Муаррифии ёдгории табиӣ ва таърихии Тоҷикистон-«Чилдухтарон» дар намоишгоҳи расмҳо бахшида ба Соли фарҳангӣ дар ИДМ
ДУШАНБЕ, 12.04.2018 /АМИТ «Ховар»/. 10 апрели соли 2018 дар шаҳри Мински Ҷумҳурии Беларус маросими ифтитоҳи намоишгоҳи наққошиҳо ва графика таҳти унвони «Мувофиқат дар гуногунӣ» бахшида ба Соли фарҳангӣ дар Иттиҳоди Давлатҳои Мустақил баргузор гардид.
Тавре ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд, дар маросими ифтитоҳ муовини якуми раиси Кумитаи иҷроия – муовини котиби иҷроияи ИДМ Виктор Гуминский, Раиси Шӯрои ҳамкории фарҳангии кишварҳои ИДМ — Вазири фарҳанги Ҷумҳурии Беларус Юрий Бондар, Директори Осорхонаи миллии санъати Ҷумҳурии Беларус Владимир Прокоптсов ва Сафири Ҷумҳурии Тоҷикистон — Раиси Шӯрои намояндагони доимии кишварҳои ИДМ Маҳмадшариф Ҳақдод сухан гуфтанд.
Сафир Маҳмадшариф Ҳақдод зимни намоишгоҳ муҳимияти ҳамкории фарҳангӣ-гуманитарии кишварҳои ИДМ-ро таъкид карда, зикр намуд, ки дар доираи раисии Тоҷикистон дар ИДМ соли 2018 ҳамчун Соли фарҳангӣ эълон карда шудааст. Он воситаи муколамаи байнифарҳангӣ ва байналмилалӣ дар асоси ҳифзу рушди ҳамкорӣ дар соҳаи фарҳанг арзёбӣ мегардад.
Намоиши наққошиҳои «Мувофиқат дар гуногунӣ» аз маҳсули асари рассомони кишварҳои ИДМ аз хазинаи Осорхонаи таърихии Кумитаи иҷроияи ИДМ, Осорхонаи миллии санъат ва Китобхонаи президентии Ҷумҳурии Беларус манзур гардида буд.
Дар доираи маросими ифтитоҳи намоишгоҳ Сафири Фавқулода ва Мухтори Ҷумҳурии Тоҷикистон дар Ҷумҳурии Беларус Маҳмадшариф Ҳақдод аз номи Ҳукумати Ҷумҳурии Тоҷикистон мусаввараи рассоми ҷавони тоҷик А. Давлат «Чилдухтарон»-ро ҳамчун туҳфа ба ҷониби Беларус тақдим намуд.
Дар баробари ин, Сафир ба иттилои ҳозирин расонд, ки соли 2018 дар Ҷумҳурии Тоҷикистон Соли рушди сайёҳӣ ва ҳунарҳои мардумӣ эълон гардидааст. Ӯ аз фурсат истифода бурда, диққати меҳмононро ба тамошои филми сайёҳӣ дар бораи ёдгории маъруфи табиӣ ва таърихии Тоҷикистон бо номи «Чилдухтарон» ҷалб намуд.
Дар анҷом М. Ҳақдод ҳозиринро барои ба Тоҷикистон сафар кардан ва пайдо намудани имконияти дидани водии «Чилдухтарон», ки дар фасли баҳор махсусан зебо ва ҷолиб мегардад, даъват намуд.
ИҚДОМИ «ТОҶИКОНА МЕПӮШЕМ!». Ба либоси миллӣ – мероси аҷдодонамон арҷ мегузорем
Дар Хуҷанд масъалаи эҳё ва рушди ҳунарҳои бадеии халқӣ баррасӣ гардид
«ДИРӮЗ, ИМРӮЗ ВА ФАРДОИ ФАРҲАНГИ ТОҶИК». Таҳти чунин унвон дар Душанбе конференсияи ҷумҳуриявӣ доир гардид
Дар Тоҷикистон Озмуни ҷумҳуриявии «Роҳнамои беҳтарин» баргузор мешавад
Дар Давҳа намоиши ҳунарҳои мардумӣ ва барномаи консертии Рӯзҳои фарҳанги Ҷумҳурии Тоҷикистон доир гардид
Дар Давлати Қатар Рӯзҳои фарҳанги Ҷумҳурии Тоҷикистон идома доранд
Таҳти унвони «Робиаи Балхӣ — нахустбонуи соҳибдевони адабиёти тоҷику форс» конференсияи байналмилалӣ баргузор мешавад
Фаъолияти инноватсионӣ-методии китобхонаҳоро қонунгузории Ҷумҳурии Тоҷикистон чӣ гуна муқаррар намудааст?
«ҶАВОНОН — ЗИДДИ ТЕРРОРИЗМ». Таҳти ин унвон дар Осорхонаи миллӣ намоиши асарҳои рассомони ҷавон оғоз шуд
ПАЁМЕ, КИ НАВИДИ ПИРӮЗИҲОСТ. Иҷрои дастурҳои он роҳнамои миллати тоҷик барои фатҳи қуллаҳои нави армонҳои миллӣ аст
Донишҷӯёни Донишкадаи давлатии санъати тасвирӣ ва дизайни Тоҷикистон дар озмуни «Тоҷикистон-Ватани азизи ман» соҳиби се Шоҳҷоиза шуданд
Чойхонаи тоҷикии «Шоми Ваҳдат» фарҳанги миллати тоҷикро дар шаҳри Краснодар муаррифӣ менамояд
