Дар асоси Қонуни конститутсионии Ҷумҳурии Тоҷикистон «Дар бораи Асосгузори сулҳу ваҳдати миллӣ- Пешвои миллат» Фонд, Орден ва Ҷоизаи Пешвои миллат таъсис дода мешавад
Душанбе, 26.10.2016/АМИТ «Ховар»/. Ба Президенти Ҷумҳурии Тоҷикистон Эмомалӣ Раҳмон дар асоси лоиҳаи Қонуни конститутсионии Ҷумҳурии Тоҷикистон «Дар бораи Асосгузори сулҳу ваҳдати миллӣ-Пешвои миллат», ки имрӯз аз ҷониби вакилони Маҷлиси намояндагон баррасӣ ва қабул шуд, мақоми Асосгузори Тоҷикистони мустақил дода мешавад.
Эмомалӣ Насриддинзода, вакили Маҷлиси намояндагони Маҷлиси Олии ҷумҳурӣ зимни тавзеҳи лоиҳаи қонуни конститутсионӣ дар назди вакилони Парлумон гуфт, ки дар асоси лоиҳаи Қонуни конститутсионии Ҷумҳурии Тоҷикистон «Дар бораи Асосгузори сулҳу ваҳдати миллӣ-Пешвои миллат» ба Президенти кишвар Эмомалӣ Раҳмон як қатор имтиёзҳо пешбинӣ гардидааст. Аз ҷумла, минбаъд дар толори ҷаласаҳо барои Президенти Ҷумҳурии Тоҷикистон Эмомалӣ Раҳмон ҷои махсуси ифтихорӣ ҷудо карда шуда, бо таҷҳизот таъмин мегардад. Инчунин Фонди Асосгузори сулҳу ваҳдати миллӣ-Пешвои миллат ташкил ва ба роҳ монда шуда, Орден ва Ҷоизаи давлатии Пешвои миллат таъсис дода мешавад.
Таҳия ва қабули лоиҳаи Қонуни конститутсионии Ҷумҳурии Тоҷикистон «Дар бораи Асосгузори сулҳу ваҳдати миллӣ- Пешвои миллат» ба ташаккули фарҳанги ҳуқуқии ҷомеа, боло бурдани рӯҳияи патриотизм, садоқат ба мардум ва давлатмеҳварӣ нақши муассир мегузорад. Лоиҳаи Қонуни конститутсионии Ҷумҳурии Тоҷикистон «Дар бораи Асосгузори сулҳу ваҳдати миллӣ-Пешвои миллат» аз пешгуфтор ва 19 модда иборат буда, аз ҷониби чор нафар вакили Маҷлиси намояндагони Маҷлиси Олии Ҷумҳурии Тоҷикистон таҳия гардидааст.
Бо қабули Қонуни конститутсионии Ҷумҳурии Тоҷикистон «Дар бораи Асосгузори сулҳу ваҳдати миллӣ-Пешвои миллат» Қонуни Ҷумҳурии Тоҷикистон «Дар бораи Асосгузори сулҳу ваҳдати миллӣ-Пешвои миллат», ки моҳи декабри соли 2015 аз ҷониби вакилони Парлумони Тоҷикистон қабул гардида буд, аз эътибор соқит дониста мешавад.
Дар Маҷлиси намояндагон вобаста ба ҳифзи иҷтимоии маъюбон ҳамоиш доир гардид
Дар кумитаи Маҷлиси миллӣ оид ба иқтисодиёт ва коммуникатсия ду қонуни мукаммал баррасӣ гардид
Дар иҷлосияи Маҷлиси намояндагон ба се қонун тағйиру иловаҳо ворид карда шуд
Ҳифзи пиряхҳо омили муҳими суботи иқтисодӣ-иҷтимоӣ маҳсуб мешавад
Дар ҷаласаи кумитаи Маҷлиси миллӣ оид ба таъмини асосҳои конститутсионӣ 18 масъала баррасӣ карда шуд
Иҷлосияи якуми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Густариши робитаҳои байнипарлумонии Тоҷикистон ва Покистон баррасӣ шуд
Ҷаласаи Кумитаи Маҷлиси миллӣ оид ба ҳамоҳангсозии фаъолияти Маҷлиси миллӣ бо Маҷлиси намояндагон, ҳокимияти иҷроия, иттиҳодияҳои ҷамъиятӣ, ВАО ва робитаҳои байнипарламентӣ доир шуд
Ҷаласаи Кумитаи Маҷлиси миллӣ оид ба масъалаҳои иҷтимоӣ, ҳифзи сиҳатӣ, илм, маориф, фарҳанг ва сиёсати ҷавонону занон баргузор гардид
Фаъолҷавонони шаҳри Душанбе бо фаъолияти Парлумони Тоҷикистон шинос шуданд
Иҷлосияи дуюми Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор мегардад
Байни Тоҷикистон ва Бонки аврупоии таҷдид ва рушд созишномаҳо ба тавсиб расиданд
