Дар Деваштич маросими тантанавии гусели навҷавонон ба хизмати ҳарбӣ баргузор шуд
ДУШАНБЕ, 02.04.2025 /АМИТ «Ховар»/. Имрӯз дар майдони «Муҷассамаи Деваштич»-и шаҳраки Ғончӣ маросими ботантанаи гусели даъватшавандагон ба сафи Қувваҳои Мусаллаҳи Ҷумҳурии Тоҷикистон баргузор гардид.
Тавре ба АМИТ «Ховар» аз Мақомоти иҷроияи ҳокимияти давлатии ноҳияи Деваштич хабар доданд, раиси ноҳия даъватшудагони ихтиёриро ба муносибати дохил шудан ба сафи Қувваҳои Мусаллаҳи Ҷумҳурии Тоҷикистон шодбош гуфта, иброз намуд, ки Артиши миллии Тоҷикистон такягоҳи боэътимоди давлат ва сипари иқтидорманди миллат мебошад.
Таъкид гардид, ки ташкил ва таъсиси Қувваҳои Мусаллаҳи Тоҷикистон тавассути сиёсати хирадмандонаи Президенти мамлакат, Сарфармондеҳи Олии Қувваҳои Мусаллаҳи Ҷумҳурии Тоҷикистон муҳтарам Эмомалӣ Раҳмон дар давраи кӯтоҳ ва хеле душвору сангин ба вуқуъ пайваст.
Имрӯз Қувваҳои Мусаллаҳ ҳам аз лиҳози таъминоти моддию техникӣ, ҳам аз ҷиҳати қудрату тавоноӣ ва маҳорати ҳарбӣ ва интизоми ҳайати шахсӣ аз солҳои пешин афзалияти зиёду бештар дорад. Боиси ифтихормандӣ аст, ки имрӯз мамлакати мо тамоми марзи сарҳади давлатиро пурра бо қувваи худ муҳофизат менамояд. Хизмат дар сафи Қувваҳои Мусаллаҳ мактаби олии обу тоби зиндагӣ ва касби камолот мебошад.
Дар рӯзи нахустини даъвати баҳорӣ Ҷамоати шаҳраки Ғончӣ нақшаи даъватро иҷро намуда, ҷамоатҳои деҳоти Ғазантарак, Яхтан ва Муҷун дар ҳоли иҷро қарор доранд.
Дар ҳамоиш барои саҳми арзанда дар ҷалби саривақтии ҷавонон раиси Ҷамоати шаҳраки Ғончӣ бо «Сипоснома» ва Вимпели «Беҳтарин ҷамоат оид ба иҷрои даъвати ҳарбӣ» ва раисони шурои маҳаллаҳои деҳаҳои Ғазантарак, Гулобод, Лолазор ва Истиқлол бо «Сипоснома»-и Мақомоти иҷроияи ҳокимияти давлатии ноҳияи Деваштич ва туҳфаҳои хотиравӣ сарфароз гардонида шуданд.
Ҳамзамон ба 26 даъватшуда аз тарафи Ташкилоти ҷамъиятии «Мададгори мудофиа»-и ноҳия шаҳодатномаи ронандагии дараҷаи «В» супорида шуд.
Чун анъана маросими нонгазон баргузор шуда, модарон ба фарзандонашон хизмати содиқона таманно намуданд.
Санъаткорони бахши фарҳанги ноҳия барномаи рангини ҳунариро бо сурудҳои ватандӯстона манзури иштирокчиён намуданд.
АКС: Дафтари матбуоти Раиси ноҳияи Деваштич
Судяҳои Суди Олии Тоҷикистон дар форуми байналмилалӣ иштирок намуданд
Ҳайати Тоҷикистон дар ҷаласаи раисони судҳои олии давлатҳои аъзои Созмони ҳамкории Шанхай иштирок намуд
Оид ба татбиқи барномаҳои давлатии Тоҷикистон дар пешгирии экстремизм ва терроризм конфронси ҷумҳуриявӣ доир шуд
Дар Душанбе оид ба истифодаи технологияҳои ҳастаӣ ва бехатарии радиатсионӣ конференсияи байналмилалӣ доир шуд
Тоҷикистон ва Эрон нақша доранд ҳамкориро дар самти мубориза бо ҷинояткории муташаккили фаромиллӣ густариш диҳанд
Байни Тоҷикистон ва Қирғизистон оид ба рафъи ҳолатҳои фавқулода Ёддошти тафоҳум ба имзо расид
Дар Душанбе масъалаи арзёбии фаврӣ ва ҳамоҳангсозии ҳолатҳои фавқулода баррасӣ гардид
Вохӯрии дуюми котибони шуроҳои амнияти давлатҳои Осиёи Марказӣ дар Самарқанд баргузор шуд
Бо истифода аз барномаи «Нозири минтақавии ман» шаҳрвандон метавонанд нозири минтақавии худро шиносанд
ПУРСИДЕД, ҶАВОБ МЕДИҲЕМ. Киҳо хуқуқи дар сафи Қувваҳои Мусаллаҳи Ҷумҳурии Тоҷикистон хизмат карданро доранд?
Дар шаҳри Бӯстон нақшаи даъвати баҳорӣ ба сафи Қувваҳои Мусаллаҳ иҷро гардид
Дар Тоҷикистон нақшаи даъвати баҳорӣ ба сафи Артиши миллӣ беш аз 80 фоиз иҷро шуд
