Обуҳавошиносон ҳавои ноустуворро пешгӯӣ мекунанд

Душанбе, 25.01.2016 (АМИТ «Ховар»). -Имрӯз, 25 январ дар ҳамаи минтақаҳои Тоҷикистон ҳавои тағйирёбандаи абрнок дар назар аст. Ҳарорат рӯзона 12 +14 дараҷа гарм шуда, шамоли сабук мевазад. Фишори ҳаво дар доираи муқаррарӣ қарор мегирад. Наздикии шаб ҳавои абрнок ва борон дар назар буда, ҳарорат ба +3 +5 дараҷа хоҳад расид.
26 январ дар давоми рӯз ҳавои абрнок, борони сахт ва яхбандии роҳҳо дар назар аст: ҳарорат шабона ба +3 +5 дараҷа, рӯзона ба +6 +8 дараҷа расида, шамоли сабук мевазад.
27 январ дар давоми рӯз ҳавои тағйирёбандаи абрнок, андак борон ва яхбандии роҳҳо дар назар аст: ҳарорат шабона ба +1 +3 дараҷа, рӯзона ба +5 +7 дараҷа хоҳад расид, шамол аз самти шимол муътадил мевазад.
28 ва 29 январ ҳавои абрнок ва барфи сахт дар назар аст: шабона ҳарорат ба 0 ва +2 дараҷа, рӯзона ба +3 +5 дараҷа хоҳад расид, шамол сабук мевазад.
Дар ин рӯзҳо дар навоҳии тобеи марказ шабона ҳарорат -1 -2 сард, рӯзона +7 +9 дараҷа гарм мешавад.
Дар навоҳии вилояти Хатлон шабона ҳарорат 0-3 дараҷа сард, рӯзона +8 +10 дараҷа гарм мешавад.
Дар навоҳии вилояти Суғд: ҳарорат шабона 0-1 дараҷа сард, рӯзона +3 +5 дараҷа гарм мешавад.
Дар Ғарби ВМКБ ҳарорат шабона 5-7 дараҷа сард, рӯзона 2-3 дараҷа сард мешавад, дар Шарқи ВМКБ ҳарорат шабона 0-5 дараҷа сард, рӯзона +2 +3 дараҷа гарм мешавад.
Дар шаҳри Душанбе ҳарорат шабона +1 +3 дараҷа, рӯзона +5 +8 дараҷа гарм мешавад.