Таъмини бозори истеъмолӣ бо маҳсулоти худӣ: ҳосили гармхонаҳои ноҳияи Бобоҷон Ғафуров ба бозор бароварда шуд
ДУШАНБЕ, 12.12.2017 /АМИТ «Ховар»/. Дар ҳудуди ноҳияи Бобоҷон Ғафуров 130 адад гармхонаҳо мансуб ба хоҷагиҳои деҳқонӣ ва соҳибкорони инфродӣ мебошанд, ки дар онҳо помидору бодиринг, занҷабили булғорӣ ва дигар маҳсулот барои таъмини бозори истеъмолӣ дар давраи зимистон парвариш карда мешаванд.
Хоҷагиҳои кишоварзӣ ва аҳолии деҳоти ноҳияи Бобоҷон Ғафуров соли равон ҳаҷми истеҳсоли анвои гуногуни маводи ғизоии кишоварзиро афзун намуданд. То расидани фасли сармо ҳосили кишти такрорӣ ҷамъоварӣ карда шуда, дар 130 адад гармхонаҳои мавҷуда парвариши помидору бодиринг ва дигар маҳсулот ба роҳ монда шуд, ки ин дар баробари афзоиши даромаднокии хоҷагиҳои деҳқонию аҳолӣ, заминаи фаровонию дастрасии маводи ғизоӣ дар бозори истеъмолӣ мебошад.
Дар қисми гармхонаҳои хоҷагиҳои деҳқонии ноҳияи Бобоҷон Ғафуров ҳосили сабзавот-помидору бодиринг ва булғорӣ нисбат ба солҳои қаблӣ барвақт пухта расида, як ҳафта аст, ки ба бозорҳои шаҳру ноҳияҳои вилояти Суғд пешниҳод мегардад. Ҳосили гармхонаҳо давра ба давра аз моҳи декабр сар карда, то охири фасли зимистону тайёр шудани маҳсулот дар заминҳо пешниҳоди аҳолӣ карда мешавад.
Дар оғози фасли зимистон расондани ҳосили гармхонаҳо натиҷаи тадбирҳои хуби агротехникӣ- кишту кучати барвақтии сабзавот дар гармхонаҳо, истифодаи тухмиҳои санҷидашудаи серҳосил ва ҷорӣ намудани технологияҳои пешрафтаи парвариши сабзавот дар гармхонаҳо мебошад.
Кирмакпарварони ноҳияи Панҷ беш аз 78 фоизи нақшаи пилласупориро иҷро намуданд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Даври якуми озмуни ҷумҳуриявӣ дар муассисаҳои таҳсилоти миёна ва олии касбӣ оғоз гардид
Имрӯз дар шаҳри Душанбе ҳаво то 35 дараҷа гарм мешавад
«ФАРЗАНД — ИДОМАДИҲАНДАИ ОИЛА». Дар ноҳияи Данғара таҳти ин унвон иқдоми маърифатӣ гузаронида шуд
Ғолибони озмуни «Донандаи беҳтарин асарҳои Пешвои миллат» дар Донишгоҳи давлатии Хоруғ муайян гардиданд
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
САВГАНДИ САДОҚАТ БА ХАЛҚУ ВАТАН! Дар шаҳри Бӯстон маросими савгандёдкунии наваскарон баргузор гардид
КИРМАКПАРВАРӢ. Имсол ба ҷамоатҳои шаҳри Истаравшан 200 қуттӣ кирмак тақсим карда шуд
Барои муштариёни Суғду Хатлон – тарофаҳои дорои интернети бештар
Дар ноҳияи Рӯдакӣ таҳти унвони «Оила-рамзи муҳаббат, вафо ва ҳамдигарфаҳмӣ» ҳамоиш доир гардид
Ноҳияи Дӯстии вилояти Хатлон нақшаи истеҳсоли пилларо пурра иҷро намуд
ИМРӮЗ — РӮЗИ БАЙНАЛМИЛАЛИИ ОИЛА. Барномаи давлатии рушди оила дар Тоҷикистон ба таҳкими пояҳои оиладорӣ нигаронида шудааст
