Иштироки зиёда аз 2000 нафар дар ҳафтаи муаррифии асарҳои тозанашри Пешвои миллат

Февраль 10, 2017 14:32

ДУШАНБЕ, 10.02.2017 /АМИТ «Ховар»/. Ҳафтаи равон дар Қасри фарҳанги шаҳри Бӯстон муаррифии асарҳои тозанашри Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон «Чеҳраҳои мондагор» ва «Забони миллат — ҳастии миллат» байни кормандони коргоҳу муассисаҳо ва маҳаллаҳои шаҳр баргузор гардид.
Дар ин бора аз Хадамоти матбуоти раиси вилояти Суғд хабар доданд. Мамнур Нурзода, мудири шуъбаи рушди иҷтимоӣ ва робита бо ҷомеаи дастгоҳи Раиси шаҳри Бӯстон гуфт: «То ин дам дар муаррифии асарҳои мазкур зиёда аз 2000 нафар сокинони касбу кори гуногун, аҳолии маҳал ва ҷавонони фаъол ширкат варзиданд».
«Ҳадаф аз муаррифии асарҳои мазкур дар Соли ҷавонон он аст, ки бояд ҷавонон аз кору пайкор ва ҳидоятҳои 25 чеҳраи таърихӣ ва мондагор ибрат гирифта, барои ба муваффақиятҳои назаррас ноил гардидан дар ин сол, ҳамзамон гиромидошти забони нобу шевои тоҷикӣ ҷаҳду талош намоянд»,- зикр кард М. Нурзода.
Ёдовар мешавем, ки аз 6 то 11 феврали соли равон муаррифии асарҳои «Чеҳраҳои мондагор» ва «Забони миллат-ҳастии миллат» дар шаҳри Бӯстон ҷараён гирифта, аз 13 то 17 феврал он дар ҷамоати шаҳраки Палос идома меёбад.

Февраль 10, 2017 14:32

Хабарҳои дигари ин бахш

Тамоми комёбиҳои миллат ва саодати рӯзгори мардум аз иттиҳоди миллӣ ибтидо мегирад
«ЭМОМАЛӢ РАҲМОН – МЕЪМОРИ СУЛҲУ ВАҲДАТ». Дар Вазорати фарҳанг ҳамоиши илмӣ доир гардид
Таҳти унвони «Қисса ва ҳикояҳо» китоби Абдурофеъ Рабизода нашр гардид
«ДАР МЕҲМОНИИ ДУШАНБЕ». Фестивали байналмилалии эҷодиёти бадеии кӯдакон ва наврасони ИДМ оғоз гардид
Дар Агентии ҳифзи мероси таърихию фарҳангӣ таҳти унвони «Ваҳдати миллат — бақои миллат!» ҳамоиш баргузор шуд
Дар ёдгории Ҳалқаҷари ноҳияи Хуросон бозёфти нодири таърихӣ — «обкӯзаи хонуми Сагкин» кашф гардид
«Душанбе — нусхае аз биҳишт». Таҳти ин унвон дар васфи пойтахти Тоҷикистон китоб ба нашр расид
Донишҷӯдухтарони Донишгоҳи давлатии Кӯлоб ба меҳмонони хориҷӣ либосҳои миллиро намоиш доданд
Дар Институти биологии Помир озмоишгоҳи биотехнологӣ ба истифода дода шуд
Байни нашрияи «Народная газета» ва Медиакорпоратсияи Чин Ёддошти ҳамкорӣ ба имзо расид
Дар Санкт-Петербург Ассамблеяи XIX генералии Созмони агентиҳои иттилоотии кишварҳои Осиё ва Уқёнуси Ором баргузор шуд
Дар Китобхонаи миллӣ китобномаи шарҳиҳолии Шоири халқии Тоҷикистон Ашӯр Сафар рӯнамоӣ гардид