С.Тағойзода: Бо заҳматҳои шабонарӯзии Пешвои миллат 1 миллион гуреза аз мулки бегона ба ватан баргардонида шуд
Душанбе, 25.01. 2016 (АМИТ «Ховар») .-«Конфронси ҷумҳуриявии “Нақши Президенти Ҷумҳурии Тоҷикистон, Асосгузори сулҳу Ваҳдати миллӣ, Пешвои миллат муҳтарам Эмомалӣ Раҳмон дар таҳкими мавқеи занону модарон дар даврони Истиқлолият» моро имрӯз водор менамояд, ки саҳифаҳои аввали таърихи соҳибистиқлолии ватанамонро варақ гардонем. Ин саҳифаҳои дурахшонро мо метавонем бузургтарин бозгашти сарнавишти Тоҷикистон номем»,-гуфт Сумангул Тағойзода, вазири меҳнат, муҳоҷират ва шуғли аҳолии кишвар имрӯз зимни конфронси ҷумҳуриявӣ.
Ба гуфтаи вазир, дар натиҷаи заҳматҳои шабонарӯзии Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон 1 миллион гурезагон аз мулки бегона ба ватан баргардонида шуда, ҳаёти осоишта ва муътадилро оғоз карданд. Хотима додани ҷанги шаҳрвандӣ, баргардонидани тамоми гурезаҳои иҷборӣ ба ватан, муттаҳидкунии ҷамъияти пароканда, барқарории сулҳ, ҷорӣ намудани принсипҳои демократии давлатдорӣ, пойдор намудани тараққиёти иқтисодии давлат аз дастовардҳое мебошанд, ки бо шарофати Пешвои миллат, Ҷаноби олӣ, мухтарам Эмомалӣ Раҳмон ба даст омадаанд.
«Масъалаҳои бозори меҳнат ва шуғли аҳолӣ пайваста дар мадди назари роҳбарияти давлат қарор доранд. Танҳо дар соли 2015 ба беш аз ҳазор нафар занон дар ҳаҷми беш аз 6 млн. сомонӣ кумаки молиявӣ ва қарзҳои имтиёзнок дода шуданд»,-илова намуд С.тағойзода.
Ёдовар мешавем, ки имрӯз, 25 январ дар Муассисаи давлатии “Китобхонаи миллии Тоҷикистон” конфронси ҷумҳуриявии “Нақши Президенти Ҷумҳурии Тоҷикистон, Асосгузори сулҳу Ваҳдати миллӣ, Пешвои миллат муҳтарам Эмомалӣ Раҳмон дар таҳкими мавқеи занону модарон дар даврони Истиқлолият” доир гардид.
Дар конфронс муовини Сарвазири ҶТ Марҳабо Ҷабборӣ, муовини раиси Маҷлиси намояндагони Маҷлиси Олии ҶТ Юсуфӣ Хайриниссо, раиси Кумитаи кор бо занон ва оила Махфират Хидирзода, вазири меҳнат, муҳоҷират ва шуғли аҳолӣ Сумангул Тағойзода, раиси Кумитаи забон ва истилоҳот Гавҳар Шарофзода ва дигар занони фаъол ширкат намуданд.
Таҷрибаи ислоҳоти ҳуқуқии Тоҷикистон дар Форуми байналмилалӣ муаррифӣ карда шуд
Озмуни ҷумҳуриявии «Беҳтарин хизматчии давлатӣ аз ҳисоби занон» ҷамъбаст гардид
Дар Тоҷикистон кадом навъи бемории зуком хуруҷ намудааст?
Муовини Сарвазири Тоҷикистон дар конференсияи байналмилалӣ оид ба нақши зан дар Туркманистон иштирок намуд
«ХУШДОМАНИ БЕҲТАРИН». Дар Бадахшон даври вилоятии озмун ҷамъбаст гардид
Бахшида ба 31-солагии Ҳизби Халқии Демократии Тоҷикистон дар Душанбе ҳамоиши тантанавӣ доир шуд
ЭҲТИЁТ — НИМИ ҲАЁТ! Ҳангоми гарм кардани хонаҳо бо ангишт қоидаҳои истифодаи онро риоя намоед
РӮЗИ БАЙНАЛМИЛАЛИИ ҲУҚУҚИ ИНСОН. Стратегияи миллии Ҷумҳурии Тоҷикистон дар соҳаи ҳифзи ҳуқуқи инсон ба ҳимояи ҳуқуқ ва озодиҳо равона шудааст
Форум оид ба натиҷаҳо ва устувории «Барномаи рушди тандурустӣ барои солҳои 2021-2025» доир карда шуд
Ба ифтихори Рӯзи таъсиси Ҳизби Халқии Демократии Тоҷикистон дар Рашт ҳамоиши тантанавӣ баргузор шуд
ҲИЗБИ ХАЛҚИИ ДЕМОКРАТИИ ТОҶИКИСТОН — АМАЛИСОЗАНДАИ ОРМОНҲОИ ХАЛҚ. Аз таъсиси он 31 сол сипарӣ гардид
ҲУҚУҚУ ОЗОДИҲОИ ИНСОН — АРЗИШИ ОЛӢ. Бардошт аз ҳамоиш бахшида ба Рӯзи ҳуқуқи инсон
