ТАҚВИМИ АМИТ «ХОВАР»: Имрӯз 25 март, якшанбе, 84-умин рӯзи соли 2018 аст

Тақвими моро дар ин гӯша

шореҳ Шукӯҳи ДАЛЕР варақ мезанад:

25 марти соли 2016 дар ноҳияи Ашти вилояти Суғд Президенти Ҷумҳурии Тоҷикистон муҳтарам Эмомалӣ Раҳмон дар Боғи ба номи Маҳмудҷон Воҳидов бинои нави Кохи фарҳангро ба истифода доданд.

***

4 сол пеш, 25 марти соли 2014 Варзишгоҳи марказии ҷумҳуриявии шаҳри Душанбе бозии панҷуми Ҷоми олии Тоҷикистон баргузор гардид, ки дар он дастаҳои «Равшан»- Кӯлоб ва «Истиқлол»- и Душанбе сабқат намуданд.

***

25 марти соли 2014 президенти ФИФА Йозеф Блаттер бо сафари дурӯзаи корӣ ба Тоҷикистон омад.

25 МАРТ ТАҶЛИЛ КАРДА МЕШАВАД:

Дар Украина — Рӯзи хадамоти бехатарӣ.

***

Дар Россия – Рӯзи кормандони фарҳанг.

 РӮЙДОДҲО:

25 марти соли 2015 дар шаҳри Қайроққум бо иштироки Сарвари давлат  Эмомалӣ Раҳмон як корхонаи коркарди маҳсулоти хӯрокворӣ  мавриди баҳрабардорӣ қарор гирифт, ки дар назди осоишгоҳи овозадори «Баҳористон» фаъолият мекунад.

***

25 марти соли 1807 Парлумони Британияи Кабир ғуломфурӯширо манъ кард.

***

123  сол муқаддам, 25 марти соли 1895 дар Москва рӯзномаи «Русское слово» таъсис дода шуд.

***

Дар ин рӯзи соли 1922 Ҳизби коммунистии Бразилия таъсис дода шуд.

***

25 марти соли 1924 Гретсия чумҳурӣ эълон карда шуд.

 ИНЧУНИН ДАР ИН РӮЗ…

 Соли 1957 дар Рим шартнома дар бораи таъсис додани Иттиҳоди Иқтисодии Аврупо ба имзо расид.