БМТ: Ҳаҷми пардохтҳо 21,4 фоиз кам шуд

Душанбе, 26.01.2015. (АМИТ «Ховар»).-Ҳаҷми пардохтҳо нисбат ба соли гузашта 21,4 фоиз кам шуда, шумораи пардохтҳо 19,6 фоиз афзоиш ёфт. Ин нуктаро имрӯз зимни нишасти матбуотӣ раиси Бонки миллии Тоҷикистон Ҷамшед Нурмаҳмадзода ба хабарнигорон ироа намуд.
Ба гуфтаи раиси БМТ, дар қаламрави ҷумҳурӣ дар соли 2015 зиёда аз 61,0 млн. пардохтҳо бо усулҳои гуногуни ҳисоббаробаркунӣ ба маблағи умумии 530,7 млрд. сомонӣ амалӣ гардиданд.
“Дар интиҳои соли 2015 миқдори умумии кортҳои пардохтии аз тарафи ташкилоти қарзӣ ба муомилот баровардашуда ба 1,44 млн. адад расидааст, ки ин нисбат ба соли қаблӣ 30,6 фоиз зиёд аст”,-илова намуд Ҷ. Нурмаҳмадзода.