5 июл Фестивали ҷумҳуриявии ансамблҳои оилавӣ ҷамъбаст мегардад
ДУШАНБЕ, 04.07.2017 /АМИТ «Ховар»/. 5 июли соли 2017 соати 17:00 дар Филармонияи давлатии Тоҷикистон ба номи Акашариф Ҷӯраев Фестивали ҷумҳуриявии ансамблҳои оилавӣ таҳти унвони «Дунёи саодат» ҷамъбаст мегардад.
Тавре ба АМИТ «Ховар» аз Вазорати фарҳанги Ҷумҳурии Тоҷикистон хабар доданд, дар барнома ансамблҳои оилавие, ки дар даври аввал ғолибият ба даст оварда буданд, ҳунари худро манзури тамошобинон мегардонанд.
Даври аввали Фестивали ҷумҳуриявии ансамблҳои оилавӣ таҳти унвони «Дунёи саодат» моҳи майи соли 2017 оғоз гардид. Фестивал бо ибтикори Вазорати фарҳанги Ҷумҳурии Тоҷикистон бо мақсади рушди фаъолияти ансамблҳои оилавӣ, дарёфти чеҳраҳои нав, ҷалби ҳарчи бештари мардуми кишвар ба фарҳангу санъат ва ба ин васила баланд бардоштани нақши оила дар тарбияи ҳисси зебоипарастии ҷавонону наврасон гузаронида мешавад.
Ба иттилои манбаъ, дар даври аввал 51 ансамбли оилавӣ аз ноҳияҳои тобеи марказ, вилояти Суғд, Хатлон ва ВМБК иштирок намуда, дар натиҷа 10 ансамбли оилавӣ ба даври ҷамъбастӣ роҳ ёфтанд.
Аз 16 ансамбли оилавии навоҳии тобеи марказ ансамблҳои оилавии ноҳияҳои Лахш, Файзобод, Нуробод, Ҳисор ва шаҳри Турсунзода ғолибият ба даст оварданд. Аз 9 ансамбли Вилояти Мухтори Кӯҳистони Бадахшон ансамблҳои оилавӣ аз ноҳияҳои Ишкошим ва Мурғоб, аз 10 ансамбли вилояти Хатлон ансамблҳои шаҳри Кӯлоб ва ноҳияи Қубодиён, аз 16 ансамбли оилавии вилояти Суғд ансамбли оилавии ноҳияи Мастчоҳ ба даври ҷамъбастӣ роҳ ёфтанд.
Ғолибон ва фаъолони ҷашнвора бо туҳваву ифтихорнома ва нишони сарисинагии «Аълочии фарҳанги Тоҷикистон» қадрдонӣ мешаванд.
ZET-MOBILE иқдоми нав оғоз намуд: тарофаҳои «SUPER Қувва» бо тахфифи 50%
Имрӯз дар баъзе ноҳияҳои Тоҷикистон туман мефарояд
Имрӯз дар ноҳияҳои кӯҳии Тоҷикистон ҳаво то 12 дараҷа гарм мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
«Ибни Сино ва Абубакри Розӣ — нобиғаҳои тамаддуни башарӣ». Дар Душанбе таҳти ин унвон ҳамоиш доир гардид
Дар Душанбе Ҷаласаи Комиссияи байнидавлатӣ оид ба рушди устувори кишварҳои Осиёи Марказӣ баргузор гардид
Дар Донишгоҳи давлатии Кӯлоб бахшида ба Рӯзи Конститутсияи Тоҷикистон конференсияи илмӣ-назариявӣ баргузор шуд
Дар Суди конститутсионии Тоҷикистон бахшида ба Рӯзи Конститутсия маҷлиси тантанавӣ доир гардид
Дар Агентии ҳифзи меъроси таърихию фарҳангӣ 31-солагии Конститутсияи Тоҷикистонро таҷлил намуданд
Дар шаҳри Душанбе чорабинии фарҳангӣ ба ифтихори Рӯзи Конститутсияи Ҷумҳурии Тоҷикистон баргузор гардид
КОНСТИТУТСИЯ — ИНЪИКОСКУНАНДАИ СУННАТҲОИ ПУРҒАНОВАТИ ХАЛҚИ ТОҶИК. Андешаҳои ҳуқуқшинос Исмоил Абдуалимзода оид ба ҷанбаҳои таърихии ин санад
