Меҳрона Ғайбуллоева ва Ҷаннат Ҳусейнзода бо Ифтихорномаи Вазорати фарҳанги ҷумҳурӣ қадрдонӣ гардиданд
ДУШАНБЕ, 10.05.2018. /АМИТ «Ховар»/. Вазири фарҳанги Ҷумҳурии Тоҷикистон Шамсиддин Орумбекзода чанд нафар аз ҷавонони соҳибистеъдодро, ки дар тарғиби санъату фарҳанги тоҷик ба дастовардҳои назаррас ноил гардидаанд, бо Ифтихорномаи Вазорати фарҳанги Ҷумҳурии Тоҷикистон қадрдонӣ намуд.
Тавре аз Маркази матбуоти Вазорати фарҳанги Ҷумҳурии Тоҷикистон ба АМИТ «Ховар» иттилоъ доданд, донишҷӯи Коллеҷи санъати ба номи А. Бобоқулов Меҳрона Ғайбуллоева барои иштирок дар озмуни байналмилалии «Ту беҳтарин!» («Ты супер!») дар Федератсияи Россия бо Ифтихорнома қадрдонӣ гардид.
Меҳрона аз даври якуми озмуни мазкур бо муваффақият гузашта, дар даври дуюм низ дар сатҳи баланд суруд хонд ва ба даври нимниҳоии озмуни «Ту беҳтарин!» роҳ ёфт.
Ҷаннат Ҳусейнзода, ки на танҳо дар Тоҷикистон, балки берун аз он низ бо истеъдоди фавқулодаи пианинонавозӣ ва эҷоди асарҳои мусиқӣ шинохта шудааст, барои ғолибият дар озмуни «Истеъдодҳои ҷавон — 2018», ки бахшида ба 80-солагии композитори маъруфи тоҷик Миратулло Атоев баргузор гардида буд, сазовори Ифтихорнома гардид.
Қобили зикр аст, моҳи декабри соли 2017 дар дафтари кории Созмони Ҳамкории Шанхай дар шаҳри Пекин барномаи консертии Ҷаннати 12-сола дар силсилаи «Нӯҳ нотаи сеҳрофар» баргузор гардида буд. Консерти навбатии ӯ дар силсилаи мазкур охири моҳи июни соли ҷорӣ дар шаҳри Пекини Ҷумҳурии Мардумии Чин сурат хоҳад гирифт.
Ҳамчунин ба донишҷӯёни Коллеҷи санъати ба номи А. Бобоқулов Нисо Рустамова, Муҳаммад Ниёзов, Чоршанбе Аловатов ва Шаҳром Некматов низ барои ғолибият дар озмуни «Истеъдодҳои ҷавон — 2018» Ифтихорномаи Вазорати фарҳанги Ҷумҳурии Тоҷикистон супорида шуд.
Дар Душанбе дуюмин Синамоҷашнвораи байналмилалӣ «Тоҷи сомон» баргузор мегардад
Дар театри Муҳаммадҷон Қосимов намоишномаи «Ман Таҳминаам…» аз рӯи достони «Шоҳнома» пешниҳод мегардад
Бо ташаббуси Агентии ҳифзи мероси таърихию фарҳангӣ дар ноҳияи Ховалинг Рӯзи Ваҳдати миллӣ ҷашн гирифта шуд
Шоири халқии Тоҷикистон Камол Насрулло: «Ҳақиқат ин аст, ки Пешвои миллат ваҳдатро бунёд гузошту таҳким доду қавӣ сохт»
Дар Осорхонаи миллӣ гӯшаи доимоамалкунандаи «Ваҳдати миллӣ» ташкил гардидааст
Тамоми комёбиҳои миллат ва саодати рӯзгори мардум аз иттиҳоди миллӣ ибтидо мегирад
«ЭМОМАЛӢ РАҲМОН – МЕЪМОРИ СУЛҲУ ВАҲДАТ». Дар Вазорати фарҳанг ҳамоиши илмӣ доир гардид
Таҳти унвони «Қисса ва ҳикояҳо» китоби Абдурофеъ Рабизода нашр гардид
«ДАР МЕҲМОНИИ ДУШАНБЕ». Фестивали байналмилалии эҷодиёти бадеии кӯдакон ва наврасони ИДМ оғоз гардид
Дар Агентии ҳифзи мероси таърихию фарҳангӣ таҳти унвони «Ваҳдати миллат — бақои миллат!» ҳамоиш баргузор шуд
Дар ёдгории Ҳалқаҷари ноҳияи Хуросон бозёфти нодири таърихӣ — «обкӯзаи хонуми Сагкин» кашф гардид
«Душанбе — нусхае аз биҳишт». Таҳти ин унвон дар васфи пойтахти Тоҷикистон китоб ба нашр расид
