Дар Самарқанду Бухоро фурўши китобҳои адибони тоҷик ба роҳ монда мешавад
ДУШАНБЕ, 27.10.2017. /АМИТ «Ховар»/. 26 октябри соли равон дар доираи Намоишгоҳи ҳафтуми байналмилалии «Китоби Душанбе» дар Китобхонаи миллии Тоҷикистон вохўрии Вазири фарҳанги Ҷумҳурии Тоҷикистон Шамсиддин Орумбекзода бо иштирокчиён — меҳмонони хориҷии намоишгоҳ баргузор гардид.
Тавре аз маркази матбуоти Вазорати фарҳанги Ҷумҳурии Тоҷикистон ба хабарнигори АМИТ «Ховар» иттилоъ доданд, дар вохўрӣ Сафири фавқулода ва мухтори Ҷумҳурии Беларус дар Тоҷикистон Олег Иванов, намояндагони ширкатҳои табъу нашр аз Афғонистон, Белорус, Қазоқистон, Ўзбекистон, инчунин коршиносони соҳа аз Тоҷикистон иштирок намуданд.
Вазири фарҳанг аз иштироки меҳмонон дар намоишгоҳи мазкур, ки барои кишвари мо падидаи бузург аст, изҳори сипос намуда, оид ба муносибатҳои фарҳангӣ ва адабии Тоҷикистон бо ҳар яке аз ин кишварҳо ҳарф зад.
«Чанде пеш дар доираи Рўзҳои фарҳанги Ҷумҳурии Тоҷикистон дар Ҷумҳурии Ўзбекистон намоиши китобҳои Тоҷикистон баргузор гардида буд ва Тоҷикистон кўшиш менамояд, то дар намоишгоҳҳои китоб дар дигар кишварҳо низ маҳсулоти чопии худро муаррифӣ намояд»,- изҳор дошт Шамсиддин Орумбекзода.
Олег Иванов пешниҳод намуд, ки нашри маҷаллаҳои адабии Беларус дар Тоҷикистон бо забони тоҷикӣ ва нашри маҷаллаи адабии «Помир» дар Беларус сабаби боз ҳам таҳким бахшидани муносибатҳои ду кишвар дар ин соҳа хоҳад шуд.
Муовини аввали директори Агентии табъу нашр ва иттилооти Ҷумҳурии Ӯзбекистон Мизроб Мавлонов пешниҳод кард, ки дар Тоҷикистон фурўши китобҳои ӯзбекӣ ва дар Ӯзбекистон, аз ҷумла, дар шаҳрҳои Самарқанд ва Бухоро фурӯши китобҳои адибони тоҷик ба роҳ монда шавад.
Мавриди зикр аст, ки 26 октябри соли равон меҳмонони хориҷии намоишгоҳ аз Китобхонаи миллии Тоҷикистон, чопхонаи муосири «Ганҷ», майдонҳои Парчами давлатӣ ва Нишони давлатӣ дидан намуданд.
Дар Хуҷанд масъалаи эҳё ва рушди ҳунарҳои бадеии халқӣ баррасӣ гардид
«ДИРӮЗ, ИМРӮЗ ВА ФАРДОИ ФАРҲАНГИ ТОҶИК». Таҳти чунин унвон дар Душанбе конференсияи ҷумҳуриявӣ доир гардид
Дар Тоҷикистон Озмуни ҷумҳуриявии «Роҳнамои беҳтарин» баргузор мешавад
Дар Давҳа намоиши ҳунарҳои мардумӣ ва барномаи консертии Рӯзҳои фарҳанги Ҷумҳурии Тоҷикистон доир гардид
Дар Давлати Қатар Рӯзҳои фарҳанги Ҷумҳурии Тоҷикистон идома доранд
Таҳти унвони «Робиаи Балхӣ — нахустбонуи соҳибдевони адабиёти тоҷику форс» конференсияи байналмилалӣ баргузор мешавад
Фаъолияти инноватсионӣ-методии китобхонаҳоро қонунгузории Ҷумҳурии Тоҷикистон чӣ гуна муқаррар намудааст?
«ҶАВОНОН — ЗИДДИ ТЕРРОРИЗМ». Таҳти ин унвон дар Осорхонаи миллӣ намоиши асарҳои рассомони ҷавон оғоз шуд
ПАЁМЕ, КИ НАВИДИ ПИРӮЗИҲОСТ. Иҷрои дастурҳои он роҳнамои миллати тоҷик барои фатҳи қуллаҳои нави армонҳои миллӣ аст
Донишҷӯёни Донишкадаи давлатии санъати тасвирӣ ва дизайни Тоҷикистон дар озмуни «Тоҷикистон-Ватани азизи ман» соҳиби се Шоҳҷоиза шуданд
Чойхонаи тоҷикии «Шоми Ваҳдат» фарҳанги миллати тоҷикро дар шаҳри Краснодар муаррифӣ менамояд
Дар Донишкадаи давлатии фарҳанг ва санъати Тоҷикистон Маркази машваратӣ-равоншиносӣ таъсис дода шуд
