Ш.Бобозода: Истеҳсоли семент ба беш аз 1 млн. тонна расонида шуд

Душанбе, 28.01.2015. (АМИТ «Ховар»).- “Соли 2015 дар минтақаҳои дорои манбаи зарурии ашёи хом 468 корхона ва коргоҳҳои нави истеҳсолӣ таъсис гардида, дар онҳо 8 ҳазору 903 нафар аҳолии қобили меҳнат ба кор фаро гирифта шуданд”-,гуфт вазири саноат ва технологияҳои нави кишвар Шавкат Бобозода имрӯз, 28 январ зимни нишасти матбуотӣ.
Бино ба гуфтаи вазир, дар соҳаи саноати маъдани кӯҳӣ нисбат ба соли 2014 ҳаҷми тилло 131, 60 %, нуқра 161 % истеҳсол шуда, аз ҷониби корхонаҳои истихроҷи ангишт 1 млн. 42 ҳазор тн. ангишт истеҳсол гардид.
“Дар ин давра истеҳсоли семент ба 1,4 млн. тонна расонида шуд, ки ин натиҷаи баландтарин дар таърихи саноати мамлакат мебошад”,-илова намуд вазир.