Пешниҳоди фарҳангӣ: дар кишварҳои Осиёи Марказӣ фестивали ягонаи жанрҳои гуногуни мусиқӣ ташкил карда шавад
ДУШАНБЕ, 21.02.2018. /АМИТ «Ховар»/. Намояндагони Тоҷикистон пешниҳод намуданд, ки дар кишварҳои Осиёи Марказӣ, яъне Тоҷикистон, Ӯзбекистон, Қазоқистон ва Қирғизистон фестивали ягонаи жанрҳои гуногуни мусиқӣ ташкил карда шавад. Ин таклиф зимни мулоқоти директори генералии Муассисаи давлатии сафарию ҳунарии «Базморо» Олим Акрамов ва директори генералии Муассисаи давлатии «Ӯзбекконсерт» Одил Абдуқаҳҳоров, ки дар Вазорати фарҳанги Ҷумҳурии Тоҷикистон баргузор гардид, аз ҷониби намояндагони Тоҷикистон пешниҳод шуд.
Ҷонибҳо қарор доданд, ки лоиҳаи муштараки фестивал омода ва ба кишварҳои боқимонда барои баррасӣ ва мувофиқа пешниҳод шавад.
Тавре аз маркази матбуоти Вазорати фарҳанги Ҷумҳурии Тоҷикистон ба хабарнигори АМИТ «Ховар» хабар доданд, дар мулоқот инчунин Корманди шоистаи фарҳанги Ҷумҳурии Ӯзбекистон, коргардони Театри калони давлатии академии Ӯзбекистон Ҳайдаралӣ Қосимов ва сармутахассиси раёсати санъати Вазорати фарҳанги Ҷумҳурии Тоҷикистон Толиб Норов иштирок намуданд.
Ҷонибҳо оид ба ҳамкории минбаъдаи ду давлат дар соҳаи санъат, аз ҷумла, ташкили сафарҳои ҳунарии ҳунарпешагон ба ҳар ду мамлакат ва баргузории консертҳои муштарак суҳбат намуданд.
Зикр гардид, ки дар ин росто бояд шартномаи дутарафа таҳия гардида, тӯли чанд рӯзи минбаъда, ки меҳмонони ӯзбек дар Тоҷикистон ҳузур доранд, ба имзо расонида шавад.
Кормандони мақомоти милитсияи шаҳри Душанбе ба тамошои Осорхонаи миллии Тоҷикистон рафтанд
Бахшида ба Рӯзи байналмилалии ҳифзи ёдгориҳои таърихию фарҳангӣ конференсияи илмӣ-назариявӣ доир мешавад
Дар Москва ба муносибати 25-солагии таъсиси Ташкилоти заминавии кор бо забонҳо ва фарҳангҳои кишварҳои ИДМ чорабинӣ баргузор гардид
Дар шаҳри Гулистон Фестивали ҷумҳуриявии «Ҳафтаи китоби кӯдакону наврасони Тоҷикистон» оғоз ёфт
Дар вилояти Хатлон Фестивали ҷумҳуриявии «Ҳафтаи китоби кӯдакону наврасон» оғоз гардид
Имрӯз дар Тоҷикистон Рӯзи байналмилалии китоб таҷлил мегардад
Дар Душанбе Фестивали ҷумҳуриявии «Ҳафтаи китоби кӯдакону наврасони Тоҷикистон» оғоз мегардад
Масъалаи баргузории Рӯзҳои фарҳанги Ҷумҳурии Тоҷикистон дар Ҷумҳурии Қирғизистон баррасӣ шуд
Аъҷубасозӣ як бахши ҳунари кулолӣ ва сохтани бозичаҳо аз гилу сафол мебошад
Дар вилояти Суғд бо иштироки меҳмонон аз Узбекистон ва Қирғизистон ҳамоиши фарҳангӣ баргузор гардид
МУЖДАИ НАВРӮЗӢ. «Ёддоштҳо»-и устод Айнӣ барои ҳамзабонони эронӣ ба нашр расид
Бахшида ба Соли фарҳанги китобхонӣ дар вилояти Хатлон китоби «Наврӯзномаи Хатлон» ба табъ расид
