Дар Тоҷикистон Рӯзҳои фарҳанги Россия доир мегарданд
ДУШАНБЕ, 13.09.2017 /АМИТ «Ховар»/. Аз 23 то 27 сентябри соли равон бо мақсади мустаҳкам гардидани робитаҳои фарҳангӣ миёни ду кишвар — Тоҷикистон ва Россия Рӯзҳои фарҳанги Федератсияи Россия дар Тоҷикистон баргузор мегарданд.
Тавре аз маркази матбуоти Вазорати фарҳанги Ҷумҳурии Тоҷикистон ба хабарнигори АМИТ «Ховар» иттилоъ доданд, ҳайати расмӣ ва эҷодии Россия ба Тоҷикистон 23 сентябр меояд. Ба ҳайати эҷодӣ Ансамбли давлатии академии рақсии «Алан» ва гурӯҳи созии «Трио»-и Консерваторияи Москва шомиланд.
Ифтитоҳи ботантанаи Рӯзҳои фарҳанги Федератсияи Россия дар Ҷумҳурии Тоҷикистон 24 сентябри соли ҷорӣ, соати 18:00 дар Театри давлатии академии опера ва балети ба номи С. Айнӣ дар назар дошта шудааст.
Барномаи консертӣ дар Донишкадаи давлатии фарҳанг ва санъати Тоҷикистон ба номи М. Турсунзода, намоишгоҳи «Русский север» дар Театри давлатии академии опера ва балети ба номи С. Айнӣ, дарси сайқали маҳорат дар Консерваторияи миллии Тоҷикистон ба номи Талаб Сатторов, вохӯрии эҷодӣ дар Донишгоҳи славянии Россияву Тоҷикистон аз ҷумлаи чорабиниҳоеянд, ки дар доираи Рӯзҳо ба нақша гирифта шудаанд.
Ба иттилои манбаъ, ҳайати меҳмонони Федератсияи Россия дар доираи баргузории Рӯзҳо ба шаҳри Норак сафар намуда, ба сокинони он барномаи консертӣ пешниҳод менамоянд.
Қобили зикр аст, ки Ансамбли давлатии академии рақсии «Алан»-и Осетияи шимолӣ (Алания) дар зиёда аз 60 кишвари ҷаҳон санъати хореографии Осетияро муаррифӣ кардааст. Ансамбл дорандаи медали «Дӯстии халқҳо» ва медали тиллои Фестивали байналмилалии панҷ қитъа дар Франсия мебошад.
Гурӯҳи овозадори созии «Трио»-и Консерваторияи Москва аз се нафар навозандагон ва санъатшиносони моҳир — Ирина Красотина, Евгений Румянсев ва Николай Агеев иборат аст. Гурӯҳи мазкур низ дар бисёр кишварҳои ҷаҳон қалби ҳазорон нафар мухлисони санъатро бо навозиши нотакрори мусиқиҳои ҷаззоб мутаассир кардааст.
«ҶАВОНОН — ЗИДДИ ТЕРРОРИЗМ». Таҳти ин унвон дар Осорхонаи миллӣ намоиши асарҳои рассомони ҷавон оғоз шуд
ПАЁМЕ, КИ НАВИДИ ПИРӮЗИҲОСТ. Иҷрои дастурҳои он роҳнамои миллати тоҷик барои фатҳи қуллаҳои нави армонҳои миллӣ аст
Донишҷӯёни Донишкадаи давлатии санъати тасвирӣ ва дизайни Тоҷикистон дар озмуни «Тоҷикистон-Ватани азизи ман» соҳиби се Шоҳҷоиза шуданд
Чойхонаи тоҷикии «Шоми Ваҳдат» фарҳанги миллати тоҷикро дар шаҳри Краснодар муаррифӣ менамояд
Дар Донишкадаи давлатии фарҳанг ва санъати Тоҷикистон Маркази машваратӣ-равоншиносӣ таъсис дода шуд
НИШАСТИ МАТБУОТӢ. Дар Консерваторияи миллии Тоҷикистон даврҳои кӯтоҳмуддати омӯзишӣ таъсис дода шудаанд
Лоиҳаи «Барномаи давлатии рушди адабиёти бачагона дар Ҷумҳурии Тоҷикистон барои солҳои 2026-2030» таҳия мегардад
3 феврал дар якчанд вазорату идораҳо нишастҳои матбуотӣ баргузор мегарданд
Дар Муассисаи давлатии «Тоҷикфилм» барои дастгирии лоиҳаҳои филмсозони ҷавон ягон монеа вуҷуд надорад
1050-СОЛАГИИ РОБИАИ БАЛХӢ. Мавзуи асосии сурудаҳои ӯ ишқу муҳаббати инсонӣ, тасвири табиат ва зебоиҳои он мебошанд
Ёдгориҳои Хутали Қадим таъриху фарҳанги бостонии миллати тоҷикро дар арсаи ҷаҳонӣ муаррифӣ менамояд
«ҲАФТРАНГ БА ХОТИРАИ УСТОД». Дар Донишкадаи давлатии санъати тасвирӣ ва дизайни Тоҷикистон намоишгоҳ оғоз гардид
