Раиси Кумитаи андоз: «Зиёда аз 14 ҳазор соҳибкорон фаъолияти худро қатъ карданд»

Июль 23, 2016 10:56

Душанбе, 23.07. 2016. /АМИТ «Ховар»/. 14 ҳазору 807 нафар шахсони ҳуқуқӣ ва соҳибкорони инфиродӣ дар нимсолаи аввали соли ҷорӣ фаъолияти худро қатъ карданд. Ин нуқтаро зимни нишасти матбуотӣ Нусратулло Давлатзода, раиси Кумитаи андози назди Ҳукумати ҶТ зикр карда, таъкид намуд, ки  дар ин давра аз ҷониби кормандони мақомоти андоз нисбат ба фаъолияти 922 нафар шахсони ҳуқуқӣ ва соҳибкорони инфиродӣ зиёда аз 200 санҷиш тибқи дархости мақомоти ҳифзи ҳуқуқ санҷиши риояи қонунгузории андоз гузаронида шуд.
Дар натиҷаи санҷиш ба маблағи 619 миллион сомонӣ кам ҳисоб кардан ва пинҳонкунии андозҳо ошкор гардида, аз он 241 миллион сомониаш ба буҷет ворид карда шуд.
Ба иттилои раиси Кумитаи андоз, ҳамчунин  дар натиҷаи гузаронидани санҷишҳои амалиётӣ ба фаъолияти соҳибкории ғайриқонунӣ  машғул гардидани шахсони воқеӣ ошкор гардида, онҳо расман ба қайд гирифта шуда, бо патент ва шаҳодатномаи соҳибкорӣ таъмин гардиданд.
Дар айни ҳол, дар ҷумҳурӣ 284 ҳазору 403 субъекти хоҷагидорӣ фаъолият доранд. Н. Давлатзода  изҳори нигаронӣ намуд, ки имрӯз  25% соҳибкорони инфиродӣ ба мақомоти андози маҳалли фаъолияти худ саривақт ё умуман андозро  аз рӯи талаботи ҳисобу эъломияҳо пардохт наменамоянд.

Июль 23, 2016 10:56

Хабарҳои дигари ин бахш

Ғолибони Озмуни ҷумҳуриявии «Геологҳои ҷавон» муайян гардиданд
«МегаФон Life»: ҳама имкониятҳои қулай дар зери даст!
Имрӯз ҳаво дар шаҳри Душанбе то 40 дараҷа гарм мешавад
Дар истироҳатгоҳи «Чангоб»- и шаҳри Ҳисор барномаҳои гуногуни шавқовар доир карда мешаванд
Намояндагони ВАО бо фаъолияти истгоҳҳои базавии алоқаи барқии ширкатҳои мобилии вилояти Суғд шинос гардиданд
Имрӯз дар водиҳои Тоҷикистон ҳаво то 39 дараҷа гарм мешавад
Дар Суғд беш аз 75 ҳазор нафар кӯдакону наврасон ба истироҳат фаро гирифта мешаванд
Дар истироҳатгоҳи «Ширкент» зиёда аз 1300 нафар кӯдакону наврасон истироҳат менамоянд
Қарзи давлатии ҷаҳонӣ ба 102 триллион доллар расид
Дар ноҳияи Рӯдакӣ 933 ҳолати қоидавайронкунии истифодаи неруи барқ ошкор карда шуд
Дар Маркази солимгардонии Суғд беш аз 200 нафар кӯдакону наврасон ба истироҳат ҷалб гардидаанд
Сокинони Анқараро даъват карданд, ки обро сарфакорона истифода намоянд