Ёдкарди Аҳмад Зоҳир: Ном ки ҷовид шуд…

Июнь 14, 2016 17:03

Хоруғ, 14.06.2016 /АМИТ «Ховар»/. Як гурӯҳе аз мухлисон ва ҳаводорони оҳангу таронаҳои ҳунарманди маъруф ва нотакрори Машриқзамин Аҳмад Зоҳир тасмим гирифтанд, ки ба хотири 70-умин солгарди рӯзи мавлудаш бо баргузории маҳфил аз зиндагӣ ва эҷодиёти ӯ ёдоварӣ намоянд. Азизмамад Гулмамадов, як тан аз мухлисони ин ҳунарманд гуфт: «Дар маҳфили мо бештар аз 20 овозхони маъруфи ҷумҳурӣ  таронаҳои Аҳмад Зоҳирро бозхонӣ мекунанд. Ман шахсан  наздики 40 сол сурудҳояшро гӯш мекунам ва наметавонам аз онон дил канам. Дар таърихи ҳунари муосири Шарқ то ҳанӯз мислаш ҳунарманди дигаре пайдо нашудааст, ки сурудҳояш чунин умри тӯлонӣ дошта бошанд. Рӯзи 14-уми июн ҳам рӯзи мавлуду ҳам  марги ин  хунёгари мумтоз аст ва аз ин рӯ, мо тасмим гирифтем, ки се соати шоми имрӯзро бо ҳузури садҳо тан аз ҳаводоронаш  ба Аҳмад Зоҳир бахшем».
Дар маҳфил сарояндагон аз шаҳру навоҳии кишвар ширкат меварзанд ва онҳо на танҳо таронаҳояшро бозхонӣ,  балки доир ба ҳаёту эҷодиёти Аҳмад Зоҳир аз китобу ёдномаҳо ва гуфторҳои дӯстон қиссаҳо мекунанд.
Аҳмад Зоҳир аз нахустин сарояндагони форсигӯи дунё аст, ки мусиқии  Шарқу Ғарбро бо ҳам  «оштӣ» дод ва марзро дар миёни ин ду тамаддуни бузурги дунё аз байн бурд.

Июнь 14, 2016 17:03

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд