Маҳфили эҷодӣ бахшида ба эҷодиёти Х.Абдулло

Январь 29, 2015 14:58

Душанбе, 29.01.2015. (АМИТ «Ховар», Бекназари Абӯбакр). — Бо ташаббуси Иттифоқи композиторони Тоҷикистон 30 январи  соли ҷорӣ дар шаҳри Душанбе бахшида ба эҷодиёти оҳангсози маъруфи тоҷик, барандаи Ҷоизаи давлатии ба номи А. Рӯдакӣ Хайрулло Абдуллоев бо иштироки ҳунармандони шинохтаи кишвар маҳфили мусиқӣ доир мегардад. 
Раиси  Иттифоқи композиторони Тоҷикистон Қудратулло Ҳикматов ба мухбири АМИТ «Ховар» гуфт, ки Хайрулло Абдуллоев аз асосгузорони мусиқии касбии тоҷик буда, соли 1930 дар оилаи санъаткор ба дунё омадааст. Ӯ соли 1953 Омӯзишгоҳи мусиқии шаҳри Душанбе ва соли 1958 шуъбаи композитории Консерваторияи мусиқии шаҳри Маскавро хатм кардааст. 
«Хайрулло Абдуллоев дар жанрҳои гуногуни мусиқӣ, бахусус дар жанри суруд ва ҳамсароӣ (хор) оҳангҳо навишта, яке аз асосгузорони Фестивали мусиқавии «Бӯстон» мебошад.  Оҳангҳои он кас бештар ба оҳанҳои халқӣ наздик буда, ҳамзамон мусиқии халқиро бисёр моҳирона ва эҷодкорона такмил дода, оҳанг офаридааст», — илова намуд Қ.Ҳикматов.
Мавриди зикр аст, ки оҳангҳои машҳури Х. Абдуллоев  «Духтари Помир», «Душанбе», «Гулдаста», «Аскарбача», «Фалак» ва амсоли инҳо то ҳол дар байни мардум маъруфият доранд.
Қ.Ҳикматов муътақид бар он аст, ки Х. Абдуллоев дар баробари З.Шаҳидӣ, Ф.Одина, Ш.Сайфиддинов, Ҷ.Охунов, Ф.Солиев ҳамчун кадри маҳаллӣ аввалин шуда, дар ҷодаи мусиқии композиторӣ ҷиҳати густариши мусиқии касбии тоҷик саҳми назаррас гузоштааст. 
 
 

Январь 29, 2015 14:58

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд