БРСММ лоиҳаи кумак ба зарардидагони офати табиии Тоҷикистонро баррасӣ мекунад
Душанбе, 13.04.2016. /АМИТ «Ховар»/. Муовини Сарвазири Ҷумҳурии Тоҷикистон Азим Иброҳим бо коршиноси байналмилалии Барномаи рушди Созмони Миллали Муттаҳид (БРСММ) Чарлз Келли мулоқот кард.
Дар оғози мулоқот аз раванди иштироки ташкилоту созмонҳои байналмилалӣ ва кишварҳои мададрасон дар расонидани кумакҳои башардўстона ба шаҳру ноҳияҳои аз офати табиӣ зарардидаи Тоҷикистон изҳори қаноатмандӣ карда шуд.
Тавре таъкид гардид, коршиносони байналмиллалии Барномаи рушди Созмони Миллали Муттаҳид тасмим доранд дар ҳамкорӣ бо сохторҳои дахлдори Ҳукумати Ҷумҳурии Тоҷикистон иловатан баҳодиҳӣ ва муайянсозии ҳаҷми воқеии зарари аз офатҳои табиӣ ба хоҷагии халқи шаҳру ноҳияҳои гуногуни мамлакат расидаро гузаронида, лоиҳаи барқарорсозии ҳамаи иншооти зарардидаро барои баррасӣ ба дигар ташкилотҳои молиявии байналмилалӣ ва кишварҳои мададрасон пешниҳод намоянд.
Муовини Сарвазири мамлакат ба ин тартиб идома ёфтани ҳамкориро барои беҳтар гардонидани сатҳи хизматрасонӣ ва дар ҳолати хуб нигоҳ доштани инфрасохтори шаҳру ноҳияҳои аз офати табиӣ зарардидаи кишвар муҳим ва саривақтӣ арзёбӣ кард.
Имрӯз дар Агентии назорат дар соҳаи маориф ва илм, Агентии содирот, Бонки давлатии амонатгузории «Амонатбонк» ва Палатаи савдо ва саноат нишасти матбуотӣ баргузор мегардад
«Интернет барои хона» Steam-ро вусъат мебахшад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар Вазорати саноат ва технологияҳои нав, Кумитаи давлатии идораи замин ва геодезӣ, Академияи миллии илмҳо, Суди Олии иқтисодӣ нишасти матбуотӣ баргузор мегардад
Имрӯз дар баъзе ноҳияҳои Тоҷикистон туман мефарояд
Дар ноҳияи Тоҷикобод 6 коргоҳи истеҳсолӣ ба истифода дода шуд
Имрӯз дар Тоҷикистон ҳавои тағйирёбандаи бебориш пешгӯӣ мешавад
