳуриявӣ аз намуди таэквондо баргузор гардид
ЧЕМПИОНАТИ ҶАҲОН-2024. Дастаи мунтахаби Тоҷикистон оид ба футзал бо тими миллии Марокаш бозӣ мекунад
Дар Душанбе мусобиқаи футбол байни кормандони намояндагиҳои дипломатии муқими Тоҷикистон оғоз ёфт
Дар Чемпионати ҷаҳон оид ба ҷудо байни ҷавонон аз Тоҷикистон 17 варзишгар иштирок менамояд
Шоҳмотбозони тоҷик дар Олимпиадаи 45-уми ҷаҳонӣ дар Будапешт сабқат доранд
Дар Ниммарафони байналмилалии кӯҳии Эко дар Ҳафткӯли Тоҷикистон варзишгарони 12 давлати ҷаҳон ҷамъ омаданд