Раиси Бонки исломии рушд барои иштирок дар ҳамоиши байналмиллалии «Таъмини дастрасии ҳамагонӣ ба об ва санитария» ба Душанбе меояд
Душанбе, 24.06.2016 /АМИТ «Ховар»/. Дирӯз Сафири фавқулода ва мухтори Ҷумҳурии Тоҷикистон дар Шоҳигарии Арабистони Саудӣ Заробиддин Қосимӣ дар шаҳри Ҷидда бо раиси Бонки исломии рушд Аҳмад Муҳаммад Алӣ мулоқот анҷом дод.
Дар оғози мулоқот Заробиддин Қосимӣ ба доктор Аҳмад Муҳаммад Алӣ, ки аз дӯстони қадршиноси Тоҷикистон ба шумор меравад, салому дуруд ва таманниёти накуи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва даъватномаи вазири корҳои хориҷии Ҷумҳурии Тоҷикистон Сироҷиддин Асловро доир ба иштирок дар Ҳамоиши байналмиллалии сатҳи баланд оид ба ҳадафи шашуми рушди устувор ва вазифаҳои вобаста ба он таҳти унвони «Таъмини дастрасии ҳамагонӣ ба об ва санитария» тақдим намуд.
Зимни вохӯрӣ ҳамчунин доир ба ҷараёни ҳамкории пурсамари Тоҷикистон ва Бонки исломии рушд, нақшаҳои оянда ва маблағгузории лоиҳаҳои авлавиятноки рушди босуботи кишвари мо гуфтугӯи судбахш сурат гирифт.
Аҳмад Муҳаммад Алӣ бори дигар мавқеи устувори ин муассисаи бонуфузи молиявии байналмилалиро доир ба таҳким ва густариши ҳамкорӣ барои дастгирию пуштибонӣ аз тараққиёти пайвастаи Тоҷикистон таъкид намуд.
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
ҶАМЪБАСТИ НИШАСТҲОИ МАТБУОТӢ. 14 август дар Филиали Донишкадаи энергетикаи Москва дар шаҳри Душанбе нишасти матбуотӣ доир мегардад
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
