«Тасвири об дар асарҳои рассомони Тоҷикистон» — намоиш дар Осорхонаи таърихии вилояти Суғд
ДУШАНБЕ, 13.09.2017 /АМИТ «Ховар»/. 15 сентябри соли равон дар Осорхонаи таърихии вилояти Суғд бахшида ба Даҳсолаи нави байналмилалии амал «Об барои рушди устувор», солҳои 2018-2028 намоиш таҳти унвони «Тасвири об дар асарҳои рассомони Тоҷикистон» ифтитоҳ меёбад.
Тавре ба АМИТ «Ховар» аз Осорхонаи миллии Тоҷикистон хабар доданд, дар намоиш аз хазинаи Осорхонаи миллии Тоҷикистон 25 адад асар аз эҷодиёти рассомони машҳури Ҷумҳурии Тоҷикистон ба намоиш гузошта мешаванд.
Ба иттилои манбаъ, дар офаридаҳои мусаввирони Тоҷикистон, ки солҳои гуногун эҷод шудаанд, манзараҳои зебои табиати диёр, кӯлу дарёҳо ва чашмасорони кишвар наққошӣ шуда, сарзамини моро ҳамчун диёри сарчашмаи оби мусаффо муаррифӣ менамоянд.
«Намоиши «Тасвири об дар асарҳои рассомони Тоҷикистон» дар Осорхонаи таърихии вилояти Суғд то 30 сентябри соли ҷорӣ идома ёфта, ҳамзамон дар намоиш филми «Тоҷикистон-кишвари обҳои равонбахш» пешниҳоди тамошобинон мегардад»,-зикр намуд манбаъ.
Бояд ёдовар шуд, ки 22 декабри соли 2016 Маҷмаи умумии Созмони Миллали Муттаҳид пешниҳоди Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро дар бораи эъломи Даҳсолаи нави байналмилалии амал «Об барои рушди устувор», барои солҳои 2018-2028 бо ҷонибдории 177 давлати аъзои СММ қабул намуд.
Дар шаҳри Душанбе бо мақсади муаррифии дастовардҳои Тоҷикистон дар самти эҳёи ёдгориҳои таърихӣ ҳамоиш доир шуд
Дар Тоҷикистон наворбардории филми мустанади «Хутали қадим» оғоз гардид
«ЯК МАТОВУ САД РАНГ». Дар даври вилоятии ин фестивал-озмун шаҳри Хоруғ соҳиби ҷойи якум гардид
Китобҳои «Эмомалӣ Раҳмон — Ҷамшеди рӯзгори мо» ва «Наврӯз аз Рӯдакӣ то имрӯз» муаррифӣ гардиданд
««Намунаи адабиёти тоҷик»-падидаи таърихӣ-фарҳангӣ дар тамаддуни мардумони Осиёи Марказӣ» дар нашриёти «Дониш» чоп шуд
Дар Данғара даври ноҳиявии Озмуни ҷумҳуриявии «Як матову сад ранг» баргузор гардид
Дар шаҳру ноҳияи вилояти Хатлон намоиш-фурӯши китоб доир гардид
«МАРДИ АРСАИ ҲУНАР». Таҳти чунин унвон оид ба фаъолияти Сафармуҳаммад Айюбӣ китоб ба нашр расид
Дар Китобхонаи миллии Тоҷикистон беш аз 2 ҳазор дастнависи нодир нигоҳдорӣ мешавад
Даври якуми Озмуни ҷумҳуриявии «Тоҷикистон-Ватани азизи ман» оғоз гардид
«ТОҶИКОНА МЕПӮШЕМ!». Занону духтарони Осорхонаи миллӣ аз пӯшидани либоси миллӣ ифтихор менамоянд
Ҷашни Наврӯз дар ноҳияи Мурғоб бо расму ойинҳои хос таҷлил карда шуд
