Даргузашти мусиқишинос Наим Ҳаким
Душанбе, 29.12.2015. (АМИТ «Ховар»).-Ҳаким Наим Ғаниевич мусиқишинос, номзади илми санъатшиносӣ, узви Иттифоқи композиторон дирӯз, 28-уми декабр аз олам даргузашт.
Наим Ҳакимов омӯзишгоҳи мусиқии ба номи Содирхон Ҳофиз ва Донишкадаи давлатии санъати Тоҷикистон ба номи М. Турсунзодаро бо тахассуси рубоб хатм намудааст. Ӯ ташаббускор ва ташкилотчии Симпозиуми байналмилалӣ бахшида ба 1400- солагии Борбад, конфронси байналмилалии «Проблемаҳои методологии шарқшиносии мусиқӣ», Фестивал- симпозиуми байналмилалии «Шашмақом»-эҳёи анъанаҳои классикӣ дар равобити фарҳангии халқҳои Осиёи Марказӣ, Фестивал- симпозиуми байналмилалии «Фалак ва анъанаҳои бадеии халқҳои Осиёи Марказӣ», фестивал- симпозиуми байналмилалии «Мусиқии суннатии Суғди қадим» ва фестивали бачагонаи байналмилалии телевизионии «Донак» буд.
«Ҳакимов Наим аз мусиқишиносони барҷастаи тоҷик буда, аз солҳои 1987 то рӯзи маргаш барои рушди санъати мусиқии касбии тоҷик хизматҳои босазо кардааст. Ӯ дар муаррифии мусиқии миллии Тоҷикистон дар бисёр фестивал- озмунҳои байналмиллалӣ иштирок намуда, ба ҷаҳониён, аз ҷумла Амрико, Фаронса, Русия, Қазоқистон, Туркманистон, Қирғизистон, Англия, Олмон ва кишварҳои Аврупо мусиқии миллии Тоҷикистонро муаррифӣ намудааст. Китобҳое, ки барои санъати мусиқии касбии тоҷик навиштааст, аз ҷониби донишҷӯёни мактабҳои олии ҷумҳурӣ, Консерваторияи миллии Тоҷикистон, мактабҳои махсуси мусиқии ҷумҳуриявӣ, Коллеҷҳои санъати ҷумҳуриявӣ мавриди истифода қарор гирифтаанд. Ҳакимов Наим Ғаниевич дар мавзӯи фолклори мусиқии тоҷик зиёда аз 40- китоб ва мақолаву тезисҳоро ба нашр расонидааст»,- гуфт раиси Иттифоқи композиторони Тоҷикистон Қудратулло Ҳикматов.
Ҳамчунин Қудратулло Ҳикматов илова намуд, ки дар тамоми фестивал- озмунҳои байналмиллалӣ оид ба «Шашмақом», «Фалак» ва мусиқии касбии миллии тоҷик Наим Ҳакимов ташаббускор буд ва фавти ӯ барои аҳли фарҳанг ва эҷод талафот аст.
«ЯК МАТОВУ САД РАНГ». Фестивал-озмун имкон медиҳад, ки арзишҳои фарҳанги миллӣ ҳифз ва тарғиб карда шаванд
РӮЗИ БАЙНАЛМИЛАЛИИ ҲАДЯИ КИТОБ. Фаъолияти хуби китобхонаҳо воситаи муҳими китобхон шудани ҷомеа мегардад
ИҚДОМИ «ТОҶИКОНА МЕПӮШЕМ!». Ба либоси миллӣ – мероси аҷдодонамон арҷ мегузорем
Дар Хуҷанд масъалаи эҳё ва рушди ҳунарҳои бадеии халқӣ баррасӣ гардид
«ДИРӮЗ, ИМРӮЗ ВА ФАРДОИ ФАРҲАНГИ ТОҶИК». Таҳти чунин унвон дар Душанбе конференсияи ҷумҳуриявӣ доир гардид
Дар Тоҷикистон Озмуни ҷумҳуриявии «Роҳнамои беҳтарин» баргузор мешавад
Дар Давҳа намоиши ҳунарҳои мардумӣ ва барномаи консертии Рӯзҳои фарҳанги Ҷумҳурии Тоҷикистон доир гардид
Дар Давлати Қатар Рӯзҳои фарҳанги Ҷумҳурии Тоҷикистон идома доранд
Таҳти унвони «Робиаи Балхӣ — нахустбонуи соҳибдевони адабиёти тоҷику форс» конференсияи байналмилалӣ баргузор мешавад
Фаъолияти инноватсионӣ-методии китобхонаҳоро қонунгузории Ҷумҳурии Тоҷикистон чӣ гуна муқаррар намудааст?
«ҶАВОНОН — ЗИДДИ ТЕРРОРИЗМ». Таҳти ин унвон дар Осорхонаи миллӣ намоиши асарҳои рассомони ҷавон оғоз шуд
ПАЁМЕ, КИ НАВИДИ ПИРӮЗИҲОСТ. Иҷрои дастурҳои он роҳнамои миллати тоҷик барои фатҳи қуллаҳои нави армонҳои миллӣ аст
